¹ Bhana nwapilikananje bhakulungwa bhenunji katika Bhakulungwa, kwa maana jeneji ni ngulupai. ² "Mwatibhalilanje ashainabhenunji naashijilabhenunji" (Maana jeneji ndiyo amri ja ntai jili na malagano), ³ "kupinga ibhe yammbone kungwenunji na nkombolanje kutama gumi gwa nneu panani shilambo." ⁴ Na mmanganyanji ashaina mundu nnatandubhanganje bhna na sababisha nnjimwa, Badala jake mwalelanje katika kubhajiganyanga na maagisho ga Bhakulungwa. ⁵ Na mmanganya nnbhabhanda, mmanganje bhapilikananga kubhakulungwa bhenunji bha hapano hashilambo kwa tindi bhala na ungumila kwa bhoga gwakopoka mutima jenunji. mmangaje bhapilikananga kungwaonji malinga nnei la pukupilikananga aKristo. ⁶ Kupilikananga kwenunji kunabhepepepala bhakulungwa bhenunji pubhakunolanga kupinga yanonyelanje. Badala jake nmanganje tumdu bhabhanda bha aKristo. Ntendanje manog'a ga Nnungu kushoka mutima jenunji, ⁷ mwatumishilanje kwa mitima jenunji jowe pabha nkutumishilanga Bhakulungwa na wala n'ngabha mundu, ⁸ mnapinjikwa kumanya kubha katika kila shitendi shammbone mundu pakushitenda, shaposhele upo kushoka kwa Bhakulungwa, ibhaga mbhanda au mundu huru. ⁹ Na mmanganya bhakulungwanji ntendanje nnepeyo kubha bhabhanda bhenunji. Nnajogoyanje nnimanyanga kubha jwene alijwankulungwa jwa bhowe ni jwejula alikumbinguni. Nnimanyanga kwakwa kukanililwa nkati jake. ¹⁰ Mpelo gwake, mmanganje na mashili katika Bhakulungwa na katika uwezo gwa mashili gake. ¹¹ N'ngwalanje silaha yowe ya aNnungu kupinga mpatanje kujima kinyume na hila yakanandenga. ¹² Pabha ngondo jetu nngabha ja minuyai na nnyama, bali ni kati ja bhakulungwa na mamlaka ga mbumu na bhakulungwa bha shilambo bha ilebho na lubhindu kati ja lihoka katika sehemu ja kumbinguni. ¹³ Kwa nneyo, ng'walanje silaha yowe ya a Nnungu, kupinga kujima imara kati ja ilebho kati ja shipindi sha uobhu. Badala ja mali ya kila shindu, nshijimangananje imara. ¹⁴ Mpelo gwake anjimangananje imara. Ntendanje nnei baada ja tabhanga mikanda katika kweli na ngulupai pantima. ¹⁵ Ntendanje nnei ibhaga nng'welenje tayari mmakongono genunji kwa tanga sha injili ja ulele. ¹⁶ Katika kila hali nnjamulenje shibao sha ngulupai, ambayo shijikomboye kugaimamaonga ga jwejula alimbaya. ¹⁷ Ng'walanje kofia ya ntapulo na upanga gwa Mbumu, ambayo ni lilobhe lya Nnungu. ¹⁸ pamoja na maombi na dua. Njuganje kwa Mbumu kila makati, kwa nnoloagu mmaganje bhaangalifu kila malongo kwa kuikakatimika kowe na juga kwa ajili bhaamininji bhowe. ¹⁹ Juganje kwa ajili jangu, kupinga mbegwe ntenga punguugula kang'wa jangu. Njuganje kuti ng'eleweshe kwa ujasiri weli jiishiye jihusu injili. ²⁰ Ni kwa ajili ja injili nne ni balozi ndabhile migoji kupinga kuti nkati jaonji mmelekete kwa ujasiri malinga punguko mbola bheleketa. ²¹ Ikabheje mmanganyanji kabhili mmanyanje mambo gangu na namna pungukutiendelea, Tikiko mpwanga jungumpinga na mbhanda jwangu mwaminifu katika Bhakulungwa, shammalanjilanje kila shindu. ²² Njikuntuma kungwenunji kuba kusudi hali maalumu, kupinga kuti mmanyanje mambo kuhusu uwe, akombole kumpembeleyanga mitima jenunji. ²³ Ulele na gubhe kwa ashapwanga na kumpinganga pamoja na ngulupai kushoka kwa a Nnungu na Bhakulungwa a Yeshu Kristo. ²⁴ Mboka na jibhe pamoja na bhowe bhakumpinganga Bhakulungwa a Yeshu Kristo kwa kupinga kuli kwangawa.