¹ Yabi wakati fulani Yesu atumbwa mwanja amo mu ni'ma na mwijiji mbali'mbali', kabaalya no baya habali inanoga ya ukulungwa wa Nnu'ngu' na balu' ku'mi naibi'le bai pamope nakwe. ² Kai' alwawa babatepwile na kwabu' ya mbepo inanyota na matamwe mbali. Baabile Maliamu Magdalena ywembe abu'yilwe mbepo inanyaata saba. ³ Yoana nyumboe kuza na nnongeli wa Herode, sasana, na alwawa bi'ngi' bambone babapiite ili'be yaabe kwa penda bene. ⁴ Na apo mapenga ga baandu bakwembine pamope, babile na baandu bababui' mili'ma mbali'mbali', alongei napo kwa pitya ngongo. ⁵ Mpandi ayi'ipanda mbeyu, paabile kapanda, ayo mbeyu yi'ngi' yatu'mbu'kile mbwega ya ndi'la ngaili'batilwa na magu'lu ga bandu, na iyuni ngabaisa kuisonywa. ⁶ Na yingi yatu'mbu'ki mu ukando nchini wawabile kunani ya mwamba na payabalike kwokosa ukando wambone yateyu'ma kwa kutoka baa na masi'masi'. ⁷ Mbeyu yi'ngi' yatu'mbu'kile mu mikongo ya mimimwa, na ayo mkongo ya mimimwa yatumbwi ku'la pamope na yi'lo' mbeyu, ngaitumbwa kuipu'pu'sika. ⁸ Lakini mbeyu yingi yatu'mbu'ki mu ukando unanogi, ngaipia mala mya. yesu paalongei mambo go, ngapapiya lilobe, ywoywoti mwene masikilo yo yu'an ayu'e" ⁹ Bu'kapo bamamasi baake ngabanokia maana ya lukongo lwo. ¹⁰ Yesu ngaababakia, Mwenga mpatike upendeleo kuitanga siri ya ukulungwa wa Nnu'ngu', lakini bandu bi'ngi' baluayiganilwa kwa ngongo, linga pababona kanababone, na pabayu'a kanabaelewe. ¹¹ Na ayi'nga maana ya lukongo lu'. Mbeyu nga likowe lya Nnu'ngu'. ¹² Mbeyu yi'la yaitu'mbu'ki mbwega ya ndi;la nga balu' babaliyu'a kikowe lyannu'ngu' na baada aisa setani isalipa;twa lyalipandilwe mu mwoyo, wa baandu linga kanabaau'bi'li bakama kosopolelwa. ¹³ Bokapo na yi'lo yaitu'mbuki muukando nchininchini kunani ya mwamba nga balu' bandu babaliyu'a likowe, na kulipokya kwa pulaika lakini ntu'pu' nandai yoyoti, abo balu' babaubi'lya kwa muda mwipi, na mana ba kwembine na payilwa bandatu'mbuk'ka. ¹⁴ Na yilu' mbeya yaitu'mbu'kile pa mimimwanga bandu babaliyu'a likowe, lakini pabayendelya ku'la bapu'pu'si'lwa na huduma na ikowe ya lunia na mogau wa maisa ga na bapapa li kili'be. ¹⁵ Lakini yilu' mbeyu yaitu'mbukile mu ukando unanoga nga baaalu' bandu, anyenyekevu na bena myoyo inanoga, pabaliyu'wine likowe lya nnungu ngabalikamulia, na liba likoto, na beleka matunda ga pumiliab. ¹⁶ Mbi'yambi' ntu'pu hata mundu yumo. ywa sonja kibatali na kuiweki'lya na kibakuli au kuibika pai ya kindanda. Badala yake kuibi'ka kunani li'nga ilaye bweya kwa boti babajingya. ¹⁷ Kwa mwanja ntupu kili'be sasakwiiya, sasakotoka tanganikwa kubweya. ¹⁸ Kwa mwanja upalikwa baa kinanoga paupi'kan ia. kwa