¹ Jesu achivhambira anafunzie, '‘Mambo gasababishago atu kuhenda dhambi khagana budi komborera, lakini olewe mutu agasababishaye! ² Ingekala baha mutu iye kufughwa dziwe ziho ra kusagira singoni na kutsuhiwa baharini, kuriko kumuhenda mumwenga wa vha vha ahoho ahende dhambi. ³ Dzirindeni ichikala nduguyo adzikukosera mukanye, naye achitubu musamehe. ⁴ Ichikala adzikukosera mara fungahe khwa siku mwenge na mara fungahe khwa siku mwenge adze khwaku ambe, ‘ninatubu,’ musamehe.'' ⁵ Mutumewe vhachimwambira Bwana, ''Honjezere Imani yehu. ⁶ Bwana achivhambira, '‘Kala mungekala na Imani here punji ya haradani mungeweza kuwambira muhi uu wa mukuyu, ‘n’goka na ukamere baharini’ nao ungevhatii. ⁷ Lakini nani kahi yenu ambaye ana mutumishi arimaye munda au arisaye n’gonzi, andamwambira auyaho kula mundane, ‘nzoo haraka na sagala urye chakurya? ⁸ Je kandamwambira, nombozera chakurya nirye na dzifunge ukanda na unihumikire mupaka nindiho marigiza kurya na kunwa. Baadaye undarya na kunwa? ⁹ Hata kamushukuru mutumishi iye khwa sababu katimiza garatu adzigoamuriwa? ¹⁰ Vivyo vivyo nanwi muhihenda mudzigo lagizwa ambani ‘Siswi huatumishi husiositahili. Hudzihenda tu garatu hudzigopaswa kuhenda.’' ¹¹ Yeomborera kukala arivyokala achisafiri khwenda Yerusalem, wechirira mihakani mwa samana na aalilaya. ¹² Arikokala achienjira khwenye chidzidzi chimwenga, kuko wekutana na alu kumi vhariokala na ukoma vhachema hatua. ¹³ Vhachipaza sauti vhachamba, ‘'Yesu Bwana huhurumie.’' ¹⁴ Arihovhona achivhambira, '‘Enendeni mukadzonyese khwa makuhani.’'Nao vharihokala vhachenenda uhachitakasika. ¹⁵ Mumwenga wao arihoona kukala yuhola, achivya khwa sauti bomu achimusifu Mulungu. ¹⁶ Achibiga magoti maguluni mwa Jesu achimushukuru iye wekala ni musamaria. ¹⁷ Yesu achijibu, achinena, ‘'Je kavhatakasikire vhosi kumi? Vhahiko vhara anjine chenda? ¹⁸ Kahana hata mumwenga ariyeonekana kuvya ili amutukuze Mulungu, isihokala yuyu mujeni?'' ¹⁹ Achimwambira, '‘Enuka na wende zako imaniyo idzikuhoza.'’ ²⁰ Arihouzwa ni mafarisayo ufalume wa Mulungu undadza riri. Jesu achivhajibu achamba, ''Ufalume wa Mulungu si chitu ambacho chinaweza konekana. ²¹ Wala atu kavhandaamba, ‘Lola hano’ au 'lola kura!' Khwa maana ufalume wa mUlungu undani yenu.'' ²² Jesu achivhaambira anafunzie, '‘Wakati undafika ambao mundatamani kona siku mhwenga ya Mhwana wa Adamu, lakini kamundaona.'' ²³ Vhanda vhambira, ‘Lola, kura!Lola hano!lakini musende kulola, wala kuvhatwa. ²⁴ Here mwanga wa radhi radi umirikavyo kahi za anga khwanzira upande mumwenga hadi munjine vivyo hata Mhwana wa Adamu andakala vivyo kahi za sikuye. ²⁵ Lakini khwanza indamupasa kuteseka kahi za mambo manji na kukahalwa ni chivyazi chichi. ²⁶ Here irirvyokala siku za Nuhu, ndivyo indevyokala kahi za siku ya mwana wa Adam. ²⁷ Vhevya, vhenwa, vhachihala na kuhalwa mupaka siku viratu ambayo Nuhu wenjira kahi za Safina na gharika ichidza na kuihangamiza vosi ²⁸ Ndivyo irivyokala kahi za siku ya lutu, vhekala vhachinywa vhekula na kuguza, kurima na kujenga. ²⁹ Lakini siku iratu lutu arihouka Sodoma, yenya muvulu ya moho na chiberiti kula mulunguni ichivhangamiza vosi. ³⁰ Vivyo ndivyo indevyokala siku iyo ya Mhwana wa Adamu andihofunurirwa. ³¹ Siku iyo, usimuruhusu ariye khwenye dari ya nyumba atime kukala vyombovye ndani ya nyumba. Na usimuruhusu ariye mundane kuya nyumbani. ³² Mukumbukire muche wa Lutu. ³³ Yoyosi ajaribuye kugaokala maisha ge andagangamiza, lakini yeyosi andiye gaangamiza maishage andagaaokola. ³⁴ Nakhwambira, usiku uwo kundakala chimwenga. Mumwenga andahalwa, na munjine andarichwa. ³⁵ Kundakala na amaache airi vhanasaga nafaka hamwenga, mumwenga andahalwa na munjine andarichea. Kundakala atu airi vhamdakala mundane mumhwenga andahalwa na munjien andarichwa.'' ³⁷ Vhachimuza, '‘Uhiko Mulungu.’' Achivhambira, '‘Haratu haviho muzoga ndiho tai vhakusanyikaho.’'