¹ Kwa nneyo, kwa sababu tushikola jene huduma jii, na kama tushiposhela leshelwa, tukatatama. ² Badala jake, tushikana mipanda joe eibu na jiishiywe. Tukatama kwa lila, na tukakulitumia gwamba lilove lya Anungu. Kwa kujiwasilisha kweli, tunakwilanguye twashinng'ene kwa nia ja kila mundu mmujo mwa Annungu. ³ Ikaveje ivaga injili jetu jishikwiye, kujiishie kwa vevela vaangamianga. ⁴ Katika kuagula kwavonji , Nnungu jwa shishino shilambo shino ashikwaivanga lunda lwaonji lwangali kuamini matokeo gake, vakakombolanga kulola shilangaya sha injili ja ng'inio ya Kristo, ni mfano gwa Annungu. ⁵ Pava tukakwitangasha twashivayene, ikaveje Nkulungwa Kristo, na uwe tuvayene mbuti vatumishi venunji kwa ajili ja A Yesu. ⁶ Pava Annungu ni valugwile, "Shilangaya shishilangaye gwa shoka paluvindu." Shishilangaya mmitima jetu, kushoya shilangaya sha maalifa ga ng'inio ya Annungu katika kupagwa kwa Ayesu Kristo. ⁷ Ikaveje tushiko hazina ja ikelelo ya litaka, imanyishe kuti mashili ga makulungwa kaje ni ga Annungu na ngaa jetu uwe. ⁸ Tunalaga katika kila hali, ikaveje tukabanwa, tuivona voga ikaveje tukakatatama. ⁹ Tunapolekwa ikaveje tukanavelekwa. Tunajaywa pai ikaveje tukamaliywa. ¹⁰ Moga goye mwiilu yetu tunakushija mula shiwe sha Ayesu, kuti kulama kwa Ayesu kuvonesha mwiilu yetu. ¹¹ Uwe tuli tuvavakoto moga goe tushishoywa kuwa kwa ajili ja Ayesu, kati kuwa kwa Ayesu kuvoneshe mwiilu yetu ya shigundu. ¹² Kwa lyene ligongo li, shiwa shinatenda liengo nkati mwetu, ikave kulama kunatenda liengo nkati mwenunji. ¹³ Ikaveje tushikola mbumu ilapeila ya kulupalila kulingana sheshila shijandishwe: "Naamini, na kwa nneyo navelekete." Numbe uwe tunaamini, kwa nneyo tunaveleketa. ¹⁴ Tumanyi kuti jwejula annyushie Nkulungwa Yesu ashatuyuywe ata uwe pamo na gwejenejo. Tumanyi kuti kupagwa kwake shatupeleshe pamo uwe na mmanganyanji. ¹⁵ Kila shindu ni ajili jenunji, kadri ja mboka shijikuti jenela kwa vandu vavajinji, shukulani jipunde kujenjesheka ng'inio ya Annungu. ¹⁶ Kwa nneyo tukakata tama. Japokuwa kwa palanga tunautala, kwa nkati tunatendwa uyambi lyuva adi lyuva. ¹⁷ Kwa guguno muda gwa nng'upi gumo, ai mboteko yapepeka inakukuandaa uwe kwa ajili ja gwangalimpelo gwa topa ng'inio ya punda ipimo yowe. ¹⁸ Pava tukalola kwa ajili ja indu ivoneka ikave kwa ajili ya indu ikavonekane indu ishitukombole kuivona ni ya muda pe, ikave indu ikavonekana ni yangalimpelo.