¹ Asunnaka, nhithuneke wakhula nnepa, numala ni nlawiheke nnepa wira nmwehe wakhala wira omwa wa Muluku, okhala wira yahokhuma marumei mentji owotha yakhumala nduniyani. ² Wa eriyari wa yela kihotjuwela nnepa wa Muluku: Minepa tjotene tjilaphulula wira Yesu kristu owale nthayini ori a Muluku, ni minepa tjotene tjihilaphulula wira Yesu khanakhala a Muluku, ³ numala nnepa wohinthuna kristu, wa yole inwala wira howa, ni nanano ori nduniyani. ⁴ Yonyu asanaka, nyu nri aMuluku, ni yole okhaviheraleni, wa yole ori ninyuwo mulupale ovikana ole ori mwelaponi. ⁵ Nyetje minepaye tjo mwilaponi, vanotho owo yiralyawe owo to milaponi ni elapo enamwinwa. ⁶ Hiyanonathu a Muluku. wa yole nontjuwela Muluku ononinwa, ni hikhanle a Muluku khanoninwa. Tjo tintjuwelehu nnepa wekweli nnepa wonanara ⁷ Asunnaka, nifentaneke nkina nikhuawe, wira nifento na Muluku, ni potene yale afenta ayariye ni Muluku ni anatjuwela Muluku. ⁸ Vno alee ahinfenta khanotjuwela Muluku, okhala wira Muluku tonifento. ⁹ Wayela nifento na Muluku ninipakelale wa hiyano: wophwayeneya Muluku oruma mwanawe mmotja nduniyani, wira nikhale wa yowo. ¹⁰ Ni elaa enonihera nifento: khaninakhala hi nifentale Muluku, numala owo tinifentale, ni honruma mwamwanawe wira attikitthatje etampitjahu. ¹¹ Asunnaka , wakhala wira Muluku onifenta tjitjo, nihi nihana ninfentakankinana ni khwawe. ¹² Khavo khalale omona Muluku. Nihikhalale ofenta nkhwihu, Muluku okhala nihiyo, ni nnifentonawe ninithutja wa hiyo. ¹³ Wayela hiyo ninatjuwela wira niri wa yowo ni owo wa hiyo, owo tonivaha nnepa. ¹⁴ Ni nihiyo ninokhala nonaka namona ni atithi emwanalyaya wa mwamwanawe ntoko mopoli aduniyani ¹⁵ Wakhula nthu yole olupela wira Yesu mwana a Muluku, Muluku ohala niyowo, ni owo ni Muluku. ¹⁶ Nihiyo ninatjuwela nihana nifento na Muluku ni hana wa hiyo. Muluku nifento, ni ole okhala wa nifentoni okhala mwa Muluku, ni Muluku niyowo. ¹⁷ Niyenna nifentona nari nowinthutjiya nihi,wira hi nikhalane ororomela nihiku nohukhumuliya, wowira owo apanke tjo tjitjamo hiyo nelapo yela. ¹⁸ Nnifentoni khuvo wova, wovirikana wa yenna nefentonna ova orihela ottayi,wira wova onophwayaneya ottarusiya, ni yole rina wova khithutjale nifento. ¹⁹ Hiyo ninafenta okhala wira Muluku onifenta tinifentale wopatjera. ²⁰ Akhala nkina namwira: "Mi kinafenta Muluku", numala athayaka mwamunawe, owo namothi, ni yole hinofenta mwamunawe, yole nomonawe, khanonfenta Muluku,ni woyole hinomonawe. ²¹ Ni hiyo nihana alaa malamulo wa phantti awe, ni wayole nofenta Muluku hana afentaka tjitjmo mwamunawe.