mwanja ywabile na kili'be aluawayongekelwaa muno, na ywangekili'be hata si'lu' kisini saabile naso aluapokonyolwa. ¹⁹ Bokapo mau'bake yesu na akinanunabe baateisa na baabileli nakwe papipi kwa mwanja kwai na lipinga liku'lu' lya baandu. ²⁰ Na ngabampeya abali, "maubako na alonobo babile palu' panja bapala kwembana na wenga. ²¹ Lakini, yesu ngayangwa no baya "mau'bangu" na alongol bangu' nga balu' babalipi'kania likowe lya Nnu'ngu na kulipanga. kulitu" ²² Na yailisu'balimo yesu na bamamasi' bake bau'bwike muntumbwi, na ngapabakia, " tuloke kwiyi' ya litanda" ngapabaanda ngalaba yabe. ²³ Tumbwele pabatumbwi bu'ka yesu agonjike lngono, na kulikua kimbu'nga kikali', na ngalaba yabe yatumbwile twilya masi' na babile muatali ngulu' muno. ²⁴ Apo banamasi' bake ngabaisa kwake na kunyumuya, nobaya, "Bwana nkulu' Bwana nku'lu' twi kalibu na waa "payumwike ngakakatuka na kuukemya upepepo, na upepo ngo kotoka. Bokapo kukupanga sisi. ²⁵ Yesu ngapababakia banamasi' baake, u'bi'lya kwini kubile kwaku? Bati yogopa, no sangala, ngababakiyana bene, "Ayu' nyai, aukanikia na upepo na wandakunyek'tya? ²⁷ Ngabaika ku nnima wa Gerasini wambile nsu'gu' ya Galilaya. ²⁶ Yesu paulwike nungalaba no libata mubwii nyu'mu' mundu fulani bu'ka kumuji, ngapakwembana nakwe, na mundu yu' ai na makakala ga kisetani. kwa masu'ba maingi awalage li ngu'bo, na atamage li nyumba, ila ata mage kumakabuli. ²⁸ Pamweni yesu ngapali'la kwa lilobe liku'lu' na ngatu'mbuka pai' nu'ngi' yake. kwa likobe liku'lu ngapabaya Nipangite kilibe gani kwako, yesu mwana wa nnungu' ywa kunani? nandakulu'ba kanaumbei adhabu ne. ²⁹ Yesu ngapa iamulisa yi'lu' Roho inanyata - immu'ke mundu yu'lu maa kwa masu'ba gambone ampanga lilalu' maana hata ikapangite bantabite minyorolo ya kyu'ma, andage kutwana. ³⁰ Yesu ngapanokiya yu'lu mwene mabetani "lina lyako wa nyae" ngayangwa nobaya "legion" kwa maana mbepo inanyata yambone itekunyingya. ³¹ Ngabayendelya kunu'ba kanaututumbukie muluyi'mbwa. ³² Kwai na lipi'nga lya magu'be lyandage li'li'yi'lwa pakitu'mbi', Yesu ngabayiki'ti'ya panga nyoo. ³³ Bai balu' masetam ngabammuka yulu, mundu na ngabayenda yo kwa jingya balu' magu'be, na li'la' lipenga lya magu'be ngalibutuka bu'ka kitu'mbi' na li'la' lipenga lya magu'be ngalibutuka bu'ka kitu'mbi' na boti waa. ³⁴ Balu' bandu babali'li'age magu'be pababweni gagapitile batibutuka na yenda yopiya taalifa pa nama na kilambo sote sasatincha. ³⁵ Bandu pabayuwini ago bayi'im yobona sakipiti'le, na baisile kwa yesu na kumona yu'lu' mundu yagamu masetani, abile kinanoga na ameti ngu'be na ai na akili timamu, atami pa magu'lu' ga