¹ Mukutano wosi vhachema vhachimuhirika Jesu rubere za Pilato. ² Vhachanza kumushutumu na khwamba ‘hudzimupata mutu yuyu achipotosha taifa rehu, khwa kukahaza atu vhasomboze kodi khwa Kaisari na achamba kukala iye mhwenye ni Kristo, Mfalume’ ³ Pilato achimuza achamba, ‘Je we umufalume wa ayahudi?na Jesu achimujibu achamba, ‘Uwe unamba vivyo’ ⁴ Pilato achimhwambira kuhani mubomu na mukutano ‘sona kosa khwa mutu yuyu’ ⁵ lakini vhauvho vhachisisitiza vhachamba, ‘Adzikala achivhachochea atu achifundisha kahi za uyahudi yosi khwanzira Galilaya na sasa yu haha’ ⁶ Pilato arehosikira gaga achiuza chamba mutu yuno ni wa Galilaya? ⁷ Arechomanya kukala wekala tsini ya utawala wa Herode, ambaye naye wekala Jerusalemu khwa siku zizo. ⁸ Herode arehomuna Jesu, wefurahi sana khwa sababu wekala anahenza kumona khwa siku nyinji. Wesikira habari ze na wetamani kona mujiza mumhwenga uchihendeka. ⁹ Herode achimuza Jesu maswali manji lakini Jesu khamujibire chochoci. ¹⁰ Makuhani abomu hamhwenga na aandishi vheima khwa ukali vhachimushitaki ¹¹ Herode hamhwenga na shikarie, vhamuhukana na kumudhihaki, na kumuvika mavazi madzo kisha achimudzya Jesu khwa Pilato. ¹² Herode na Pilato vhachikala asena kula siku iyo, na hali kabila ya haho vhekala ni mahadui. ¹³ Pilato achivheha hamhwenga makuhani abomu na atawala na kusanyiko ra atu. ¹⁴ Achivhambira, ‘Mudhinirehera mutu yuyu, here mutu apotoshaye atu, nami baada ya kumuhoji mbere zenu sonere kosa khwa mutu yuyu kuhusu mambo gosi ambago ninwi munamushitakira ¹⁵ Kahana, wala Herode, khwa manaye adzimudzia khwenu, na bai kakuna chiku arechochihenda ambacho chinastehili adabu ya chifo. ¹⁶ Khwa vivyo bai nindamnadhibu na nimurichire. ¹⁷ (Sasa Pilato anawajibika kumurichwa mufungwa mumhwenga khwa ayahudi wakati wa sikukuu) ¹⁸ Lakini vhosi vhachibiga kuluhu hamhwenga vhachamba ‘Muse iye na uhufungulire Baraba’ ¹⁹ Baraba wekala ni mutu ambaye wekala yufungwa jela khwa sababu ya uasi Fulani kahi za dzidzi na pia hata khwa kologa ²⁰ Pilato achivhambira kehere, achitamani kumuricha Jesu. ²¹ Lakini vho vhachibiga kuluhu vhachamba, ‘musuhubishe musuhubishe’ ²² Achivhanza khwa mara yah ahu, ‘khwani yuni mutu ahenda mai gani? Sipatire kosa risita hiliro adhabu ya chifo khwakhwe. Khwa vivyo nindihomarigiza kumuadhibu nindamurichira’ ²³ Lakini vhachisistiza khwa sauti ya dzulu vhachimala asulubiwe. Na sauti zao zichimushawishi Pilato. ²⁴ Khwa vivyo Pilato achiamua kuvhapatira mahenzo gao. ²⁵ Achimuricha yuyatu vhariyemuhenza ambaye wefunghwa khwa kusababisha gasia na kolaga. Lakini achimomboza Jesu khwa mahenzo gao ²⁶ Vharehokala vhachimuhirika, vhemughwira mutu mumhwenga ehewaye Simon Mukurene, ariye kudza kula mashambani, vhachimuhika musalaba ili autsukule ²⁷ Kusanyiko bomu ra atu, na anaache ambavho vhehuzunika na kuomboleza khwa ajili ye, vhekala vhachimutua. ²⁸ Lkaini achivhagarikira, Jesu achivhambira, ‘Mabinti a