¹ Mwize bwenu imwe abhaine obhutajili mulile ahakutela endulu muno ahakubha obhusasi obhulikwiza ahalimwe. ² Obhutajili bwanyu bhusisilwe neyomuzwaile nayo bhilibhilwe nenzito ezokusisa. ³ Edhahabhu zanyu na mahela ganyu obhuzima nokusisikala kwaho olakulebha omugati yanyu, nokuzikwa emibhili yanyu nkomulilo. Mwebikile akebicho kanyu omubhilo byenzindo. ⁴ Mulalebha empololo yabalinya abakozi bhimutaliha ahakuhulula omubhulime bwangu bhalalila.Kandi okulila kwaho abhahuluile evyomubhulime kwagobha omumatwi gomukama wa basilikale. ⁵ Mtuile ahakwenda ebhizima byensi nokwenuliliza imwenini.Nimwegomocha emiganya yanyu omukilo chokubhagwa. ⁶ Mumulamile nokumwita alikwetagwa atalikubhasa kubhetaga. ⁷ Mbwenu mtekane bhanyaluganda kuhike ekilo echokwiza omukama nkomulimwi okwalikulinda ebhiyahuluile ebhizima kutuga omdyeginsi nalinda ahakutekana abwawenini kugobha omunzura eza mbele neza enzindo ezagwile nanenzindo ezagwile. ⁸ Kandi imwe mugendelele kutekana mugumuye emiganya yanyu ahakubha okwizakwo mukama kulihaihi. ⁹ Mtakwetonganisa imwe ahalimwe hamwe mtakwiza mkalanilwa mulebhe omulamuzi aimelile ahalyango. ¹⁰ Ahakulengesa mnyaluganda mulaleba obusasi nomutekano ogwabha julizi ebyobhagambile ahaizina lyomukama. ¹¹ Mulalebha tutalabeta bhalinga abhatekaine ''mulinge''muhulile omutekanao gwa Ayubu nanimumanya emitengengo yomukama ahali Ayubu alebhe omukama kaizwile obhuganyizi nengonzi. ¹² Kandi bhanyaluganda bhange mtalilahila hamnwe omwigulu anga omudyeginsi anaga endahilo yonayona eyindi .Mugambe ''ego'' yanyu emanyikane ''ego'' kadi ''mahi''yanyu nayo emanyikane ''mahi'' ahakubha mtaliza mkagwela omubhulamuzi. ¹³ Haliho omuntu wenawenaomugati yanyu adyaahabhusasi? Maka asbhe mwenu omuntu wenaw ena akabha aine nebyela? Azine ahakusingiza. ¹⁴ Mbwenu haliho wenawena omulimwe alwaile? abete abhagulusibhe kelezia Nabho abhagulusi bhekelezia bhasabhile ahaiguru yawenini kunu nibhamusiga omazuta aha izina elyo mukama. ¹⁵ Nokusabha ahakweisiga kulamukiza omulwaile nomukama alamwimucha kandi kalibha yakozile ekibhi Mungu alamuganyira. ¹⁶ Mbwenu mwechuze amafu ganyu imwe ahalimwe nokusabhilwa bhuli muntu na mutahiwe mubhase kukizwa.Okusabha kwo mwikiliza kuzala ebhintu bhihango. ¹⁷ Eliya akabha alyomuntu owebhitekelezo nkebyaitu akasabha ahakweata ngwe enzura etagwa, nokugwa ntelagwile olyeginsi omumiaka isatu nemyezi mkaga. ¹⁸ Kandi Eliya akasabha nigulu lyasesa enzura ahaigulu yensi nensi yaleta ebyokuhulula. ¹⁹ Bbhanyaruganda bhange wenawena omulimwe kalikuhabha kuluga ahalikumanyikana kandi omuntu owundi akamugalura. ²⁰ Mbwenu amanye wenawena alikumwelekeza omuntu wekibhi kuruga omumuhandagwe ogwebhibhi alakiza omwoyo omulufu alayuesweka ebhibhi bhingi.