¹ Ahumu,athiyana othanliya ni mwanaya, wayale anafetaka ni ekweli; ni khunakhala mi pahi, numala tjitjanmo otene alee atjuwela ekweli; ² Womwaha wekaweli eri nihiyo, ni ehala okhala nlelo nihiyo. ³ Mahala ,ni ekiriri ,ni murettele wa Muluku tithihu, ni wa Yesu kristu mwana a tithihu,okhale ninyuwo nikhwelini nifento. ⁴ Wokitela ventji mwaha wowaphwanya asana akinaku yettaka mwekhwelini, tjitjo toko tjakhalalehu malamulo atithi. ⁵ N i nanano, apwiya, kinamwavekela, wohikhala toko walepela malamulo, makina, numala yale arinehu wopatjerani:wowira hi nifendaneke nkina ni nkwawe. ⁶ Nna ti nifento:ni netlehu wanlamulonawe, yala timalamulo, toko tjiwalehu wo patjerani: ni wayala netteleke. ⁷ Wira owotha entji akhumelelale mulaponi ahinkupali wira Yesu kristu howa mwiruthuni. olaa na mottha nwanani awe. ⁸ Wiwehawehe wa nyuwo vekhinyu, wira nhirimele wa yele evaralenhu nteko; numala aayo nakhele elee yokhuluvelihiya yomalela. ⁹ Otene yale arowa wohikhala ni wohipwaherera ekettelo tja kristu kharina Muluku; vano olee opwaherera ekettelo tja kristu hana ventji apapawe ni mwanawe. ¹⁰ Wayoje omwa wa nyuwo, vi hiwanaka iya ekettelonya, nhimwakhelele owanyinyu, ni nhivhe esalama. ¹¹ Wira olee osalamiha napanka mphantti mmitekoni wawe tjonanara. ¹² Wa tjithu tjintji kkihana kolepelakani, akithunale wolepelani ni epaphelo ni owino; numala kiweherera owa wa nyuwo, wira okolavulaneni okhathi nu khathi wira otteliyawihu mirima okhale womalela. ¹³ Asana arokorinyu, athanliya, anosalamihani ameni.