¹ Jesu achaambira keheri anafunzie, ‘'Hekala na mutu mumwenga Tajiri ariyekala mwimiririwe, achisemwa kwakwe kwamba anabananga maliza. ² Vivyo Tajiri achimwiha achimwambira, ‘Ni hivyo vino nivisikiranyo? Omboza hesabu ya umiririo, kwa kukala kuweza kukala mwimiriri keheri.'’ ³ Yuya mwimiriri achamba moyoni mwakwe, mihendedze, maana bwana wangu ananiasira kazi yangu yaumwiriri? Sina nguvu za kurima, kuvoya naona haya. ⁴ Mamamanya nindirohenda ili nindirohenda ili nindihoombozwa kahi ya kazi yangu ya umiriri atu wanaikaribishe mdzini mwao. ⁵ Vivyo mwimiri achiaha adeni wa bwanae chila mumwenga achimwaambira wa kwanza,''Unaiswa chasichani na bwana wangu? ⁶ Achamba vipimo gana mwenge vya mafuha achimwambira hala cheti cho sadala haraka andika mirongo mitsano. ⁷ Kisha achimwaambira munjine na uwe una iswani? Achamba vipimo gana mwenge vya unga vya ngano. Achimwambira,'' Hala cheti yo andika mirongo minane.'' ⁸ Yuya bwana achimulika mwmiriri mulongo kwa vira arivyohenda kwa ulachu kwa kukala ana aurimwengu uu ni alachu na hushuhulika kwa ujanja na atu wa upande wao kuriko warivyo wana ana mwangani. ⁹ Mami nawaambira ninwi dzihendereni asena kahi za mali za ulongo indihosekana wawakaribishe kahi ya makao ga milele. ¹⁰ Ariye mwaminifu kahi riro tite sana nikukala mwaminifu kahi ririro bomu pia, na ariye mulongo kahi ririho tite ni kukala mulngo kahi ririro bomu pia. ¹¹ Ichikala ninwi kamukarire aaminifu kahi ya mali ya ulongo ni hiye aendewamini kahi mali ya jeri? ¹² Na ichikala kamukarire aaminifu kahi ya kutumia mali ya matu munjine ni hiye andewapa iriyo yenu enye? ¹³ Kakuna mtumishi awezaye kuhumikira mabwana airi, kwakukala andamustsukirirwa mumwenga na kumuhenza munjine, ama andagwirana yugu na kudharau yuyu. Kamuweza kumuhumikira Mulungu na mali. ¹⁴ Basi mafarisayo, ambao wariokala wanahenza pesa wegasirika gaga gosi na wachimuguna. ¹⁵ Na achiwaambira, ‘Ninwi ndio munaodzidai haki mbere ya anadamy, lakini Mulungu anaimanya mioyo yenu. Kwa kukala ririro likwa kwa anadamu nikukala matsukizo mbere za Mulungu. ¹⁶ Sheria na ambirizi vyekalaho mpaka Johana arivyokudza. Hangu wakati uo, habari mbidzo za ufalme wa Mulungu zunatangazwa, na chila mtu hujeza kudziinjiza kwa nguvu. ¹⁷ Lakini ni rahisi kwa dzulu na tsi kuchira kuriko hata herufi mwenge ya sharia ikosekane. ¹⁸ Chila amurichaye muchewe na kumuhala mche munjine anahenda uzinzi, naye amuhalage iye arichwaye na mulume ama zini. ¹⁹ Hakala na mutu mumwenga tajiri ariyevala nguo za rangi ya zambarau na chitambaa chidzo na wekala achufurahia chila siku utajiriwe mubomu. ²⁰ Na maskini mumwenga dzinare Lazaro weikwa muryango hakwe na anavironda. ²¹ Naye wekala achitamani kuriswa kwa mabaki garigogwa kahi ya meza ya guya tajiri hata kuro wachidza wachimulamba virondavye. ²² Ichidza kala yuya maskini arihoofa achihalwa na malaika mpaka chifuani kwa Ibrahimu. Vuya Tajiri naye achifa achizikwa. ²³ Na kura kuzimu arihokala kahi ye mateso weinula matsoge achimona Ibrahimu kwa kure na Lazaro chifuni mwakwe ²⁴ Achirira, achamba, ‘Baba Ibrahimu, nonerambazi umuhume Lazaro achovye tsa ya chalache madzini adze auzime lulumi lwanga, kwa kukala ninalumira kahi ya moho uu. ²⁵ Ibrahimu achamba, '‘Mwanangu kumbuka ya kula kahi ya Maisha go wegahochera mambo go madzo, na Lazaro vivyo wepata mabaya. Ila sasa yuyu haha anapata raha na uwe unalumira. ²⁶ Zaidi ya gago kudzikwa shimo bomu na rire kahi yehu, ili arao wanamala kombola kuku kwenda kwenu wasiweze wala atu wa kwenu wasivuke kudza kwehu.'' ²⁷ Yuya Tajiri achamba, ''Nakuvoya Baba Ibrahimu, kwamba umuhume nyumbanu kwa baba. ²⁸ Kwa kukala ninao dugu zangu atsano ili waonye kwa hofu kwamba ao pia wasidze wakadza haha henye mateso.'' ²⁹ Lakini Ibrahimu achamba, ''Wakuko nani Musa naambirizi. Aariche wasikize ao. ³⁰ Yuya Tajiri achamba, '‘Apana, Baba Ibrahimu, lakini ichikala mutu aombaye kwa nyutu wanda gairi.'' ³¹ Lakini Ibrahimu achiwaambira,'' Wasihowasikiza Musa na ambirizi kawandashawishwiwa hata mutu achitukuka kahi.''