¹ A Paulo, katumetume jwa a Yeshu Kristo kwa manoga gao a Nnungu, bhashikwaa pulanga kwa ligongo lya a Nnungu bhalinginji ku Efeso na ambao bhakung'amini nji katika Kristo Yesu. ² Mboka jibhe kukwenunji na ulele ushoka kwa aNnungu Awawa(Atatu) yetu na Bhakulungwa a Yeshu Kristo. ³ A Nnungu na Awawa bha Bhakulungwa bhetu a Yeshu Kristo bhapate kulumbililwa. Ni bhenebho bhabarishilwe kwa kila baraka ya mmbumu, katika pa kumbinguni nkati ja Kristo. ⁴ Kabula bhakanabhe gumba shilambo, A Nnungu bhashikuagula uwe tukung'amini katika Kristo. Bhashikutuagula uwe kupinga tukombole kubha bhaukonjelo na tukainginikwa mmujo jao. ⁵ Katika kupinga a Nnungu bhashikutuagul kwa kututola mbuti twashibhanabhao kwa mpanda gwa aYeshu Kristo. Bhashikutenda nnei ligongo bhashikunonyelwa kutenda sheshila shwashipinjile. ⁶ Matokeo gake ni kwamba aNnungu bhanakunywa kwa mboka ya ya ukonjelo gwa sheneshi ndiyo shwatupele gwayoyo kwa mpanda gwa jwakumpinga jwao. ⁷ Pabha katika jwakumpinga jwao, tushitapulwa kupitila minyai jake, kuleshelelwa ilebho. Tulinago lyeneli kwa ligongo lya njuluko ja mboka yao. ⁸ Bhashikutenda jene mboka kubha jajigwinji kwa ligongo lyetu katika lunda na kumanya. ⁹ A Nnungu bhashikutenda jimanyishe kungwetu jejila jiishiye kwa mpango, kushoka na hamu jibhishile n'ngwee nkati ja Kristo. ¹⁰ Wakati moga gatimilile kwa utimilifu gwa mpango gwao, aNnungu shubhaibhishe pamo kila shindu sha kumbinguni na sha panani shilambo nkati ja Kristo. ¹¹ Katika Kristo tushikubha tushiagulwa na kusudiwa kabla ja moga. Jineji ishikubha ni kushokana na mpango gwa bhatenda indu yowe kwa kusudi ja manoga gao. ¹² A Nnungu bhashikutenda nneyo kupinga tukombole kupagwa kwa nginishio ya ukonjelo gwao. Tushikubha tubhantai kubha na ujasiri nkati ja Kristo. ¹³ Ishikubha kwa mpanda Kristo kubha nshikupilikananga lilobhe lya kweli, injili ya ntapulo gwetu kwa mpanda gwa Kristo. Ishikubha katika bhenebha kabhili kwamba nchiamininji na tagwa mhuri na pumbu yubhalegenenje. ¹⁴ Pumu ndiyo dhamana ya urithi gwetu mpaka umiliki shupatikane. Jeneji pujaliji ni kwa ng'inishio ya ukonjelo gwao. ¹⁵ Kwa ligongo lyeneli tungu makati pumbilikene kuhusu ngulupai yenunji nkati ja Bhakulungwa na Yeshu na kuhusu kubhapinga nga kwenunji kwa bhowe ambao bhabhishilenje panyenje kwa ligongo lyao. ¹⁶ Nyanabhe leka kutenda eja kwa aNnungu kwa ligongo lyenunji na kubhalugulanga katika kujuga kwangu. ¹⁷ Ngunajuga kuti a Nnungu bha Bhakulungwa bhetu a Yeshu Kristo, atati bhaukonjelo, shubhampanganje pumu ya lunda, maunukulo ga manya kwao. ¹⁸ Ngunajuga kuti meyo genunji ga mutima gatagwe shilanganya kwa mmanganyanji kumanya jwei alijeisiri kwa shemwanga kwenunji. Ngunajugai kuti mmanyanje njuluko ya ukonjelo gwa urithi gwake nkati ja bhabhishilenje panyenje kwa ligongo lyao. ¹⁹ Ngunajuga mmanyanje ukulungwa upunda kwa mashili gake nkati jetu ambao tuamini. Ngwenegu ukulungwa kushokana na kukamula maengo katika mashili gake. ²⁰ Genega ni mashili gatendile liengo nkati ja Kristo makati a Nnungu pubhayushie kushoka kubhawa na kwatamika katika nkono gwao gwa nnilo katika mahali pa mbingu. ²¹ Bhashikwatamika a Kristo panani pa talika na ukulungwa, mamlaka, mashili, enzi, na kila lina lilugulwa. ²² A Nnungu bhashikwitawala indu yowe pai ja makongono ga Kristo. Bhashikwatenda bhene ntwe panani pa indu yowe katika likanisa. ²³ Likanisa ndilo shiilu shao, kukamatika kwao ndio kukwagumbaya indu yowe katika mipanda jowe.