¹ Yakobo, omuhasi wa Nyasaye nende omwami Yesu oKristo, hu chinono lihumi nende chibiri echiasalana musiyalo silamba: mahesio. ² Banabefu mubale huba obusangafu buosi nimukua mumatemo kakabuhane. ³ Mumanye rino, mbu hutemwa hwerisubira rieng'u rihola hwesimirisia. ⁴ Ne murehe hwesimirisia hube nende mirimo ekiuririre, ne mwosi mwahaba beokererefu handi abaradaha siosi siosi. ⁵ Niri mundu yosi yosi hweng'we narema makesi,murehe asabe Nyasaye, niye owanaga makesi hu bandu bosi,ne sakabulanga ata;handi yaberesibwe. ⁶ Atakario asabe nende risubira, araba wohweteyateyana, hubera uria owo hweteyateyana ari nga rifwinda riomunyanja eri sindihwa no muyaka. ⁷ Mundu ngoyo arapara mbu anyala onyola sindu siosi siosi hu Nyasaye. ⁸ Omundu wa maparo kabiri ateyateyananga muchingira chiaye chiosi. ⁹ Reha muherua wobulamu bwaasi asangale mu hukingulwa hwaye. ¹⁰ Uria mundu ori nende miandu,nikibua kiosi asangale hubera afuana nenda amaua kobunyasi anakorao. ¹¹ Kubasu ni kuduma, kubeha ne kusamba bunyasi,handi amaua nikakua asi,ineema yechifasoni ibwechanga.Haro endio niluo we miandu yosi yabwe muchingira chiaye chiosi. ¹² Ari weihabi uria owesimirisia mumatemo hubera na temua anabukana isimbihira yobulamu eya Nyasaye yalaka baria abamuhera. ¹³ Omundu nakua mumatemo arabola mbu Nyasaye nomutema: Nyasaye sanyala otemua na sihieno, handi satemanga mundu yosi yosi. ¹⁴ Atakario buri mundu atemuangua muhwekomba nende hubeyua no buekombi buaye muene, ¹⁵ Obuekombi nibuahayera inda, nibuibula obwononi, obwononi ni buahangala ni buibula hufua. ¹⁶ Banabefu abandahera murabeywa. ¹⁷ Buri esianwa silahi handi siorerefu sirula akulu handi sicha asi hurula hu Baba mwene bulafu niye sakaluhananga ata hubudohana musiniha. ¹⁸ Huhuhera huaye mwene hwaruibula hurula humbosi yo obwadieri, hube biamo biaye bia mberi bwohubalua. ¹⁹ Hulwako banabefu baherua buri mundu abe mwangu owohuurira ne araba mwangu owo hulomaloma kata owohuba ne ririma. ²⁰ Hubera eririma rio mundu sirinyala ohubola miluha milai akia Nyasaye. ²¹ Niebikera hurehe obumari nende miluha mingi mibi kiebihaya, hubukule imbosi eya rakua mubudemberefu, inyala oresia mwoyo kiefu. ²² Hube aba loli be imbosi, handi huraba abaurira sa imbosi ni huebeya. ²³ Omundu yosi yosi ourira sa imbosi ne saihola afuanana nende omundu we ringala bueni buaye mu gilasi. ²⁴ Yeringala na abua ni hanguhangu ye birira ifuani yaye. ²⁵ Uria oringala amalako okotirira ako burehule, nachiriramo, ne sa aba uria owibirira huurira, ne ni uria ohola mirimo, omundu oyo aba we chihabi mubihole bie biosi. ²⁶ Omundu yosi yosi akari weng'u ne aloloha aba mulami, naye sanyala oboya olurimi luaye, aba yebeya muoyo kuaye amalamo komundu oyo nibihaya. ²⁷ Hulama hulafu handi huwaadieri imberi ya Nyasaye handi Baba niye huno, hukenia bana bakisa nende bahasi abafuirua muma nyahani kaabu, nende huerinda muchimbala chiyo musialo.