¹ Natenepo ndidaona cudzaulu chinango chipanguiziro chiculo chacupatissa, pakana ngirose zinomwe na zwifucutu zwinomwe cuti zwikali zwacupedzesera nadyalo iyo anazawanda cuna Mulungu wanazakala zacupera. ² Ndidaona tchindu ninga bala la guirazi lidakandanizia na moto. lida ema paduzi na bala wakalipo pabodzi wadaema wadawina chirombo natchipanguiziro chache na namba ya dzinalache iyo wacadabhata zwau akadapiwa na Mulungu. ³ Iyo akaenda nimbo za Mosesi iye nabasa wa Mulungu futi na nimbo ya bhira wacati:" Ndimwe Mulungu muculu ndibaba wathu Changamire muculu ufumi wense watchadichadi waculalama ndiyo gira zaco muculu wamacole. ⁴ Mbani analeca cucuchani, Changamire imwe na cupera mbiri cudzina ichabwera wadzanamate pamberi pano na tangwe mabasa anu ngacuchena anapanguiziwa. ⁵ Mumasule mwa zwindu zwenezwi ndidalinguisa cudzaulu guereja yeneyo yacupupulira. ⁶ Mu mbuto ycuchena cuda buda ngirozi zinomwe nazwi fucuto zwinomwe, zwidafeca nguo zacupenha zichietimira mukosi. ⁷ Natenepo chibodzi chibarwa pazwinai chidapereca cuna ngirozi zinomwe mibairo minomwe idadzala nacunyangalirwa kwa Mulungu cuti cugale cuenda na cuenda. ⁸ Natenepo mbuto yacunamatira idazala na utsi wacudenga zwichipanguiza nsimba ya Mulungu. Apana wacavumiwa cupinda cuswiquira cuna zwifucutu zwinomwe na ngirozi zinomwe azisati zapera.