¹ yesu ahikhuma nwe ni khuwa elapo eyariyawe, ni awixuttiawe yahinthara. ² waphiyalyaya oyo esabadu,oyo anixutteha npani mwamavekelo.Antjene hinwalyaya ahi khala otikinihiya.ayo yanihimya: nthutjalevai tjithu iyo?atjuwela xenin'no ola ovahiyawe? tjotikiniha xeni ola onirawe ni matatawe? ³ kahiyo ola kalapitero, mwana Amariya,mwamunawe Yakobe ,Yosefe,Yuda ni Simoni?khakhalale axirokorawe va nihi? ni ayo kiyankupalela Yesu. ⁴ Vano Yesu ahahimerya: ''khuvo porofeta onthayiya ohikhanle nlaponimwawe,niriari yamutjiwe, ya vatevawe". ⁵ Oyo khawerya opanka tjotikiniha vavale, avonihale retta vakani mwa yoyo ahiwintjaterya matatawe ni ahavoniha ⁶ .wa mwaha wohikhalana iroromelanaya ayo yahalale atikinihiyene. ni oyo ahiroya mittetthene ixuthihakha. ⁷ Oyo ahiwirela ale muloko ni pili kupatjera waruma,eli eli;ni avaha owerya woxintha minepa tjotakhala, ⁸ Ni oyo ahimuxuthiha wira ethuxe yarowatha ekwaha aya,ahikhale ecopo:N'nakhala nkathe,'n'nakhala nrupa,n'nakhala ntjurukhu nthakhoni mwinyo, ⁹ Numala eware ethamanko ni ahiware malaya meli. ¹⁰ Ahahimerya tho:''waphiya enupa emotja,nkhaleke enupa yeyo mphaka nihiku ninkhumatjen'nyo. ¹¹ Ni mwa nipuro nimotja mwahakheliye ni mwahinwiye,mwkhumaka m'mwe,ntathe nthupi na vathi inyau thinyu wi nakhalele nthonyero nanyu''. ¹² Ayo yahikhumatja ni yahipatjera okhuwela wira athu yahana wituthuwa wa tjotteka tjaya. ¹³ Ni yanomola minepa tjotakhala,yanathikithela makhura aretta ni yanivona. ¹⁴ Mwene Herodi wowiwa,mwa ntjina na yesu okhala wira nahivuwa ventji.akina yahihimya:''Yohani,mbatiso,ahikhuxiwa eriari walipa okwa ni tivo ekhuru iyo tjotikiniha tjin'noneta wa yoyo''. ¹⁵ Akina yanihimya:''oyo Eliya''.nlelo akina yanihimya wira ''oyo ti profeta,ntoko m'motja amaprofeta ale akhalayi''. ¹⁶ Vano Herodi wiwalawe iyo,ahihimya:''Yohani,yoyo miyo kin'hitalaka,orohihimuxiwa''. ¹⁷ Vano Heridi ahiruma othukeliwa Yohani ni ahinkheliha nkhatheya mwaha wa Erodiya(Mwara a n'himawe Filipi),Vano oyo anthenle yoyo. ¹⁸ Vano,Yohani ahunhimerya Erodi: ''khahi yorera wira mwinttele mwara an'himen'nyo''. ¹⁹ Vano tho Erodia aninkhalela nrima Yohani ni animphavela omwinviha,numala khavaweraneya, ²⁰ Vano Herodi animova Yohani,ahitjuelaka wira oyo ori na xariya ninthu orera nrima ni anikhapeleliya.iwakharu,Herodi anikutakutheya,numala animwinwa ni otjiveliya. ²¹ Vano, nihiku nayanno, wophwanelela othapelela eyakhatjawe, Herodi ahavaha olya anakhotto aiye, amaholeli ni akhulupale oGalileya. ²² Mwana a mwanene Herodiya ahiwa ahina oholo wa atthu ayo ni Oyo khuntjiveliha Herodi ni Anamalattuliya awe. Mwene ahin'himerya mwanthiyana Oyo: ''Okivekele etthu emphelaa miyo kinamovaha''. ²³ Oyo ahinlaphela ahimyaka: ''Khula etthu enkivekelen'yu kinamovahani, hata okhala eriyari wa omwene aka''. ²⁴ Oyo ahikhuma ni khun'himerya mayawe: ''Kanlepele exeni?'''Oyo ahakhula: ''Muru wa Yohani, Mbatiso''. ²⁵ Oyo wowakuveya ahakuveyexa ahikela wa mwene ni khuvekela ahimyaka: ''Kimphela nkivahe, ninano vava, mparathoni, muru wa Yohani,Mbatiso'''. ²⁶ Mwene aripiya murima vantji, mwaha wa yolaphelawe ni wa wanamalattuliya, khakhanle okhotta. ²⁷ Vano mwene ahinruma nakhottho ommulipelela ni ahinruma oruha