¹ Yesu akabhokite lihenelo lyene na kujhenda katika ukoha ghwa ujhahude na liheneho lya kulonge jha lukemba jholodane, na makonga no bhakankengime kabhele. akabhele. Akabhapundiche kabhele ukema chajhakibha kawahida jhake kuhenga. ² Na mapalichajho bhakahikite kunjhi gha na ngabhankonyita, "Ni halale kwa munalome kunndeka mkeghe ghwake?" ³ Yesu ugabhajibwita, "Mucha akabhamwile nike?" ⁴ Mgabhalongila, "Mucha akaluhwiche kujhandika chete cha kulekana na kicha kumbhengamukeghe." ⁵ "Ni kwa unhalo ghwa mwojho nijhomo udile mahana akabhajhandikile cheliha jhenje," Yesu akabhalobhalile. ⁶ Lakine kuhuma kumwanjho kwa uhumbajhe, Chapanga akabhahumbite munalome na mukeghe! ⁷ Kwa unhalo ghongo munalome chan-ndeka tate ghwake na majhe ghwake na kuhungana na unhana ghwake, ⁸ Na bhena bhabhena chabhabhajhe mbhele ghumo; Kwa kuwa chi bhabhele kabhena bale m-bhele ghumo. ⁹ Kwa hijho chakihunganiche Chapanga, mwanadamo akotokajhe kukitenganicha." ¹⁰ Pabhakibha nkate jha unyumba, bhanapunje bhake bhakankonyite kabhele kuhucho lende. ¹¹ Akabhalobhalile , "Jhejhote jwaneka mukeghe ghwake na kuutolela mukeghe jhonge, ahenga uchinje chidi jhake. ¹² Mukeghe najhwene andan-ndekite muualome ghwake na kuholeghwa na munalome jhonge ahenge uchinje." ¹³ Na bhene bhakau-ndetile hyana hyabhe ichokombe hili abhaguche, lakini bhanapunje bhakakemihe. ¹⁴ Lakine Yesu pamanyitajhe lyehe, akahanganichwe nalojhe kabicha akabhalobhalile, "Maluhucho hyana ichokombe bhahike kwango, na mangahibha lila, kwa uhalo bhibhabhile nkema bhamba upwalume ghwa Chapanga ni ghwabhe. ¹⁵ Ukwele nin-ndobhelela, jhejhote jhwanga upokela upwalume ghwa Chapanga nkema mwana nchokombe hakika hakwechi kujhingila katika upwalume ghwa chapanga. ¹⁶ Kicha ngabhatohila hyana mumabhoko ghake na kwabalike akabhabhekile mabhoko ghake panane jhabhe. ¹⁷ Na patumbuila chapale jhake mundo jhumo akambhutukile na kumpighila majhughwa palonge jhake, nganko nyita, "Mwalimo mwema, ndenda nike ili hweche kuliche uchima ghwa milele?" ¹⁸ Na Yesu ngalongila, "Kwa nike mingema mwema? Abhijhe jwabhile mwema, ichipokuha Chapanga kajhika jhake. ¹⁹ Mimanye hamule: nkotoukoma, kuchine, kujhibha nkotokajhe kuchuhudia uhwange, ukotoukoloha, muhechimwa tate na majhe ghwino." ²⁰ Mundo jhola ngalongila, "Mwalimo, ghanga ghote mighatite tango mile nakangombo." ²¹ Yesu akan-ndolakihe na kumpala. Mgabhalobhalila, "Mpongokighwe kilebhe chimo. Mipachwa kuhujha hyoha hyambhinahyo na mapekehe akamachikine na chabyajhe na hachina kumbengone. Ndipyo unhike ungengame." ²² Lakine akakatite tamaha kwa unhalo ghwa mahelecho ghanga: akabhokite akibha na jhuna huchune, kwa kuwa akibha na male ghamahena. ²³ Yesu akalolite pande hyoha na kwalobhalela bhanapuje bhake, "Ni jinche ghani chaibhile unonoho kwa tajile. Kujhingila katika upwalume ghwa chapanga! ²⁴ Bhanapunje bhakakungichwe kwa malobhe ghanga. Lakine Yesu akabhalobhalile kabhele, "Hyana, ni jinche ghane chaibhile unono paho kujhingila katika upwalume ghwa Chapanga! ²⁵ Ni lahiche kwa ngamiha kupeta mulihoto lya chindano, kuliko mundo tajile kujhingila katika upwalume ghwa Chapanga." ²⁶ Bhakakaugichwe chana na bhalongihine, Hipyo ghane chahokokajhe." ²⁷ Yesu akabhalolakihe na kulonge, "Kwa bina damo ihweche kanajhe, lakine chi kwa Chapanga. Kwa kuha katika Chapanga ghote ghihwe chekana. ²⁸ "Petile ngatumbwila kulongela nako, "N-ndolakeha