¹ Au mkamanyanga, ashapwanga kwakuva nakunguluka na vandu vamanyanga shelia), vana kumtawala mundu ali jwa mkoto? ² Kwa kuva jwamama aolewe ashitowa na shelia kwa jwejula mbujegwe pava jwe mkoto shavikwe huru kukopoka jandoa. ³ Nneyo bai, mbujegwe avaga alitama naka mbujegwe, juna anazini lakini iva ga mbujegwe awaga shavikwe huru. ⁴ Kwa nneyi ashapwanga vangu mmanganya mwashikutendangwe vawilenje vashelia kwa mpanda gwa shiilu shake Karisto isiva nnei mpatanje kulundanywe najuna kungweke jwenejo ayushile kukopoka awile ili tukombole kumkolela Mungu matunda. ⁵ Kwa kuva putwaliji katika ali ja shiilu tama ja shambi jashikujimaya katika ipande yetu kwa ajili ja shelia kujikolela kuwa matunda. ⁶ Lakini nneino tushigopolwa kukopoka katika shelia tushikujiwila jejila ali jikutukana ili uwe tupate kutumishila katika ali ja mpya ja mtima Roho, na mngavakatika ali ja bukara jijandikwe. ⁷ Tuvelekete uli bai? Shelia ni shambi, nngava ata nneyo nganamanye shambi jikana pagwe kwa mpanda gwa shelia kwa kuva nganamanye kupinga kama shelia jikavelekete, "Unapinje." ⁸ Lakini shambi jashikupata nafasi kwa jejila amri ni kwianago mkati jangu yowa aina ya pinga kwa mana shambi pangali shelia jiwile. ⁹ Nnanne nashikuva jwa mkoto penepo gwamtai pangali shelia, lakini pujiishe amli shambi jashikupata kulama nanne niwaga. ¹⁰ Jejila amuli ambayo jikapelushe ulame jashikupindikuka kuvaja jajiwe kwa ngunne. ¹¹ Kwa kuva shambi jashi kupata nafasi kwa jejila amuri na nindemba. Kupitila jejiha amri, jashi kumulaga. ¹² Jene shelia ni utakanyolo, ni jaaki jambone. ¹³ Nneyo bai jejila jili ja mbone jaliji kuwa mkati nne? Inave nneyokate. Ila shambi, jivonekane kuva nishambi kupitila jejila jemmbone jashikwi anago kuwa mkati jangu jeneji ja shikuwa kupitila jejila amli shambi jashi kupunda kuva jajibaya kaje. ¹⁴ Kwakuva tuna menya kuti shelia asili jake ni jamu mtima, lakini nneni mundu jwe shiilu. Njiuzwa pai ja utumwa gwa shambi. ¹⁵ Kwa kuva shingutenda ngakushimanya ukoto kwakuva jejila jingupinga kujikamula ngunakubaliana shelia jakuva shelia ni jammbone. ¹⁶ Lakini ndendaga lyelilila ngakulikulitenda nakubaliana na shelia jakutishelia ja mmbone. ¹⁷ Lakini nneinongava nne gundu gwengu ngutenda lyenelyo, bali ni jejila shambi jitama mkati jangu. ¹⁸ Kwa kuva na manya kuti mkati jangu yani mkati ja shiilu shangu likatama lilove lyambone. Kwa kuvatama lili lyammbone lili mkati jangu lakini ngakuli kamula. ¹⁹ Kwa kuva lili lya mmbone ngulipinga ngakulikamula bali lyangali mana ngakalipinga lyenelyo nakulikamula. ²⁰ Nneino nakulitenda lyelila ambalo ngakulipinga ngava nne na mwene ngulikamula bali ni jejila shambi jitama mkati jangu. ²¹ Njimanya kavili jipali kanuni mkati jangu japinga kamula lili lya mmbone, lakini uovu kweli upali mkati jangu. ²² Kwa kuva naangalala shelia ja Anungu kwagundu gwe mkati. ²³ Lakini nalola kanuni ikanakuva kilashi pande sha shiilu shangu jinakoma ngondo shambi ja mpya katika lunda lyangu. ²⁴ Nne ni mundu ng'anio ni geni shanjoye na shiilu ashi shawa? ²⁵ Lakini mtendanje nashakulu ka Ayesu Kristo Abwana wetu! Nneyo bai. Nne na mwene kwa lunda lywangu nakujitumishila shelia jika Nnungu. Bali, kwa shiilu nakujitumishila kanuni ja shambi.