¹ Kihusu ikarama sa kuroho, vakaka na vadada vangu nisisakula mukhose kimanya. ² Mumenye kija pini mukhandi vapagani mwalongoswagwa kwa kifwata isanamu sini sisilogola, kwa nsila sosona mwalongoswagwa naso. ³ Ino, nisakula mumanye kija kusina yeyona mwini ilogola kwa Roho wa Nguluvi ija, ''Uyesu alaaniwe.'' Kusina yeyona mwini ambi ija, ''Uyesu yu Mtwa,'' isipokiva kihilila Uroho Mtakhatifu. ⁴ Ino kuna karama tofauti tofauti, ila Uroho yu mwene yula. ⁵ Na kuna huduma tofauti tofauti, ila Umtwa yu mwene yula. ⁶ Na kuna aina tofauti tofauti sa nsengo, lakini Unguluvi yu mwene yula mwini akiisenga inengo ku wona. ⁷ Ino shila munu ipelwa uufunuo wa Roho kwa faida ya wona. ⁸ Kwa kiva umunu yumo apelilwe nu Roho iliswi lya hekima, nu yunji iliswi lya maarifa kwa Roho yuyula. ⁹ Kwa yunji akimupela ilihuvi kwa Roho umwene yuyula, na kwa yunji ikarama ya uponesaji kwa Roho yumo. ¹⁰ Kwa yunji amatendo ga ngufu, nu yunji uukuvamalago. Na kwa yunji uuweso wa kipambanula uroho, uyunji aina tofauti tofauti sa lugha, na kwa yunji itafsiri yangu. ¹¹ Lakini Uroho yu yuyula mwini isenga insengo isi sona, kimupela shila umunu ikarama kwa khadriya uhagulaji wakwe yumwene. ¹² Kwa kiva ngaja ndenela umuvili gwiva gumo, nu gwebe guna fiungo finji, ni fiungo fyona ni fya muvili gugula, shisho nu Kristo. ¹³ Kwa kiva kishilila Uroho yumo ose wona tabatiswagwa kiva muvili gumo, kija tili Vayahudi au Vayunani, kija tili vanandeje au huru, na wona tagweswagwa Uroho yumo. ¹⁴ Kwa kiva umuvili gusili shiungo shimo, ila fili finji. ¹⁵ Nda iligulu ambi lija, ''kwa kiva one nisili liwokho, one nisili sehemu ya muvili,'' iyo yisikugaha kiva siyo sehemu ya muvili. ¹⁶ Na nda ilikutu ambi lija, ''Kwa kiva one nisili liho, one niili sehemu ya muvili,'' iyo yisigaha kiva siyo sehemu ya muvili. ¹⁷ Nda umuvili gona guve liho, nda kwava kwii kipulikha? Nda umuvili gona guve likutu, nda kwava kwii kwinunsa? ¹⁸ Lakini Unguluvi wavikhaga shila shiungo sha muvili amahala pakwe ngaja shini wapangaga yumwene. ¹⁹ Na nda fyona fya five shiungo shimo, umuvili nda gwava kwii? ²⁰ Ino ifiungo fili finji, lakini umuvili guli gumo. ²¹ Iliho liiwesa kulijovela iliwokho,'' nisina haja nowe.'' Wala umtwe gusiwesa kugajovela amagulu, nisina haja nowe.'' ²² lakini ifiungo fya mumuvili fini fiwonekha kiva nilishima kidogo fisakulwa mandu. ²³ Ni fiungo fya mumuvili fini tihiva fina lishima kidogo, tikifipela ilishima mandu, ni fiungo fyesu fini fisina uunofu fina unofu mandu. ²⁴ Ino ifiungo fyesu fini fiwonekha finofu fisina haja ya kipelwa ilishima, kwa kiva tayari fina lishima. Lakini Unguluvi wafiwunganiya ifiungo fyona bahamo, na wafipela ilishima mandu fila fini fisiheshimiwa. ²⁵ Wagahaga ndeno ili pasikhavesaga nu mugavanyikho kumuvili, ila ifiungo fyon fitunsaniye kwa ugani wumo. ²⁶ Na pini ifiungo shimo ambi shilemala, ifiungo ifinji filemala bahamo. Au pini ishiungo shimo smbi shipelwa ilishima, ifiungo fyona fishendeve bahamo. ²⁷ Ino omwe muli muvili gwa Kristo, ni fiungo shila shimo shene duguli. ²⁸ Nu Nguluvi wavikha ku litembe tangusina avanandeje, vauvili avakuvamalago, vautatu avalimu, bahene vala wona vini visenga amatendo amakhome, bahene ikarama sa kiponea, vala vini vitanjilia, vala vini visenga inengo ya kilongosa, na wona vini vana aina mbali mbali sa lugha. ²⁹ Wuli ose wona ni vanandeje? Ose wona ni vakuvamalago? Ose wona ni valimu? Wuli ose wona tisenga insengo sa miujisa? ³⁰ Wuli ose wona tina karama ya kiponesa? Ose wona tilogola kwa lugha? ose wona titafasiri ilugha? ³¹ Sakuli mandu ikarama sini khome. Nayune ambi nikivawonensa insila yini nofu mandu.