¹ Sakuli uugani na doboheli mandu ikarama sa kurohoni, saidi mandu muwese kihumya uukuvamalago. ² Kwa kiva umwene mwini ilogola kwa lugha asilogola na vanu ila ilogola nu Nguluvi. Kwa kiva kusina mwini iyelewa kwa kiva ilogola amajowo gini gaifihile ku Roho. ³ Lakini umwene mwini ihumya uukuvamalago, ilogola na vanu na kivasenga, kivayinula inumbula, na akivafariji. ⁴ Umwene mwini ilogola kwa lugha akiisenga yumwene, lakini umwene mwini ihumya uukuvamalago akilisenga ilitembe. ⁵ Ino nidobokha kija omwe wona mulogole kwa lugha. Lakini saidi ya ago, nidobokha kija muhumye uukuvamalago. Umwene mwini ihumya uukuvamalago iva mukhone kishila umwene mwini ilogola kwa lugha( labda ave akwali wa kitafasiri), ili kija ilitembe liwee kisengwa. ⁶ Lakini isalisi, vakaka na vadada vangu, nda niyinse kunyenyu na kilogola kwa lunga, ambi nikivafwaya shishi omwe? Nisiwesa, ila nilogola nomwe kwa nsila ya ugubutulo, na kwa nsila ya maarifa, au ukuvamalago, na kwa nsila ya lifundiso. ⁷ Nda yive ifinu fini fisina uuhai ngaja filimbi au shinubi nda fisihumie ishauti sini sili sa tofauti, ambi yimanyikha wuli kijan shombo shishi shini shinenwa? ⁸ Kwa kiva nda ibaragumu yihumye ishauti yini yisimanyikha, ni kwa namna nhii umunu ambi imanya kija gu muda gwa kuyiyandala kwa fita? ⁹ Ino shisho omwe. Nda muhumye kwa mulomo iliswi lini liwonekha, ni kwa namna nshii umunu ambi akivayelewa shini mulogola? Ambi mwiva mulogola, na kusina mwini amabi akivayelewa. ¹⁰ Kusina ihofu kija kuna lugha nyinji kudunia, na kusina hata yimo yini yisina imaana. ¹¹ Lakini nda nisimemye imaana ya lugha , ambi niva muhensa kunyakwe umwene mwini ilogola, numwene mwini ilogola ambi iva muhena kunyangu. ¹² Ino shiho na yumwe. Kwa kiva mwidobokha mandu kuwaga uusihiriho wa Roho, sakuli kija msidi mandu kulisenga ilitembe. ¹³ Ino, umwene mwini ilogola kwa lugha alombe apelwe kitafasiri. ¹⁴ Kwa kiva nda nilombe kwa lugha, iroho yangu yilomba, lakini uluhala lwangu lusina matunda. ¹⁵ Nigahe nshii? Ambi nilomba kwa roho yangu, lakini khanji ambi nilomba kwa luhala lwangu. Ambi nilomba kwa roho yangu, na ambi nilomba kwa luhala lwangu lope. ¹⁶ Nda ndeno, nda umusufya Unguluvi kwa roho, umwene mwini ali muhensa ambi iyitikha wuli ''Amina pini wihumya uluhonjeso, nda asigamenye gini wulogola? ¹⁷ Maana ni kweli owe wuhonjesa unofu, lakini yula uyunji asisengwa. ¹⁸ Nikimuhonjesa Unguluvi kwa kiva nilogola kwa lugha kishila omwe wona. ¹⁹ Lakini kulitembe naafuu nilogole amajowo gasanu kwa luhala lwangu ili niwese kivafundisa avanji, kuliko kilogola amajowo kumi elfu kwa lugha. ²⁰ Vakaka na vadada vangu, musikhavesaga vanishe kuhivilila kwenyu. Badala yakwe, kihusiana nu uofu, muve ngaja vana vashali. Lakini kwa kuhiva kwenyu muve vanu vakhome. ²¹ Yiyandishwe ku sheriya, ''Kwa vanu va lugha isinji na kwa malomo ga vahensa ambi nilogola na vanu ava. Wala hata ndeno vasikhanipulikha,'' ija Umtwa. ²² Ino, amalimi ni ishara, sio kwa vini vayaminile, ila kwa vini vasiyamini. Lakini kihumya uukuvamalago ni ishara, sio kwa vini vasiyamini, ila kwa ajili yanave vini viyamini. ²³ Haya, nda yive ilitembe lyona litanganile bahamo na wona valogole kwa lugha, na vahensa na vini vaiyamini vayinjila, wuli vasiwesa kija muli vayasu yasu? ²⁴ Lakini nda yive wona mwihumya uukuvamalago na mwini asiyamini au muhensa ahulute. ambi ishawishiwa na gona gini ipulikha, Ambi ihigwa na gona gini gilogolwa. ²⁵ Isiri sa numbula yakwe nda sadindulwa. Amapolelo gakwe, nda wagwa shifudi fudi na kimwabudu Unguluvi. Nda wayitikha kija Unguluvi ali pakhati yenyu. ²⁶ Shishi shini shifwata ino, vakaka na vadada vangu? Pini ambi mwitangana bahamo, shila yumo ana Saburi, amafundiso, amagubutulo, ilugha au itafasiri. Gahi shila shinu ili kija mulisenje ilitembe. ²⁷ Nda yeyona ilogola kwa lugha, vave vakwali vavili au vatatu, na shila yumo kwa samu. Nu munu lasima atafasiri shini shalogolwa. ²⁸ Lakini nda kusina umunu wa kitafasiri, basi shila yumo wanave akhale myaa mukhati ya litembe. Basi shila yumo alogole mwene duguli na kwa Nguluvi. ²⁹ Na vakuvamalago vavili au vatatu valogole, na vanji vapulise kwa kipambanula shini shalogolwa. ³⁰ Lakini mwini akhele nda agubutulilwe ulujowo ku huduma, yula mwini wa ilogola na asisime. ³¹ Kwakiva shila yumo wenyu iwesa kihumya uukuvamalago yumo baada ya yunji ili kija shila yumo awese kuimanyisa na wona vawese kiyinulwa inumbula. ³² Kwa kiva iroho sa vakuvamalago sili pansi ya ulelelaji wa vakuvamalago. ³³ Kwa kiva Unguluvi asili nguluvi wa makhalaso, ila wa amani. Ngaja shini ishwali ku matembe gona ga vaumini, ³⁴ Yikivafwaya avadala vakhale myaa kulitembe. Kwa kiva vasitakiwa kilogola. Badala yakwe , vipaswa kiva kuunyenyekevu, ngaja shini isheriya yija. ³⁵ Nda kuna shohona vidobokha kuimanyisa, basi vavapose avagosi vanave kukhaya. Kwa kiva yiva nsoni kwa vadala kilogola kulitembe. ³⁶ Wuli iliswi lya Nguluvi lyahumaga kunyenyu? Wuli lyavafishila yumwe tu? ³⁷ Nda umunu alwaje kija yu mukuvamalago au wa shiroho, yikimupasa agamanye amajowo gini nikivayandishila ya kija ni malajiso ga Mtwa. ³⁸ Lakini nda asikhamanya aga, muleshi asikhamanyagwa. ³⁹ Ino basi, vakaka na vadada vangu, sakuli mandu kihumya uukuvamalago, na musikhamusivilaga umunu yeyona kilogola kwa lugha. ⁴⁰ Lakini amajowo gona gaenjeshe kwa unofu na kwa utaratibu.