¹ Bitegechwe yuko tugombegwa kusafiri kumazi tugenda italia, bashikilije Paulo na bandi bafugwa mukulu yumwe wijeshidya ba Roma yitwa julio wumugwi wa Augustani. ² Twulila imeli kuva Adramitamu yalimwo ilagenda impande hande ya Asia Tulingila munyanza. Aristaka kuva Tesalonike ya Makdonia agenda hamwe na twebwe. ³ Umusigwa kulikiye tusohola mumuji wa Sidoni aho juliyo yagiliye neza Paulo amulekula kusuhuza abagenzi ngo bamuzi mane. ⁴ Kuva ngaho tugenda munyanza tulasafiri kuzunguruka izinga dya kipro nicho chali cha kinze umuyaga, kubela umuyaga gwali kutulembeje. ⁵ Hanyuma yokuba tulimwo tulagenda mumazi gali hofi na kilikia na Pamfilia tuza mira mumujwa Lisia. ⁶ Hadya yudya mukulu wi jeshi dyi Kiroma ayisangaho imele kuva Alexandria yashaka igende yelekela italia atuvuliza muliyo. ⁷ Tumaze kuba tugiye bukebuke kumisi myinki tusohola bitugoye hofi na Kidinas umuyanga ntigwa twemeleye kandi kugumamya iyo nzila kwivyo tuguma tulagenda impande hande yikitutu cha krete tukingiye umuyaga twegeye Salmone. ⁸ Tugenda impela mpela yohakudya bitugoye mpaka tusohola ahatu halihitwa Fari Haveni ili hofi nu muji wa Lasi. ⁹ Twalitumaze umwanya munini chane numwanya wokwisonzeshe wa Bayahudi wali wachiyeho kandi yali ngolane kuguma tugenda kwivyo Paulo alatuhani. ¹⁰ Alavuga, "bagabo ndabona ulugendo tutangule lulaza kuba ningolane nubuhombe bwinki siyi mizgo ni meli, aliko kandi na magala yabantu. ¹¹ Aliko umukulu wijeshi dyi kiroma yumviliza chane umukulu gaba imele kusumba amajambo yavuzwe na Paulo. ¹² Kubela ibandari ntiyali ahantu haloshe kwikala mukihe chimbeho, abakola munyanza benshi bahanula tugende kuva hadya kunzila yoyose tushoboye kushikila umuji wa Foinike twikale hadya ikihe chimbeho. Foinike ni bandari hiyo krete, ilaba maduga makika na magolomoka makika. ¹³ Umuyaga utuluche mubukolo gwanzije kuhuhuta bukebuke, abakola mumela biyumvila kobalonse chobalibakeneye bachibula imeli tangula ulugendo impande mpande yakretehofi no hakudya. ¹⁴ Aliko hanyuma yu mwanya muto umuyanga ukeze, witwa wamaduga yamakika, utangula kutukubita kuva halkudya yizinga. ¹⁵ Mukihe imeli imaze kulemegwa no kumanigwa kugwana numuyaga twachiye twemela iliyo hali tutwagwa nago. ¹⁶ Tuliluka kuhita ludya luhande gwa kinga umuyaga umuyagawo mwizinga dyitwa kauda, kungolane chane twalafanikishije kukiza ubwato. ¹⁷ Bamaze kuyikwega, bakolesheje umwambo kuyugala imeli balatinye yuko twohava tugenda ahantu hali umuchanga mwinki dya syiti bachabalulucha inanga batwagwa impela mpela. ¹⁸ Twakubishwe kunguvu chane nikihuhusi lilusiku gwa kulikeye badya bakola mwimeli batangula kutanga imizigo kuva muvimeli. ¹⁹ Umusigwa katatu abakola mwimeli batangula kuya voma amazi kuma boko yabo nyene. ²⁰ Hagazikihe izuba ni nyenyeli ntivaja tumulikiye kumisi myinki niki huhusi kinini kitu kubita, nichizero yuko botulokola kila takala. ²¹ Bamaze kugenda umwanya mulemule ata vyokudya aho Paulo ahagalala hagati yabakola mwimeli alavuga, "Bagabo shakigwa