¹ Ichikala baada ya gago Jesu weanza kusafiri kahi za midzi na vidzidzi mbalimbali achuhubiri na kutangaza habari mbidzo za ufalume wa mulunguni. Na vharatu kumi na airi vhekwenda hamhwenga naye. ² Na vivyo pia amache Fulani vhareokala uhadzihozwa kulan a roho chafu na makongo mbalimbali vhekala ni Mariamu ariye chewa Magdalena ambaye wekala adzombozwa pepo saba. ³ Yoana mukaza kuza na meneja wa Herode, Susana na anaache anjine anji vharemboza mali zao khwa ajili yao enye. ⁴ Na baada ya kundi ra atu kukusanyika hamhwenga vhachikalamo na atu vhareokudza khwakhwe kuhumira mifano. ⁵ Munyali wekhwenda kunyala mbeyu, arehokala achinyala baadhi ya mbeyu zeghwa kando ya njira zichivyoghwa tsini ya magulu na tsongo vhachizitota. ⁶ Mbeyu zinjine zichighwa dzulu ya mutsanga weye mawe na zirihwanza kumera na kukala mitse yeola khwa kukala kakukalire na unyevu. ⁷ Mbeyu zinjine zeghwa khwenye miya nay o miya ichiizongazonga. ⁸ Lakini mbeyu zinjine zeghwa khwenye mutsanga mudzo na zichivyala mavyalo mara gana. Baada ya Jesu kugomba maneno gaga wepaza sauti “Yeyosi ariye na masikiro ga kusikira na asikire” ⁹ Kisha anafunzi e vhachimuza maana ya mufano uno. ¹⁰ Jesu achivhambira “Mudzipewa upende leo wa kumanya siri za ufalme wa Mulungu. Lakini atu anjine vhandafundishwa tu khwe mifano ili khwamba vhachiona vhasione na vhachisikira vhasielewe. ¹¹ Na ii ndiyo maana ya mufano uu. Mbeyu ni neno ra Mulungu. ¹² Mbeyu ziratu zirizoghwa kanda kanda ya njira ndio vharatu atu vharisikirao neno na baadaye movu shetani ni kuribakura kula moyoni ili khwamba vhasiamini na kuokolwa. ¹³ Kisha na ziratu zirizoghwa khwenye mawe ni atu ambavho vhanarisikira neno na kurihochera khwa furaha sana lakini khavana mizi yoyosi vhanaamini tu khwa muda mufuhi na vhachipata majezo ni kughwa. ¹⁴ Na mbeyu ziratu zirizoghwa kwenye miya ni atu uharisikiraro neno lakini uhendereraho kukula ni kusonghwa ni shuhuli na utajiri na amasa za Maisha gaga na khavavyala matunda. ¹⁵ Lakini ziratu mbeyu zirizoghwa khwenye mutsanga mudzo ni aratu atu amabaho ni anyenyekevu na mioyo midzo baada ya kusikira neno ni kurizulia na mkakala salama na nikuvyala matunda ga uvumilivu. ¹⁶ Sasas kakuna hata mumhwenga aashaye taa na kurifirikira na bakuli au kurika tsini ya chitanda. Badala ya kuyika taa dzulu ili khwamba chila mumhwenga aenjiraye apate kuyona. ¹⁷ Kwa kukala khakuna chindechodzifitsa ambacho khachindamanyikana, au chochosi chiricho sirini ambacho khachindamanyikana chichikala khwenye mulangaza. ¹⁸ Khwa vivyo kala makini uchikala unasikiza. Khwa sababu aricho nacho khwakhwe andaonjezwa zaidi, lakini asiye nacho hata chirati chichache aricho nacho chindahalwa. ¹⁹ Baadaye mameye Jesu na nduguze vhachenda khwakhwe na khavhamufikirirre hehi khwa sababu ya umati wa atu. ²⁰ Na achambirwa, “Mameye na nduguzo vha haho honze vhamamala kukona uwe. ²¹ Lakini Jesu achijibu achambe, “Mame wang una ndugu zangu ni vhavho vharisikirao neno ra Mulungu na kurighwira. ²² Ichikala siku mhwenga yahoo kahi za siku ziratu Jesu na anafunzie uhepanda khwenye da una achivhambira, “Hindeni huvuke ng’ambo ya hiri ya Zia” vhachitayarisha mashua yao. ²³ Lakini vhavehoanza kuuka, Jesu achilala usingizi na dhoruba kali yenye upepo ichizuka na mashua yao ichaanza kodzala madzi na vhachikala khwenye Harari bomu sana. ²⁴ Baadaye anafunzie vhachenda mulamusa, vhachamba, “Bwana mukubwa!Bwana mukubwa! Hunakaribia kufa” Achilamuka na achiuchemera uo upepo na maimbi ga madzi vichihwira na kuchikala shwari. ²⁵ Kisha achivhambira Imani yenu ihiko? Vhachogoha, vhachishangaa, vhachiuzana “Yuni ni ani, chasi cha khwamba anaamurisha hata peho na madzi na vinamutii. ²⁶ Vhachifika khwenye mudzi wa Gerasini urio kanda ya nyuma ya Galilaya. ²⁷ Jesu arehotima na kuvyoga khwenye tsi weonana na mutu Fulani kombola mudzini na yuyu