Jerusalemu, musiririvire mimi bali dziririreni ninwi enye na khwa ajili ya ahoho enu. ²⁹ Lola siku ambazo vhandamba, ‘Vhadzibariki vhario tasa na tumbo zisizovyala na mahumbo ambago khaga amhwisire. ³⁰ Ndiho vhandeho anza kuyambira mirima ‘Hughwereneni na virima muhufinikire. ³¹ Manaye vhachiundera vivi muhi mhwitsi, indaka udze khwa muhi mukavu? ³² Anaalume anjine ahalifu airi vhahirikikhwa hamhwenga naye ili vhaolaghwe. ³³ Vhahehofika hatu hahiwaho vuvu ra chitswa, ndiho vhachimusulubisha hamhwennga na aratu ahalifu mumhwenga upande wa kurya na munjine upade wa kumotso. ³⁴ Jesu weamba, ‘Baba uvhasamehe khwa kukala khavhamanya vhahendaro. Navho vhachibinga kura kugavya mavazige ³⁵ Atu uhekala vhemire vhachilola kuno atawala vhachimudhihaki vhachamba, ‘Wevhaokola anjire sasa adziokole mhwenye chikala iye ni Kristo wa Mulungu muteule ³⁶ Shikari pia vhachimudharau, vhachimusenjerera hehi na kumupa sichi. ³⁷ Vhachamba, ‘Chikala uwe umufalume wa Ayahudi dziokole mhwenye’ ³⁸ Khweka na alama dzulu ye iriyoandikwa ‘Yuyu ndiye mufalume wa Ayahudi’ ³⁹ Mumhwenga kahi za ahalifu ariyesulubishwa wemuhukana achamba, ‘We si ni Kristo? Dziokole mhwenye na siswi’ ⁴⁰ Lakini yuyatu munjine achijibu, achimuchemera achamba, ‘Je wee kumogoha Mulungu, ‘hata nawe u khwenye hukumu iyo? ⁴¹ Sino hu haha khwa haki, khwa manaye sino hamuhochera chiratu huricho hunastahili khwa mahendo gehu. Lakini mutu yuyu khahendere chitu chochosi chii’ ⁴² Na achonjeza, ‘Jesu nikumbukira undehoenjira kahi za ufalume o’ ⁴³ Jesu achimhwambira, ‘Amini nakhwambira rero ii undakala hamhwenga nami paradiso’ ⁴⁴ Haho yekala inakaribia saa sita, dzidza richidza dzulu ya tsi yosi paka saa chenda. ⁴⁵ Mulangaza wa dzua uchizima. Kisha pazia ra hekalu richigavika kahikahi kula dzulu. ⁴⁶ Achirira khwa sauti bomu, Jesu weemba, ‘Baba mikononi mwakho naika roho yangu baada ya kugomba gaga achifa. ⁴⁷ Wakati akida arehoona gadzigohendeka wemutukuza Mulungu achamba, ‘hakika yuyu wekala ni mutu mhwenye haki. ⁴⁸ Wakati umati wa atu vhareokudza hamhwenga kushuhudia vharehoona mambo garegohendeka vhenya kuno vhachidzibiga vifua vyao. ⁴⁹ Lakini asena na anaache vhareomutua kula Galilaya, vheima khwa kure vhachilola gago mambo ⁵⁰ Lola, khwekala na mutu aehewaye Yususfu, ambaye ni mumhwenga wa baraza, mutu mudzo na mhwenye haki. ⁵¹ (Wekala khadzakubaliana na maamuzi au mahendo gao) kombola Armathaya, mudzi wa Chiyahudi ambao wekala uchimutariza ufalme wa Mulungu. ⁵² Mutu yuyu, wemusonjerera Pilato, achivoya apewe mhwiri wa Jesu. ⁵³ Wemuteremusha na achizungulishira stanza na achiwika khwenye dziwe ambaro kakuna ariyewahi kuzikhwa ⁵⁴ Yekala ni siku yah ahu ya maandalizi, na sabato yekala idzifika hehi. ⁵⁵ Anaache, areokudza nao kula Galilaya vhemutua, na vhachiona mbira na jinsi mhwiri we urevyolazwa. ⁵⁶ Vhenye na khwanza kuandao manukato na marashi, kish siku ya sabato wakhona khwa mujibu wa sheria.