yuhilekite hyote na tunkengamile." ²⁹ "Yesu agalongila, Ukwele nin-ndobhalela mangoto mwenga, abhijhe jwa ilekite nyumba, au unha cha mundo, au n-ndobha, au tate, au hyana, au n-ndema, kwa ajile jhango, na kwa ajile jha hinjile, ³⁰ Ambajhe chapokelajhe mala mya zahide jha ngoheno pamba paduni hane: Nyumba, unhacha, n-ndomba, majhe, hyana, nan-ndema kwa matecho, na kilambo chakihika, uchima ghwa milele. ³¹ Lakine bhamahena bhabhile bha kwanja chabhabhajhe bha mwisho na bhibhabhile bha mwicho chabhabhajhe bha kwanja." ³² Pabhakibha undela, kujhenda kujheluchalemo, Yesu akibha akalongalile kulonge jhabe. bhanapunje bhakakangiche, na bhala bhibhakibha bhakengama kunyuma bhajho ghuipe. Ndipo Yesu akabhabhohite paupele kabhele bhala kome na bhabhele na akatumbwile kwa lobhalela chakipala kumpitila hipi kalibune: ³³ "N-ndola, tijhenda mpaka kujheluchalemo, na mwana ghwa Hadamo chabhauhikichajhe kwa kalongoche bhakolonga na chabha mboha ,mboha kwa bhando bhamatahipa. ³⁴ Chabha njihake, chabha uhunila, mata, cham-menya hyato, na chabha matato chahyokajhe." ³⁵ Jhakobo na Jhohana, bhana bha zebedayo, bhakahikite kwake na kulonge, "Mwalimo, tutenda kunhijhe mututendele chachoha chatunyopa." ³⁶ Akalobhalile, "mipala niuhengele nike?" ³⁷ Ngabhalongila, "Mituluhudho titame na mwenga katika utukupo ghwino, jhumo katika lubhoko lwino lwa kalelo na jhonge lubhoko lwa kangejha." ³⁸ Lakine Yesu akajibwite, "Mmanyitejhe chimijhopa. mihotola kunywelela kikombe ambacho chanywelelajhe au kuchitamile ubaticho. ambao chibhamatichajhe?" ³⁹ Ngabhan-ndobhalila, "Tihwecha" Yesu ngabhalobhalila, "Kikombe chambala kunywelela, chaunywelelajhe. Na ubaticho ambao kwabhe bhamatichwe chamuchitamilajhe. ⁴⁰ Lakine jhwachatajhe lubhoko lwango lwa kwalelo au lubhoko lwano lwa kangejhachi nenga jwa kubhaha, lakine ni kwa bhala ambao kwabhe ijhwomwike kwa handiliha." ⁴¹ Bhala bhapunje bhange kome pabhajhohinahe ghanga, bhatumbwile kwa hyomela Jhakobo na jhohana." ⁴² Yesu akabhakemite kwake na kulonge, "Mimanya kuwa bhala bhibhichamighwa kuwa akagwala ghwa bhando bha mahipa bhataghwala, na bhando bhabhe machuhule bhalangiha mamulakapanane jhabhe." ⁴³ Lakine hipachuajhe kubhegha nahe kate jhimo. Jhejhote jwachabhajhe ukolonga kate jhimo ni lachima bhatumakihe. ⁴⁴ Na jhejhote jhwapala kubhega ghwa kwanja kate jhino ni lachima abheutumwa gha bhoha. ⁴⁵ Kwa kubhegha mwana ghwa Hadamo chahikajhe kutumakighwa bali kumika, na kughabha mahicha ghabhegha pidiha kwa bhamahena." ⁴⁶ Ngabhikita kujheliko. Pakibha abhokitajhe kujheliko na bhanapunje bhake na likunde likolonga, mwana ghwa Timajho, Bhatimajho, kipopo njhopajhe, akatamite kando jha ndela. ⁴⁷ Pajhohinajhe kubhegha ni Yesu muuachalete, akatumbwile kupigha kelele na kulonge, "Yesu, mwana ghwa Dahude, unhulumihe." ⁴⁸ Bhamahena bhakankemihe jhola kipopo, bhan-ndobhalile nkotoke. lakine akalelite kwa chahute chahide, "Mwana ghwa Dahude, unhulumihe"! ⁴⁹ Yesu akajhemite na kuhamulo akemwe. Bhakankemite jhola kipopo, bhakalogi, "Kubhegha chujaha! N-jinuke! Yesu aukema. ⁵⁰ Akalitaghite paupele likote lyake, akabhutwike chahide, na kuhika kwa Yesu. ⁵¹ Yesu nganyibwita na kulonge, "Mipala niuhengele nike?" Jhola munalome kipopo ngan-jibwita, "Mwalimo, mbahile kulola." ⁵² Yesu ugan-ndobhalila, "m-jhenda, himane jhino im-ponyite. "Papa pema miho ghake ugaghalolita; na ngankengima Yesu undela.