mutu wekala na nguvu za dzidza. Khwa muda muwe wekala khwala nguo, na wekala kaishi khwenye nyumba, lakini wekala anaishi makaburini. ²⁸ Arehomona Jesu achirira khwa sauti bomu achamba “Nidzihendaze khwako, Jesu mhwana wa Mulungu ariye dzulu? Nakusihi usiniadhibu” ²⁹ Yesu achiamuru roho mchafu imombole mutu yuyatu kwa kukala wekala adzipagawa siku nyinji. Hata chamba wekala achifunghwa minyororor ya kumubana na kuikhwa tsini ya urinzi, wevivunza vyo vifungo na khwendeshwa ni mapepo paka jangwani. ³⁰ Jesu achimuza, “Dzina ro ndiwe ani?” achijibu achamba “Legioni” Kuamanisha mapepo manji gadzimhwenjira. ³¹ Vhachenderera kumusihi usiwhwamurishe khwenda shimoni. ³² Kundi ra ngulue rekala richirisa dzulu ya mrima vhachimusihi avharuhusu kuhenda vivyo. ³³ Khwa vivyo go mapepo gachimombola mutu yuyatu na kuvhenjira vho ngulue; na rokundi richichimbira khwenye muiruko wa murima paka ziani na vhachizama mumo. ³⁴ Ao atu vharekala vhanarisa ao ngulue vharehoona chirichohendeka vhekwenda malo na kwenda omboza habari kuko mdzini nan ze ya midzo idzi yozunguluka. ³⁵ Atu vharehosikira gago vhekhwenda kuona chirichohendeka na vhachidza khwa Jesu na vhachimona mutu ambaye mapepo gekala gadzimombola, wekala adzivala nguo toto na mhwenye akili timamu na asegere maguhuni khwa Jesu, na vhachogoha. ³⁶ Ndiho mumhwenga wao eriyeona chirichohendeka weanza kuvhasumusira anjine jinsi yuno mutu arevyokala adzipagawa ni mapepo arevyohozwa. ³⁷ Atu osi a mukoa wa Wagerasi na maeneo garigo zunguluka vhachimuvoya Jesu auke khwao khwa sababu vhekala na hofu bomu. Na wenjira khwenye mutumbwi na achinya. ³⁸ Mutu yuyatu ariye mapepo wemusihi Jesu khwenda naye lakini Jesu wemhwambira aende na akatangaze. ³⁹ Uya khwenye nyumba yo na utale garatu gosi ambago Mulungu adzikuhendera” Yuyu mutu weuka achitangaza kahi za mudzi wosi garatu gosi ambago Jesu wegahenda khwa ajili ye. ⁴⁰ Na Jesu achinya ma makutano vhachimukaribisha khwa sababu vhosi vhekala vhanamutariza. ⁴¹ Na lola kuchidza mutu mumhwenga chewaye Jairo ni mumhwenga kahi za vilongozi wa sinagogi. Jairo achighwa maguluni khwa Jesu na kumusihi aende nyumbani khwakhwe. ⁴² Khwa sababu wekala anamuhoho mumhwenga tu wa chiche mhwenye umuri wa miaka kumi na miiri na wekala kahi hali ya kufa. Arehokala achenda makutano gekala genamusonga. ⁴³ Mhwanamuche ariyekala achivudza milatso khwa miaka kumi na miiri wekala haho na wehumira pesa zosi khwa aganga lakini khaho lere. ⁴⁴ Wekudza nyuma ya Jesu na achigula nguo ye na khwa gafula kuvudza khwe milatso kuchiricha. ⁴⁵ Jesu achamba ni ani ambaye adziniguta? Vharehokala osi Petero achamba “Bwana mukubwa umati wa atu unasukuma na kukusonga” ⁴⁶ Lakini Jesu achamba, “Mutu mumhwenga adziniguta manaye naona nguvu zidzinombola khwangu. ⁴⁷ Mhwanamuche arehoona khwaweza kuchifitsa arechochihenda achanza kutetemeka achighwa tsi mbere za Jesu wetangaza mbeve za atu osi sababu iriyomuhenda amugute Jesu na viratu ⁴⁸ achimhwambira “Binti Imani yo idzikuhenda ukale muzima. Enda khwa Imani” ⁴⁹ Arehokala achenderera kugomba mutu mumhwenda achidza kombola nyumba ya chilongozi wa Sinagogi achamba “Binti yo adzefa usimuyunge iye mwalimu” ⁵⁰ Lakini Jesu arehosikira vivyo wemujibu achamba “Usogohe Amini tun aye andahola” ⁵¹ Kisha arehoinjira mo nyumbani kharuhusire mutu yeyosi khwenjira hamhwenga naye isikohala Petero, Jacob una Johana, babaye binti na mamaye binti. ⁵² Sasa atu vhosi vhekala vhanaomboleza naa kubiga kuhulu khwa ajili ye, lakini achamba musibige kuhilu, kadzangwe kufa arere tu. ⁵³ Lakini vhachimutseka khwa dharau vhachimanya udzefa. ⁵⁴ Lakini iye achimughwira mukono acheha khwa sauti achamba “Muhoho ema” ⁵⁵ Roho ye ichimuyira na achema wakati uo uo. Achiamurisha apewe chitu ile ariye. ⁵⁶ Avyazi e wachishangaa, lakini wevhamuru vhasimhwambire mutu chirichokala chidzihende ka.