muru wa Yohani. Nanlipelela ahirowa ni ahin'hita nkhatteya. ²⁸ Oyo ahiwana murwawe mparathoni ni khunvaha mwanthiyana ni Oyo ahavaha amayawe. ²⁹ Numala win'wa eyo, awixutti awe ahiwa ni khukuxa murutthu ni khuvithiya. ³⁰ Arumwa, atthukumanaka variyari wa Yesu, yahon'himeryatja tjotene tjiralyaya ni tjintthutjihalyaya. ³¹ Oyo ahahimerya:'' Nrowe nipuro na wothakoni ni mmumule wa okathi vakhani''. Oholo waya antji yarowa ni yawa ni Ayo khayarina okathi nnakhala wa olya. ³² Numala yahirowa vekhaya, nkawani, wira arowe nipuro na wothakoni. ³³ Numala entji yahaweha ekhumaka ni khwatjuwela, ni yahitthimaka wamotja,wa inyawu, mittetthe tjotene, ni Ayo yahiphiyatja Ayo ahinatthi. ³⁴ Numala okhuma nkalawani,Yesu ahona muttitthi mwintjene ni ahamorela ikharari, okhala wira yakhala ntoko ipwittipwitthi tjohikhalana nkukhuli. Ni Oyo ahipatjerya owintthutjiha tjitthu tjintji. ³⁵ Numala ovira okathi, awixutti awe yahirwa wa Yoyo ni yahin'himerya: '' Nna nipuro na wothakoni ni okathi onavira. ³⁶ Mwahiye atthu arowe omuttettheni wowattamela wira arowe yathume etthu wira alye'''. ³⁷ Vano Yesu, akhulaka, ahahimerya: ''Mwavahe etthu wira alye''. Ni ayo yahimuhimerya: '' Niroweke nathume imiya pili tja nkatthe ni navahe wira alye?''. ³⁸ Oyo ahahimerya: ''Nkatthe tjikavi tjirinen'nyu? Nrowe ni mwalikele''. Okathi watjuwelalyaya, yahira: ''Nkatthe thanu ni ihopa pili''. ³⁹ Oyo ahiruma wira otene yokome makhuru ni makhuru vamalaxini. ⁴⁰ Ayo yahokoma makhuru ni makhuru; makhuru a emiya ni miloko mithanu. ⁴¹ Oyo, ahikusa mikatthe mithanu ni ihopa pili, awehaka wirimu, ahireriha ni ahikawa mikatthe ni khwavaha awixutti awe wira aruhele oholo wa muttitthi. Ni ahikawa ihopa tjopili wa otene. ⁴² Otene yahilya mpakha ovona. ⁴³ Ayo yahittottelatja.Ayo yahittottetja mapattuxa nkathe tjonyatyatja khutjara ettanka muloko na pili tjo tjara,ni tho apathuxa ehopa. ⁴⁴ Yari athu ikonto thanu yalyinye nkathe. ⁴⁵ Wowakuveya oyo aharuma awixuthi awe okela nkalawani entharaka oholo wawe erowaka mphantti nkina,Wo Betisaida,vano yesu ahimwara nttithi wthu. ⁴⁶ Numala oyo yakhumalaya,owo ahiwela omwako wira alompe. ⁴⁷ Ohiyu ahiwa ,ekalawa yari eriari ya matji,ni oyo ari variari va matji,ni oyo ari vekhawe nkerekhere wettaya. ⁴⁸ Oyo ahona wira ayo wanarikarika olaphuwa,vano epheyo,yanavelaveliha ni vahalaka oxa,oyo ahiwa wayayo ethaka matjulu wa matji ni ahiphavela wavikana. ⁴⁹ Numala vamonaya ethaka vatjulu va matji,yahupwela wira wari n'nepa ni yahikhuela. ⁵⁰ Vaholo yahona ni yahikhala ni wova. Vano wowakuveya oyo ahahimwrya ''mulipe murima! Ti miyo! nhove''. ⁵¹ Oyo ahikela nkalawani nayo ni epheyo yahimala. Ayo yahikhala otikinihiya ventji ; ⁵² Vano kiyatjuwela ntikiniho tjankathe wohikhalavo,mirima tjari tjolipa. ⁵³ Wamalalaya epheyo eyo yahilapuela eraka elapo Genesari ni yahintjatti ekalawaya. ⁵⁴ Wakhumalaya nkalawani,nttithi nananoru wahintjuwela yesu. ⁵⁵ Athu yahiviravira nttethe wotene ni yahipatherya onwanela aretta vanrepani,kula nipuro yiwaya wira ori womwo ⁵⁶ Wotene wavirawe Ilapo tjikani,Mttethe ni mapuro otene, ayo yanahiya aretta nipuro nowonela,ni yaninvekela wira yathunuhere avara malaya awe. Ni otene ayo yavara yanivona.