¹ Wanano, Yesu ahipatjerya wintthutjiha n'kerekhere mwa matji. Ni muttitthi mmotja mwintjene wahithukumana variyari vawe, nivo,Oyo ahikela nkalawani mmotja mmatjini khukilathi. Muttitthi wotene wari nkerekhere wa matji,mphareya. ² Oyo aniwinthutjiha tjithu tjintjene n'hina wo malikano, ni anahimerya: ³ '' Mwin'we! Namwala epyo ahikhuma arowaka waala. ⁴ Oyo aalaka,ipyo tjikina tjahimorela mphironi, axinuni yahirwa khuthupavo. ⁵ Tjikina tjamorenle mapuro owatta maluku, wahakhalale etthaya ntjene. Wohipitja ipyo in'yo tjahimela, okhala wira etthaya yari vatjulutjulo. ⁶ Numala okhuma ntjuwa, ipyo iyo tjahupahiya okhala wira khatjarina mitathari ni tjahumma. ⁷ Ipyo tjikina tjamorenle wariyari wa minwa, iyo tjahinnuwa numala khukhwa. Tivo ipyo in'yo khatjimmale mihokorokho. ⁸ Ipyo tjikina tjamorenle etthaya yorera tjahimma mihokorokho tjunnuwaka ni tjahintjerereya, tjikina tjimmaka miliko miraru, tjikina miloko mithanu namotja, ni tjikina miloko miloko tjene''. ⁹ Oyo ahira:'' Ole orina maru owin'wa in'weke!''. ¹⁰ Okathi Yesu waryawe vekhawe, ale yari vakhiviru ni Oyo ni ale muloko nenli, ahikohiya mwaha wa malikaniho. ¹¹ Oyo ahahimerya: ''Nyuwo movahiya tjovithiya tja omwene wa Muluko, numala akina ale oota tjotene tjimpankiya mwa malikaniho, ¹² wowi, yonaka, yoneke, numala ahoone, ni yinwaka, yinweke, numala ahitjuweleke, vohiya voo, Ayo yamurukunuxa murima ni Muluku amwalevelela''. ¹³ Oyo ahahimerya:'' Nyuwo khanninwa nlikaniho nna? Munthuna otjuwela tjayi malikaniho makina? ¹⁴ Namwala epyo onaala mulumo. ¹⁵ Ni ale ntjeretjere mwa ephiro tin'yale aninwa, numala khinarwa xotwani ni anan'ya vowakuveya mmurimani mwaya mulumo ale yalin'ye. ¹⁶ Ni tjikina tintjen'ye etthaya yowattha maluku, wale, yinwaka mulumo, ni tho annakhela ni ohakalala. ¹⁷ Ni Ayo kharina mitathari wa yayo, numala annilipa okathi vakani. Vano, onarawa ohawa wala womolanihiya mwaha wa mulumo, ni, wowakuveya Ayo anninyala. ¹⁸ Ni akina tin'yale yalin'ye eriyari ya minwa. Ayo tale aninwa mulumo, ¹⁹ numala makhalelo elapo, owokeya wa mihakhu ni tjowamwelela tjikina tjinnakela ni tjinnahonona mulumo, ni elaa ehinakhalana mihokhorokho. ²⁰ Ni akhala ale analiya etthaya yorera. Ayo anninwa mulumo, annakhela ni Ayo animma mihokhorokho, tjikina miloko miraru, tjikina miloko thanu namotja ni miloko milokotjene''. ²¹ Yesu ahahimerya: ''Nyuwo munniruha nthuko ni nnapweha vathi wa mwapu wala nkulukuthele? Nyuwo munniruha ni nnapweha wowoneya. ²² Okhala wira khivo yovitheya ehinkela otjuweliya, ni tho khivo esiri ehinkela otjuweliya. ²³ Wakhala wira ntthu ohana maru owinwa inweke''. ²⁴ Oyo ahahimerya: ''Nkhalane ephole nile nninwennyu, vaholo vaya mweryo nnaphimelen'nyu akhwin'nyu, ni nyuwo munrowa ophimeliya tjitjammo ni tho innawatjereriya. ²⁵ Wowi ole orina, onawatjereriya, ni ole ohirina, ni elee orinawe onawakhiya. ²⁶ Yesu ahira: '' Omwene wa Muluku onlikana ntoko namwala ipyo vatthayani. ²⁷ Anarupa ni anavenya, vano epyo enamela, ni eninnuwa ohitjuwelaka wunnuwa waya. ²⁸ Etthaya mekhaya ennimma mihokhorokho: Opatjerya onkhuma ntathi, numala khiyakhuma muputjo ni okathi nkina, inuku khiyatjareya ²⁹ mmuputjoni. Numala enuku okhomala, wowakuveya, ntthu onniviriha nkuttiima okhala wira ohatta wophiya''. ³⁰ Ahahimerya tho:'' Exeni ninrowahu olikaniha ni omwene wa Muluko? Ni tho nnlikaniho xeni ninrowahu olikaniherya? ³¹ Oyo ori ntoko enuku ya nrale enira, yaliya vale, enikhala yotepatja oyeva veri wa etthaya. ³² Vano, yaliya vale, enninnuwa ni enkhala yulupaletja wovikana ipyo tjotene tjiri mmatta. Ni khinakumiha iritta tjulupale, numala axinuni antjulu khinapaka ipuruuro tjaya wantthutjini waya''. ³³ Ni malikaniho mentji anahimerya mulumo, ntoko tjatthunaya winwelela. ³⁴ Ni Oyo khivo ahimeryawe wohikhala n'hina wa malikaniho. Vano, wiphini, analakiherya tjotene Arummwa awe. ³⁵ Mahuku ale, numala winla, Oyo ahahimerya: ''Onrowe opuro nkinaku''. ³⁶ Ahiyaka muttitthi, arummewa yahimukusa Yesu, numala ari nkalawani. Ikalawa tjikinaku tjari ni Yoyo. ³⁷ Vano ahipatjerya naphuvu ni epheyo, ni mawimpi yanikela nkalawani, matji anahala otjareyamo. ³⁸ Numala Yesu ari ottuli wa ekalawa, arupaka vatjulu wa etjumasu. Awixutti yahummusa, ahimyaka: ''Mwintthutjihi, khannona wira nihanle okhwa?'''. ³⁹ Yesu ahivenya, khumaliha epheyo ni ahimerya matji: Omaale. Ni epheyo khumala ni wahikhala mmaleleyo. ⁴⁰ Oyo ahahimerya: ''Nnovani? Nyuwo nlelo khanrina nroromelo?'' ⁴¹ Ayo yari otjareya woova ni khuhimeryana: Olaa tipani ommaliha epheyo ni matji khunamwiwelela?''