¹ Abhobhose bhalihefo yikongwa, ihali yubhutumwa, na bhabhaluligwe bhabwana bhabho kukugilango bhalagombegwa iheshima zose, izina dya Mungu ntilitukanwe wala amafundisho yachu. ² Nabhaya bhabhanye Mungu na bhaya bhamini ntibhabhadharau kukugilango nibhandugu, basi bola bhabhakolele, kukugilango bhaya bhaishiliki inyungu yikazi yabho bhabhaye bhaya bhabhana Iimani nugushimwa. Amagambo ayo uyigishe nuguyaonya . ³ Umuntu wowose ahaye afundisha ielimu iyindi, wala ntayemela amagambo yubhuzima ya Data wachu kristo, wala amafundisho yahuza nukwicha, ⁴ Alibhona; wala hamenya ijambo dyodyose; kukugilango alabhanye ubhufila bwukuwaza imupango wamaswali, namashindano yamagambo, yiko ayo yavamo ihusuda, nuluhogo, nugutukana, nishuku yibhi; ⁵ Nukugambana nabhantu bhazabhakonose ubwenke bwabho, abhakenye ubhukweli, ino habhategemeya kwamba ukwicha ninzila yukulonka inyungu. ⁶ Lakini halobha hamwe nukulidhika nifaida yinini. ⁷ Kukugilango hitwaziye nikintu mwintala, nawala hitwayobhoye ukugenda nikintu! ⁸ Ila tubhanye ibhilibwa nivyambagwa tulalizika nibhintu ivyo, ⁹ Lakini abho abhalobhana imali bhalogwa mumajaribu nigitanzi? nitama nyinshi zitagila nimana, izokwicha, zibhatwala abhanadamu mgutagika nubwononyi. ¹⁰ Kukugilango ichina limwe dyubhubhi yakila nzila nugushima amahela; yiko abhandi uhula bhagomba ityo bhalahoze na Imani, nukwichumita nukubhabhala kwinshi. ¹¹ Bali wewe, umuntu wamungu, uyiluke amagambo ayo; ukulikile ihaki, ulicha, imani, upendo, saburi, ubhupole. ¹² Kubhita ibhita bhiya bhisole bhiya vyiimani; fata yiya iimani yubhuzima bhuya bwa milele bwiko wahamagawe, ulungama amaungamo yasole imbele yamashahidi bheshi. ¹³ Handakutuma imbele za Mungu uwubhika ibhikomeye ibhintu vyose, nimbele za kristo yesu, uwayungamye amaungamo yasole yaya imbele ya pilato, ¹⁴ kuwa uyilinde iamri iyi ahatariho amawaa, ahataliho ilawama, nukufunuliwa, kwage Data wachu yesu kristo. ¹⁵ Wiko wene kumda wage alokubwila, wene yahimidiwe, uwubhanye ubhuweza wene yene, Umfarume wabhafarume, Bwana wa mabwana; ¹⁶ Wene yene gusa halonkwa nimauti, yichaye ahabhona iyitayobhoka kubhbonekana; wala ntawuliho umwanadamu uwamubhonye, wala ayobhola ukumubhona. Iheshima nubhuweza wubhanye wene milele. Amina. ¹⁷ Amatajiri bhuurimwengu wa ntya ubhatume hibhibhone, wala ntibhautumainiye ubhutajiri bhutari yakini, Bali wamtumainiye Mungu aduheleza ibhintu vyose kubwishi ili tubhitumiye kugushima. ¹⁸ Wakole yasole, bhabhe amatajiri kukukola yasole, bhabhe tayari ugutola imali zabho, bhashilikiane nabhandi kumwoyo; ¹⁹ Ino habhisigilaho ihakiba yibhe umusingi wusole kumda wuloza, ili bhalonke ubhuzima bhuli kweli kweli. ²⁰ Ee Timotheyo, yilinde iyo iamana; wiyepushe namagambo yatari dini, ayatabhana imana, namashindano yishule yitwa ishule dyubhubheshi; ²¹ Yiko abhandi bhemeye iyo bhalaikenye Iimani. Ineema yibhe hamwe niwanyu.