yesu, basi bati yogopa. ³⁶ Nga mundu yumo ywa bweni gagapilile atumbwi kwa simulya bandu bi'ngi ayu' mundu mwaongozilwe na masetani mwatepulilwe. ³⁷ Bandu boti ba nkoa wa agerasi na maeneo gagatindiyage banu'bite yesu abu'ke kasabe kwa mwanja babile na bwoga muno. Ngapajipya mutumbwi linga buyangana. ³⁸ Yu'lu' mundu ywabuyilwe na mbepo inanyata anu'bite yesu longwana nakwe, lakini yesu amakie akili'buke kasaka na yobaya. ³⁹ Uki'libu'ke kasako munyumba yako wa mwene na baya gote gapabuyangana na mapenga ga bandu ngabampokya kwa mwanji, bioti bandagekuni'nda. ⁴⁰ Na yesu ngapabu yangana na mapenga ga bandu ngaba mpokya kwa mwanjo, boti bandagekuni'nda. ⁴¹ Nga aisile mundu yumo lina lyake yairo mpindo yumo katika vionjozi ba sinagogin. yairo ngapatu'mbukya pa magu'lu ga yesu na kunu'ba ayende klasake. ⁴² Kwa mwanja abile na mwana mwenga yumo tu, mweumuli wa myaka kumi na ibi'li' na abile kalibu no wana payendage mapenga ga bandu bandage kunkunywa. ⁴³ Kwai na nwawan ywaapitage myai kwa myaka ku'mi naibi'li abile palu' na atumile ela yake ya mbone kwa aganga, ntu'po hata yumo ywa ntepwi'le. ⁴⁴ Nga paisa nsu'gu' ya yesu na kunywa lupindo wa ngu'bo ya yesu, na bokapo pita myai kwake nfo yu'ma nkoto! ⁴⁵ Yesu ngapabaya "nyai ywaanikunywite" pabakani botibe, Petro ngapabaya, mwapindo, ali' lipi'nga lya bandu bama kukunywa na kukusukuma sukuma. ⁴⁶ Lakini yesu ayendeli baya, "mundu yumo atinikunywa, maana mbweni likakali litinibu'ka" ⁴⁷ Nwawa pabweni akombwa li kwiyu'bi'ya sapanjite, ngaatumbwa lendema, ngaatu'mbu'ka pai ju'ngi ya yesu, ngapabaya goti gagampangite akunywe upindo wa ngu'bo ya yesu na mwaponi kwa malajimo. ⁴⁸ Yesu ngapabaya, "mwali 'bi'lya kwako kukutepwile minga kwako. uyende kasako na amani" ⁴⁹ Pabile kayendelya longela, mundu yumo ngaaisa bu'kamu nyumba ya kiongozi wa sinagogi, kabayayu'lu' "mwale wako wene awile. kanausumbwe mwaklimu". ⁵⁰ Lakini yesu payu'wine go, ngayangwa, "kanaayogope uobi'libai, mwana wako aluwayu'ka'. ⁵¹ Bu'kapo [pajingile mu'lu' nyumba , anyiki'li'leli mundu ywoywoti jingwa nakwe nyumba, ila Petro Yakobo na Yohana na baba yake binti na mama yake. ⁵² Tumbwele bandu boti bamdagekunilya no pia malobe gabe kwa ajili yake, ywembe ngabaya, "kanamupange ndu'ti anawa li, ila aligonja bai. ⁵³ Lakini bandu ngabamweka kwa kunsalawa, bembe batangite awile. ⁵⁴ Ywembe, ngapankamwa mwi'nja luboko, ngankema kwa lilobe, no baya "mwana, kakatuka" ⁵⁵ Roho yake ngainki'li'bu'kya no kakatu saa yoyoyo. ngabaamulisa apeyelwe kili'be so lya li'nga alye. ⁵⁶ Apindo ba yu'lu mwali ngabaigala omongwa, ila ywembe abaamulise kanabamakie mundu sakipitile.