¹ Umo nizile mwenyu wakulu na walumbu zangu, sizile mwe ulosi wa uhembelezo na ntunyo saviya nilongile chindedi chefisize kumlanga Chohile. ² Nasunga nisekumanya chochose umo nedndile mgati mwenyu mna Yesu Kulisito uyo asulumizwe. ³ Naho nendile nananyuwe mwe usokezi na mwe kogoha mna mwe kujijimiza vidala. ⁴ No ulosi wangu na kulonga kwangu hakutende mwe ulosi wa uhembelezo na ntunyo mna nedndile mwe kwelaviza muye no udahi. ⁵ Chani kugamba utondowazi wenyu usekutenda mwe ntunyo ya wantu, mna mwe udahi wa Chohile. ⁶ Haluse chalonga ntunyo mgati mwe wantu wajima mna siyo ntunyo ye isi ino hegu ya ulongozi we ichipindi chino awo wakujinka. ⁷ Mna akajika chalonga ntunyo ya Chohile mwe chindedi chifisike, ntunyo ifisike iyo Chohile nakaisagula hechinati ichindedi cho ukuka wetu. ⁸ Hahana yoyose mwe ulongozi wa chipindi chino aimanyize ntunyo ino uneva waimanyize mwe ichipindi chiya, hegu hawemsulumize Zumbe wa ukuka. ⁹ Mna hegu ivyo idolonywe mbuli ambazo hahana ziso diziona hahana gutwi divile, kuwazagula na kufanyanya, mbuli izo Chohile kasasanya kwachausa cha wadya wakunga uyo. ¹⁰ Zino ni mbuli izo Chohile kachigubuila suwe kujinkila muye mwe viya muye kupelemba chila chintu hata mbuli zi mndani mwa Chohile. ¹¹ Ni yuhi amanyize kuwazagula kwa mntu mna muye wa mntu mndani mwakwe?Ivyo naho hahana amanyize mbuli zi mndni mwa Chohile mna muye wa Chohile ¹² Mna hachihokele muye we isi mna muye uyo alawana na Chohile chani kugamba chidahe kumanya mwe kulekeilwa mbuli chinkigwe ni Chohile. ¹³ Chalonga mbuli zino mwe ulosi uwo ntunyo ya mntu haikudaha kuhinya mna uwo umuye wachihinya, kutafasili ulosi wa chimuye mwe ntunyo ya chimuye. ¹⁴ Mntu eli suyo ywa chimuye hakuhokela mbuli za muye wa Chohile kwaviya uwo ni uhezi mwakwe hakudaha kuyamanya kwaviya yamanywa chimuye. ¹⁵ Mwa yudya wa Chohile hakukantilwa ni mbuli zose mna hakukantilwa ni watuhu. ¹⁶ Ni yuhi akudaha kuyamanya akuwazagula Zumbe uyo adaha kumhinya uyo? mna china kuwazagula mwa ulisito.