¹ Apo nguirozi idandipanguisa muculu wa madzi wa upenyu, wacunguerewera utchibuda cudzaulu cuna bhira. ² Pacati pa luwani mukundumo la muculo mukhana muti waupenyu, ikabala misapo mese yense masamba yamuti ikalapa wanhu. ³ Penepo apadzaoneque cutukwa. Umambo wacudzaulu unazakala muluwani wana muzimu wacuchena wachicupani. ⁴ Iyo watchaona nkophe yache apo Mulungu anadzagala panguma yawo. ⁵ Apachadzaonequi usicu apo iyo watchadzati tchivequenero cha toche cana cha dzua, thangwe Mulungu atchadzapenya pacati pawo anakala atchisangana nsicu zense. ⁶ Nguirozi idandibvunza: Cuti pasoco aya ngatchokwadi apo Mulungu wamuzimu wamaprofita anatuma nguirozi cuti apanguirise cuna wanamutera cuti zwinyi zwitchaitica cachimbitchimbi. ⁷ Ninga ndinauya nacutchimbiza. Nguamuche anatoesa masoco yawaprofita wa buku iri. ⁸ Ine pano Juwau ndidaona nditchibva izwi. Pangundidaona nacubva izvi, ndidatcha ndidagodkama pamwendu ya nguirozi iye nditchimunamata. ⁹ Iye adandibvunza cuti leca cuita izvoizvi ine ndinacoya iwe na wabale wacu, maprofita na wense wanatoweza masoco ya mubuku iri la Mulungu. ¹⁰ Iye adadandibvunza:" Cuti leca cukoya masoco ya wa profita ya buku iri. Thangwe nguwa yadipadudzi. ¹¹ Wanyacunyangaza ngawarambe watchinyangaza, wanaita zwamuche ngawalambi atchi ita zwamuche, alipachokwadi nhalambi atchi ita wacuchena. ¹² Linga ndiricuwa andinonoki. Mucufu wango ndinhawo cuti ndipe mubodzi na mubhodzi ninga zwatche adabata. ¹³ Ndine Alfa na Omega, wacutanda wa wacu pedzesera. ¹⁴ Mbamuche anatsuca nguwo zawo cuti watenderwe cudya cuti wa culalama iye achapinda muluwani na pamusuwo. (Ninga wamuche anatsuca nguo zawo zwinhu zwacale wana zwiwisa: Mbamuche anateweza mutemo wache). ¹⁵ Wanasala cunsa ndi imbwa, waloyi, mahule, waulaye, wana namata mazaglazimu na wense wanada cupwata na cuita. ¹⁶ Ine Djesu ndatuma nguirozi waculu cuti wandilanguiriri izwi na cucumbira matcheche. Ine ndine muzi mutoeri la dzidza la Davidi, chibvenenero tcha cupenya tchamachibesi. ¹⁷ Musimu na nhamangunda :" Ulicuhuya"! Anatetequera ngalongue: "Uya" Wense wananhota ngawa uye, na wense anada ngawauye, tambirani zwa nholi nholi madzi aculalama. ¹⁸ Ndidalambirira cunawense wanava masoco yamuprofita wa mubuku iri. Cuna iye anathimizira Mulunbgu atchathimizirawo mafucutu adanembiwa mubuku iri. ¹⁹ Cuna anatapuza masoco ya mubuku la muprofita atchatapuziwawo pakundu la muti wa culalama paluani lacuchena lidanembiwa mubuku iri. ²⁰ Cuna weneule anadzadairira atchiti:" Andi! Ndinatchimbiza cuhuya andinonoque". Ameni! alicuhuya Djeso Kristu!. ²¹ Ninga tsisi za Baba wathu Djeso nganzigale na mwense. Ameni