¹ Ino kihusu amachango kwa ajili ya vaumini, ngaja shini nayelesa mumatembe Kugalatia, shisho mwipaswa kisenga. ² Ku lusiku lwa kwansa lwa wiki, shila yumo wenyu avishe ishinu fulani palubali na kushitunsa, ngaja shini muwesa. Gahi ndeno ili kija kusikhavesaga na michango pini ambi niyinsa. ³ Na pini ambi nifikha, yeyona mwini ambi mukimuhagula, ambi nikimufilikha bahamo ni barura kihumya isadakha yenyu huko Kuyerusalem. ⁴ Na nda lunofu na yune kiluta khanji, ambi viluta bahamo none. ⁵ Lakini ambi niyinsa kunyenyu, pini ambi niva nishilila Kumakedonia. Kwa kiva ambi nishilila Kumakedonia. ⁶ Labda ambi niwesa kikhala nomwe au hata kimala ishipindi sha mepo, ili kija muwese kunitanjilisa kulushulo lwangu, popona pini niluta. ⁷ Kwa kiva nisihivilila kivaga isalisi kwa muda mfupi. Kwa kiva nihivilila kikhala nomwe kwa muda fulani, nda Umtwa ambi akiniyitikha. ⁸ Lakini ambi nikhala Kuefeso mpakha Kupentekoste, ⁹ kwa kiva umulyango umupapate gudindwilwe kwa ajili yangu, na kuna maadui vinji vini vakinikhana. ¹⁰ Ino pini Utimotheo nda ayinse, mumwaje kija akwali na omwe bila kitila, isenga insengo ya Mtwa, ngaja shini nisakula. ¹¹ Umunu yeyona asikhamusalaga. Mumutanjilise ku nsila yakwe kwa amani, ili kija awese kiyinsa kunyangu. Kwa kiva nikimuhivilila ayinse bahamo na vanyalukholo. ¹² Ino kihusiana nu kholo lwesu Uapolo. Namuyinulaga inumbula sana kivajendela omwe bahamo na vanyalukholo. Lakini walamulaga kilekha kiyinsa kwa salisi. Hata ndeno, ambi iyinsa pini ambi iva ni nafwasi. ¹³ Muve meho, yimi kwa ukhangafu, musenje ngaja vagosi, muve ni ngufu. ¹⁴ Ino gona gini musenga gasenji kwa ugani. ¹⁵ Muimenye ikhaya ya Stefana. Mumenye kija vakhandi vaumini va kwansa huko Kuakaya, na kija vaivikhaga vavene ku huduma ya vaumini. Na isalisi nikivalomba, avakaka na vadada vangu, ¹⁶ muve vanyenyekevu kwa vanu ngaja awo, na kwa shila munu mwini akinitanjilisa ku nsengo na vasenga nsengo bahamo nose. ¹⁷ Na nishendeva kwa kuyinsa kwa Stefana, Ufotunato, nu Akiko. Vayimile amahala pini omwe nda mwapaswa kiva. ¹⁸ Kwa kiva vaishendefya inumbula yangu ni ya kunyenyu. Ino , vamanyi avanu ngaja ava. ¹⁹ Amatembe ga Kuasia valajisa isalamu kunyenyu. Uakila nu Priska vakivahunjila kishilila Umtwa, bahamo nilitembe lini likwali kukhaya yanave. ²⁰ Avakaka na vadada vangu wona vakivahunjila. Hunjilani kwa busu itakhatifu. ²¹ One, Paulo, niyandikha ndeni kwa liwokho lyangu. ²² Nda yeyona asimugene Umtwa, basi ilaana yive kushanya yakwe. Mtwa wesu, yinsa! ²³ Ineema ya Mtwa Uyesu yive bahamo nomwe. ²⁴ Uuugani wangu uve bahamo nomwe kishilila Ukristo Yesu.