¹ Kisha achivhambira mufano wa namuna vhawezavho kuvhoya na vhasivudzike moyo. ² Achamba, ‘Khwekala na hakimu kahi ya mudzi Fulani ambaye wekala kamogoha Mulungu na kaheshimu atu. ³ Khwekala na mwana ambaye wekala adzifererwa ni gungu kahi ya dzidzi riro, naye wemutua mara nyinji, achinena, nisaidie kupata haki dzulu ya mupinzani wangu. ⁴ Khwa muda mure kakarire tayari kumusaidia, lakini baada ya muda achinena moyoni mwakhwe, Ingawaje mimi simogoha Mulungu au kuheshimu mutu, ⁵ Lakini khwa viraty yuyu gungu ananisumbua nindamusaidia kupata haki ili asindzw akanitsosa khwa kunidzira mara khwa mara ⁶ Kisha Bwana achamba, ‘Sikiza arivhogomba ye hakimu dhalimu’ ⁷ Je Mulungu pia kandareha haki khwa ateule vhamuririrao mutsana na usiku? Je andatoa muda mure dzulu yao? ⁸ Navhambira kukala andareha haki khwa haraka. Lakini wakati mwana wa Adamu andehokudza, je andona Imani duniani? ⁹ Ndiho achivhambira mufano uo khwa baadhi ya atu ambao vhanadzona enye haki na kuvhadharau atu anjine. ¹⁰ Atu airi vhepanda khwenda kanisani kuvoya mumwenga wekala mufarisayo na munjine mutoza ushuru ¹¹ Mufarisayo achema na kuvoya mambo gaga dzulu ye, ‘Mulungu, nakushukuru khwavira ni anyamganyi, atu vhasio andilifu, azinzi au here yuyu mutoza ushuru. ¹² Nafunga mara mbiri kila wiki. Naomboza zaka kahi za mapata gosi nigapatago’ ¹³ Lakini yuyaamutoza ushuru, weema kure, kawezere hata khwemula matso nge mulunguni, achigonga chifua che achinena, ‘Mulungu, nirehemu mimi mwenye dhambi! ¹⁴ Navhambira, mutu yuyu wevya nyumbani achikala yuhesabiwa haki kuriko yuyaa munjine, khwa sababu kila adzikhwezaye andatimishwa, lakini kila mutu adzinyenyekezaye andaenuliwa’ ¹⁵ Atu vhachimurehera a hoho au atsanga anafunzie vhario ona vivyo, vhachivhachemera. ¹⁶ Lakini Jesu wevheha khwakhwe achivhamba, ‘Vharicheni ahoho atite vhadze khwangu, wala musivhakahaze. Maana ufalme wa Mulungu ni wa atu here vhavho. ¹⁷ Jeri navhambira, mutu yeyosi asiyehochera afalume wa Mulungu here muhoho ni Dhahiri kandawenjira’ ¹⁸ Mutawala mumwenga achimuza, achamba, ‘Mwalimu mudzo, nihendezde ili murithi usima wa milele? ¹⁹ Jesu achimwambira, khwanoni unaneha midzo? Kakuka mutu ariye mudzo, ila mulungu hacheye. ²⁰ Unazimanya amuri usizinige, usiolange, useye, usishuhudie ulongo, vhaheshimu babaye na mameyo. ²¹ Yuyaa mutawala achamba, ‘Mambo gaga gosi neghawira hangu uhohoni’ ²² Yesu arihogasikira gago, achimwambira, ‘Udzihungukirwa na dzambo mwenge. Lazima uguze vyosi urivyonavyo na uvhagavire mulunguni, halafu nzoo unitue’ ²³ Lakini mutawala arihosikira gago, wehuzunika sana, khwa sabau wekala nitajiri sana. ²⁴ Kisha Jesu, achimona arivhohuzunika sana achamba, ‘Jinsi yani indivyokala vigumu khwa Tajiri khwenjira kahi za ufalume wa Mulungu! ²⁵ Mana nirahisi sana khwa ngamia kuchirira tundu ya sindano, kuriko Tajiri khwenjira kahi za ufalme wa Mulungu ²⁶ Vharaa vhario sikira gago, vhachamba, ‘Ni bai, andeweza kokoka? ²⁷ Jesu achijibu, ‘Mambo gasingowezekana khwa mwanadamu khwa Mulungu ganawezekana’ ²⁸ Petero achamba, ‘Naam, siswi huricha chila chitu na hudzikutua uwe’ ²⁹ Kisha Jesu achivhaambira, ‘Jeri, navhambira kukala kakuna mutu ariyericha mumbaye au muche, au ndugu, au avyazi au aaria, khwa ajili ya ufalume wa Mulungu. ³⁰ Ambaye kandahochera manji, ziaidi kahi za urimwengu uu, na kahi za urimwengu udzao, usima wa milele ³¹ Baada ya kuvhakusanya vharaa kumi na iri achivhambira, ‘Lolani, hunapanda khivenda Yerusalemu, na mambo gosi ambago geandikwa ni manabii kuhusu mwana wa Adam gandakamilishwa ³² Khwa maana andaenjizwa mikononi mwa atu a mataifa na andehenderwa dhihaka, na jeuri, na kutsitsirwa mahe. ³³ Baada ya kumuchapa viboko, vhandamolaga, na siku yah ahu andafufuka ³⁴ Khavheelewere mambo gago, na neno riro rekala rifitswa khwao, na kavhaelewere mambo garigogombwa. ³⁵ wakati Jesu arihokaribia yeriko, mutu mumwenga chipofu wekala asengere kanda ya barabara achivoya musada, ³⁶ arihosikira umati wa atu uchichira, weuza ninoni chendereracho. ³⁷ Vhachimwambira kukala Yesu was Nazareti anachira ³⁸ Vivyo yuyaa chipofu achirira khwa sauti, achamba, ‘Jesu mwana wad AUDI, nihurumie’ ³⁹ Vharaa vharikoala vhachitsembera mbere vhemuchemera iye chipofu, vhachimwambrira anyamale. Lakini iye achizizdi kukira khwa sauti ‘Mwana wa Daudi, nihurumie’ ⁴⁰ Jesu achema achiamuru mutu iye arehewe khwakhwe kisha yuyaa chipofu arihomukimbia Jesu achimuza. ⁴¹ ‘Unamala nikuhendere noni?’ achamba ‘Bwana namala none’ ⁴² Yesu achimwambira, ‘pata kona, Imani yo idzikuhoza’ ⁴³ Mara iyo achipata kona, achimutua Jesu achimutukuza Mulungu. Atu osi vhariona gago, vhemusigu Mulungu.