kunyumviliza, ntitwo chibuye imeli kuva krete, kugila tulokeiyingolane nubuhombe. ²² Ubu ndabalemesheje ni muleme mumutima, kubela ntana yumwe mulimwabwe kutakaza ubuzima, atalu buhombe bwi meli kisa. ²³ Kubela ijoro lichiyeho malaika wi Mana, iyo Mana jewe ndiwayo kandi niyo nsenga umu malaika wayo yahagaze mpande yange. Alavuga, ²⁴ "Ntutinye Paulo lazima uhagalale imbele ya Kaisari, laba, Imana ubwiza bwayo yakuhaye aba bose mugende hamwe. ²⁵ Kulivyo bagabo ni muleme umutima kubela ndizeye Imana yuko biza kuba nkiko ndabaliwe. ²⁶ Aliko lazima tubabale kukukubitwa mumazinga gamwe." ²⁷ Soheye ijoro dya chumi na kane tulimwo tula twagwa idya nino munyanza ya Adratik nko mwijoro hagati abakola mwimeli biyumviye yuko begeye kumulambi. ²⁸ Bampimye uburefubwa mazi balonka imeta milongo itatu na mukaga, haheze umwanya muto balapima kandi balonka imeta milongo ibili na mushanjo. ²⁹ Balatinye kotwohava tugonga amabale kwivyo bululucha inanga zine kuva ho bashila inanga bipfuza kwikitondo chosohola ni ngoga. ³⁰ Badya bakola mwimeli balimwo balonda kungene boyisigaho iyo meli bululukije iboti zito zito mumazi kukiza ubuzima bigila yuko bataye inanga kuva kwisehemu yimbele yi boti. ³¹ Aliko Paulo alamubwila udya askali wi jeshi dyi kiroma na badya banajeshi, "Ntimushobola kukila bano bantu bata gumye mimweli." ³² Hanyuma badya bana jeshi banogola imyambo zidya boti bayileka itwagwe na mazi. ³³ Umwanga wiki tondo utanguye kuza, Paulo asaba bose kobodya na kato. Alavuga uji ni siku ya chumi na kane mulindiye mutadya ntimuladye ikintu. ³⁴ Ndabasavye mutole ivyo kudya bitoya, kubela ibi ni kukubaho kwanyu, ntanakachachi kimitwe yanyu kalozimila. ³⁵ Amaze kuvuga kutyo atola umukate ashimila Imana imbele ya maso yabo kila muntu. Abega umukate atangula kudya. ³⁶ Hanyuma bose balalema mumitima na bene bala tola ivyokudya. ³⁷ Twali abantu 276 mwiyo meli. ³⁸ Bamaze kudya bakahaga balemuye imeli kukugabanya imizigo bataga ingano munyanza. ³⁹ Umutaga gugeze ntiba hamenye kumulambi, aliko babona isehemu yumulambi yingiye mumazi yalifishe umuchanga mwinki balabazanya kaboshobola kugendesha imeli bagenda hadya. ⁴⁰ Kulivyo batezula inanga bazisiga munyanza. Mulugo mwanya nyene batezula imyambo yitanga baryula imbele helekeye kumuyaga, bacha belekela aho hantu umuchnga mwinki. ⁴¹ Alikobaza ahantu halulila imyonga zibili za mazi imeli yelekela kumuchanga. Idya sehemu yi mbele yi meli ilashaya hadya ntivyashoboche kwivamwo, aliko isehemu yimbele yi mele itangula kumanyuka kubela ubukazi bwumukuba. ⁴² Integulo ya banajeshi hali kwicha badya bafugwa kugila ntiha gile uwogelea gwa toroke. ⁴³ Aliko udya askari wi jeshi dyi kiroma yashaka kukiza Paulo kwiyo ahagalicha integulo yabo na bategeka badya bashoboye kogelea batagule kusimba bava mumeli baja kumulambi. ⁴⁴ Hanyuma abandi bagabo bala kulikila, abandi hejuru yibi pande vyi mbaho abandi hejulu yibindi bintu kuva mumeli kuliyi nzila habonekana twese tulosohola kumulambi amaholo.