¹ Kwe nneyo nakunjuganga ashapwenga, kwa huluma jika Nnungu, muishoyanje iilu yenunji ive sadaka jili jajikoto takatifu, jikubalika kwa Anungu. Jeneji ndiyo ibada jenunji jikwete maana. ² Wala nnajikagulanja aina dunia ajibali mpindikulwanje kwa tendwa upya nia jenunji. Mtendanje nnei mpatanje kumanya shapinga Nnungu gali gammbone. ³ Kwa kuva naveleketa, kwa sababu ja neema jimbegwile kuti kila mundu ambae apali kati jenunji akapigwa kuganishia kuva ekima mmbuti Nnungu ashikwapanyanga kila jumo shindu fulani sha imani. ⁴ Kwa kuva tushikola ipande ya injili katika shiilu shimo, lakini ngava kila shipande shinatenda liengo limo. ⁵ Nnepeyo, uwe tuli vajeni tuli vavili jumo katika Kristo, na ipande yowe kila jumo ni kukanjake. ⁶ Tushikola kalama kila mundu jake ku kadili ja neema jitupegwile ivaga kalama jika mundu ni unabii na jitendeshe kwa kadli ya imani jake. ⁷ Ivaga kalama jika mundu ni uduma. Na atumishe ivaga juna ashikola kalama ja jiganya bai ajiganye. ⁸ Ivaga kalama jika mundu ivaga kuangalala, bai, aangalale. Ivaga kalama jikamundu kushoya atende nneyo kwa ukalimu. Ivaga kalama jikamundu kulangaya mpanda atende kwa kuangalia ukoto. Ivaga kalama jikamundu kulanguya uluma, na atende kwa angalala. ⁹ Kupingana kunavana unafiki. Nnaupinganje uovu; mkamulianje gali gammbone. ¹⁰ Kuusiana na upendo gwa ashapwanga, mpingananje mmanganya kwa mmanganya. ¹¹ Kuusiana na bididi, nnavanganje valegeleka nga kuusu mtima mmanganje na hamu. Kuusu Bwana, mumtumishile. ¹² Mfulainji katika ujasili mkwetenje kuusu moga gakwia mvanganje vandu valindilila katika mboteko yenunji. Mmbuti katika kujuga. ¹³ Mshilikiananje katika kujuga ga vaumini. Nnoleyanje mpanda guna galanguya ukalimu ¹⁴ Mwakananilanje balaka vowenji vakwatesanga mmanganyanji mwabalikinji nkana kwa laaninji. ¹⁵ Nng'angalanje pama na vaangalala nngutanje pamo na vagutanga. ¹⁶ Mmanganje na nia jimo mmanganyanji kwa mmanganyanji. Nnaganishie kwa kuipuna mwakubalianje vandu vaali ja pai. Nnavanganje na hekima pa mtundu mawazo genunji ashayene. ¹⁷ Nna nnipanje mundu lyangali mana kwa lyangali mana. Ntendanje mambo ga mmbone pamayo ga vandu vowe. ¹⁸ Mwanaga inakomboleka, mmbuti shivikwilye kwenu, mmanganje na hamani vandu vowe. ¹⁹ Vapingwanga nnalipanje lyangalimana kwa lyangali mana ashayene, lakini njibianje gadhabu jika Nnungu. Mmbuti puijandikwe kisasi shikanyene; Nne shinipa,' anaveleketa Bwana." ²⁰ "Lakini ivaga adui jako ashikola shivanga muniye avaga na nnjota unyweshe kwakuva kwakuva kutenda nneyo shupalile makala ga moto pantundu ja mtwe gwake." ²¹ Unautepele kwa ubaya ulepele ubaya kwa wema.