¹ Ibodzi Nguirozi pazinomwe kuti zikana ndico zinomwe idauya yense lidalanga cunaiye: Uya ine ndinadza cupanguiza cutongwa kwachikwachula tchiculu cuti tchidakala padzaulu mamadzi mazinji. ² Naiye wakuru wa pansi wada hula naye wense na vinyu yauhule watche, nawararami zadakala naculedzera ³ Ngirozi lidanditola muzimu kwenda murunere ese ndidaona mucadzi mubodzi adakala patchicalo tchinomwe tchidadzala na madzina iyacuchola. Itchigala tchicana misolo minomwe na nhanga Khumi. ⁴ Mucadzi akadatchimira nguo za mulipuse na zichawa zwacudequedzeca nagolidi na wale wacudequedza mamaperela wacadabata mumanja mwatche ndico ikadadzala na zwakunhangala na zakuzwipisa. ⁵ Pankope pache pacadalimbiwa dzina libodzi labasa lachita: BABILONI CUMULU MAE WAZIKWACHULA FUTI NA ZWAKUNYANGALA ZWAPANSI. ⁶ Ese ndaona cutri mucadzi acadaledzera na gazi ichawa cutchena na gazi lawadapombera na tsenzo pakumi ndidamuona ine dakala nacudzuma cuculu. ⁷ Apo nguirozi idandithi thangweyanji ulicudzuma ine nditchasanangula cuna iwe basa la mjucadzi na la tchicala tchaco udadzuma ( tchicala cuti tchinamisolo minomwe na nhanga nkumi). ⁸ Tchikala kuti adaona, akutchalibezvi, apo culicuda cuhuya kusicasica kwa ngueena cuna kwema kafudziska futi wenewale cuti wadakala pansi, cuti madzina alibe cunembiwa mu bubku laculalama cubudira pacusikwa kwa dzicoi, anazagala wacuchamisica pau iwo anaona chicala cuti chiripode atchiripo apo chichino chiri cuda kuwuya. ⁹ Pano panadicana munhu mubodzi cuti anadziwa. Misolo minomwe ndiyo mabango manomwe mamusana pacuti iye mucadzi adacala. ¹⁰ Iyo basi ndio waculu wanomwe watchauya wakula wadagua mubodzi walipo, ese wanango wasati wazwica pache iye anawuya iye anada culambirira panguwa. ¹¹ Tchikala cuti tchikalipo, apa achalibe tchinomwe iye ndiye muculu watchisero ese basi mubodzi watche pawanomwe waculu futi anaenda cufundziwa ¹² Nyanh«ga kumoi zaco waona ndiyo waculu kumi cuti awasati watambira dzico libodzi, apo iyo wanadzatambira nsimba ninga waculu, pabodzipene na tchikala, panguwa libodzi. ¹³ Iyo wanazero inodzi basa futi watchadza bala nsimba na utongui cunatchikala. ¹⁴ watchadzaita nkondo na bhira, apo bhira linadzawacunda thangwe iye ndiye Changamire wawa Changamire futi Muculu wawa Culu ese iye alipo anacudzaidziwa wanyacusangula wacuchena". ¹⁵ Ese nguirozi lidati cuna ine: madzi cuti iwe wawona pachikwachula chidagala ndi madungue mumba madzico namitauro. ¹⁶ Nyanga cumi zaco wawona na Tchikala watchadzazonda chikwachula ese watchadza tchisiya tchidalula futi pezi. Iyo wanadzalanga naya yache futi wanadzapisa na moto. ¹⁷ Thangwe Mulunfgu adaiga mumoio mwao cuita cuda kwache, cuwaeliza cuti watende cupereca tchikala musimba yatche atongue kuzwiquira cuti anasoco iye Mulungju iye aterezeca. ¹⁸ Mucadzi cuti aona ndiro luani liculu cuti iricutonga mamusana pawaculu wapansi.