¹ Obukheri bwa bakherwa buchiririre. ² Murebiriranga okhwingisia abakeni, okhuba mungira yene eyo abaandi bakhengisia abamalaika oburamanya. ³ Mwichulisie abali musiboye, nga abo baboywa ninabo, naye balia abasandisibwa nga abali mumubiri mulala. ⁴ Lidekhisania liberesibwe siribwa nende abaandu boosi, khandi obuliri bwabo badekhisanie bube obulafu, okhuba abayeyi nende abadamba balikhalakirwa nende Nasaye. ⁵ Muraba nende ebiima bio khukhera esende mukhola yeng'we, ne mwikusibwengwe nende ebiamuli ninabio, okhuba Nasaye mwene alaka naboola ari, ''Siyakhakhulekhe kose okhwibirira.'' ⁶ Kakera nikhuboola khuri, ''Omwami niye orukhonyanga: Sindakharia, Nisina esio muundu yakharukhoola? ⁷ Ichulisie abeemiri beng'we , abo bababoolera likhuwa lia Nasaye, nikhulonda lisubira liabwe , nikhumanyirisia obumalirikhi bwabwe. ⁸ Yeso Kiristo niye ulia ekulo, inyanga ino, nende buli lwoosi. ⁹ Murakadirisibwa nende amekesio kandi makeni, okhuba nebilayi omwoyo okhudinyisibwa nende obukosia khukhira ebiakhulia, ebiabalia abakholegana ninabio sibulao esiabanyola. ¹⁰ Khuli nende obwali oburafukirira balia abakhola muliyema okhulia ebiakhulia biakhwo. ¹¹ Okhuba emibiri kiebisolo ebia mabanga kabio karerwangwa nende omukukhani mukhongo khulwe chiimbi , bisambwangwa erwanyi wolukaka. ¹² Khulwa ako Yeso , okhuula yoosie abaandu nende amabanga kaye, yasandisibwa erwanyi wesiribwa. ¹³ Bulano khumuchire erwanyi wolukaka nikhukingire okhukhaywa khwaye. ¹⁴ Khulwo khuba ano khubula elidookho lirabwayo, Arali khukonyanga lilia elicha. ¹⁵ Khubirira muniye khurusie buli lwoosi esisakhiro sieifuma, esiri siamo sieminwa kiefu nikhwechomia elira liaye. ¹⁶ Arali murebiriranga, okhukhoola malayi khusangirana khulwo khuba ebianwa bifwana birio nibio ebimusangasianga Nasaye . ¹⁷ Mubarie abo ababemiriranga nimweduduya khu nibo nga bala abakhiesianga khulwe mioyo kieng'we khandi abakharusie obubali,banyoole okhukhola bario mubuchachaafu ,arali mukhusinyikha khulwo khuba sibibakhoera. ¹⁸ Murusabire okhuba khuli nende amachomo malayi, khubechenge abesikwa mubiindu bioosi. ¹⁹ Nange basaba lukali mukhole ako, khunyale okhukalusibwa khweng'we lwangu. ²⁰ Bulano Nasaye womulembe, owarusia mubaafu Omwami wefwe Yeso , omwayi ulia mukhongo owa makondi, okhubirira mumabanga kelilakano liralibwayo, ²¹ abakasie mubuli mulimo mulayi khukhola lienya liaye, nabakholeramo kalia akasangaasia mumoni chiaye, mu Yeso Kiristo oyera oluyali buli lwoosi. Amina. ²² Ne basaba bakherwa, fukirire likhuwa lielikerako lino, okhuba bandikire mumakhuwa membikiri. ²³ Mumanye mbwe omusiani wefwe Timoteyo alekhulirwe, niyanguya okhwicha mba ndeecha khubalola ninaye. ²⁴ Kheesia boosi ababemiriranga nende abatakatifu boosi. Aba Italia babakheesia. ²⁵ Obukosia bube khweng'we mwesi , Amina.