¹ Nihichi hena kauvumilihe na nenga katika bahaze jha upumbavo, rakine kwa kwere mivumiriha na nenga. ² Kwa kubhye ni jhuna wivo kuhuchu mangota. Mile bhwiho gha Chapanga kwa hajile jhino, tango panakahaide mangota paa uhano ghwa munareme jhumonga. Nakahahide kun'dheta mangota kwa Kristo anda bikira chapi. ³ Rakine nijhogopa hena kwa namuna furane, anda rijhoka anda chaka nkorwihe Eva kwa hira jhake mawazo ghino ghiweza kupotochwa kutare kubhoka paa ibada hariche na sipwa kwa Kristu. ⁴ Kwa kubhye kwa pwano hena mundo furane ihika na kutangacha Yecho jhonge tafaute na jhola tujhwakahubiriye au kwa pwano hena makapokere mojho ghonge tafahute na jhora jhwakapokire au kwa pwano hena makapokere enjire jhenge tafahute na jhela jhima kapokire. Makahimbalire mambo agha ghamahaitcha. ⁵ Kwa kubhye nizane hena nenga chi miongone paa bhubhabhire dune kwa abha bhibhakema ntumiche jhwamaha. ⁶ Rakine ata anda nenga bhanbudichejhe kaka kubhoha hutuba, mijhe naha katika maripwa kwa kila namuna na katika mambo ghoha tirihengite ira timanyikane kwino. ⁷ Bho, nakahengite zambe kwa nikinyenyekehe namwene ila mangota uweze kujhinuriwa? Kwa kubhye nakahubire kwa uhuro enjire jha Chapanga kwino. ⁸ Nakapokite makanicha ghumahena kwa kupokela mchada kubhuka kwabhe ila hena kawezite kubhahudumiha mangota. ⁹ Ghwakate panakabhire mangota na nakibha katika ukemeghwa nakategemijhe jhoha jhora kwa kubhye mahitajhe ghango ghatochite na bharongo bhubhahikite kubhoka au kuhuma Makedonia. Katika kila kilebhe nikibharire namwene changa bhyegha uhigho kwino na nyendereha kuhenga nahe. ¹⁰ Anda kwere gha Kristo ibhire nkate mwango, kongo kujhipu kwango, napakota kanajhe katika chesemo jha Akajha. ¹¹ Kwa nike? Kwa sababo napahijhe? Chapanga amanye napara. ¹² Rakine chela chinihenga nanikihenga piha nanikihenga ila hena hweze kuhibharira nafase jha bhara bhibhitamane nafase jha kubhye anda chitibhire katika cherache chibhi hobharere. ¹³ Kwa kubhye bhando bhala ni bhatume bha uwange na bhahenga mahengo bhawange bhijigeuza bhene anda bhatuche bha Kristo. ¹⁴ Na ejhe hikangachwajhe kwa kubhye ata chetane kukigeuche jhwene anda mahoka gha nuro. ¹⁵ Ejhe ibhijhe makangacho makoronga anda bhatumiche bha hake, hatima jhabhe na ibhya annda matendo ghabhe ghisitahirejhe. ¹⁶ Nironge kabhena: Bhahe na nkotakubhyegha mundo jhohajhora jhwiwachira nenga ni pumbavo rakine anda mihenga mumbokere nenga anda pumbavo ila hweze kujichipu kandira. ¹⁷ Chera chinirongera kuhuchu kongo ajiamine kwa kuroka akahumighwejhe na Bhambo, rakine nirongela anda pumbavo. ¹⁸ Kwa hena bhando bhumahena kuloka kwa jisi jha bhere, nanoka piha. ¹⁹ Kwa kubhye makatorarine kwa kihangano na bhapumbavo, mangota bhene muna buchara. ²⁰ Kwa kubhye mitorerana na mundo anda akatireki utumwane anda kuchababicha magabhanyiko kate jhino anda antumite mangoto kwa pwaida jhake anda akibhekite panane panyengerere au anda antobhite pamiho. ²¹ Nanongera kwa hone jhito hena twenga natibhya zaivo chana kuhenga nahe, na tabhera anda jhojhote jhwirokaaaaaaa nirongera anda pumbavo nenga piha nanoka. ²² Bho, bhene ni Mayaude? Na nenga ni nahe. Bho, bhene ni ubheruka ghwa Abrahamo? Na nenga ni nahe. ²³ Bho, bheneni ni bhatumiche bha Kristu? (Nanena anda bhakahombite na marango ghango) nenga ni zaidengorite ata katika mahengo manonapaho zaide, kutare zaide jka kubhye vipungone, katika kutobha kupeta hipemo katika kukabire hatare himahena jha kuhwegha. ²⁴ Kubhoka kwa Mayahude ipokile mala uhano "mapigho arubahine kubhoha jhimonga." ²⁵ Mala tato bhakantobhite kwaruyhato mala jhimo bhakantobhite maghanga mala tato nakanuchurike merine. Nakatumihe uhiko na pamuhe katika bahare waze. ²⁶ Mile katika chapwale jha mara kwa mala, katika hatare jha majambaze, katika hatare kuhuma kwa bhando bhango na mwene katika hatare kubhoka kwa bhando bha mataipwa, katika hatare jha mche, katika hatare jha jha rurambo, katika hatare jha bahare, katika hatare kubhoka kwa n'dhongo ghwauwange. ²⁷ Nkorite katika rihengo rinono paho na katika maicha magumo, katika uhiko ghonge ghwa kughoroka. Katika njara na nyota, mala jhimahena katika kupunga, katika marire na matakumatopo. ²⁸ Kutare na kila kilebhe chenge kuna mchukumo ghwa kila rinjobha kumepango ghwa wasewase ghwango kwa ajire jha makanicha. ²⁹ Ghaneni zaivo, na nenga si zaivo? Ghane achababiche jhonge, kughwegha pazambe na nenga nitinikajhe nkate. ³⁰ Anda ni rachima noke, nilokera kuhuchu chera chikilangiha uzaivo ghwango. ³¹ Chapanga na tate ghwa Bhambo Yecho jhwene ambahe jhwitukuchwa mirere, amanye hena nenga nikorojhe. ³² Kora Dameske, nkoronga ghwa nkoha pahe jha pwarume hareta akibha palende mche ghwa Dameske ila kungamra. ³³ Rakine bhamekite mkitatabhala kupetera pilidiricha katika rupamanda na nikanuchurike kubhoka mmabhoko ghake.