¹ Saeno kuhuso vyakula bhakabhoite sadaka kwa sanamu: tumanye jha mwamba "twenga sote tukwete maarifa." Maarifa bhaleta majivuno, bale upendo hujenga. ² Ikibha mundo jhojhote adhane kwamba amanye jambo fulane, mundo hojho amela amanyejhe anda impasavyo kumanga. ³ Lakine chaikibha mmonga champendezajhe Chapanga mundo hojho amanyekana najhe? ⁴ Bahi kuhuso kulyegha vyakula vya bhabhabhoite sadaka kwa sanamo: twamanya kubhiegha "sanamo si kilebhe lwa dunia hejhe," na jha kubhiegha habhijhe Chapanga ila mmonga tu. ⁵ Kwa maana bhabhi bhamaena waitwao miungo ikiwa ni mbingune au paduniane, anda bhile walivyo "miungo na mabwana bhamaena." ⁶ Ijhapokubhiegha kweto habhi Chapanga mmonga tu ambajhe ni tate, vilebhe vyoha vibhokite kwake, nase tunaishi kwajhwene, na Bhambo mmonga Yesu Kilisito, ambajhe kwajhwane vilebhe vyoha vimekuwapo, na kwa jhwene twengatubile. ⁷ Hata nae, ujhuze hogho hubhijhe ngate jha kila mmonga. Badala jhake, bhange bhakashilike ibada jha sanamo pambano zamane, na hata ngocheno bhalyegha vyakula hive kana kwamba ni kilebhe chabhabhoite sadaka kwa sanamo. Dhamini lyao zipotweshe kwa kubhiegha ni dhaifo. ⁸ Lakine chakula hakitatuthibitisha twenga kwa Chapanga.Twenga sijho bhabaya sana anda tukosite kulyegha wala vema sana ikibha tatulyajhe. ⁹ Lakine iwene makine jha kwamba uhuro ghwena ukoto kubhiegha sababo jha kumkwaza jhaabhile dhaifo lwa imane. ¹⁰ Hebo fikiri kwamba mundo akubhonite, mwenga jhakwete na ujhuze, ulyeghachakula lwa hekalo lya sanamo. Dhamile jhake mundo hojho haitathibitika hata jhwene najhe alyajhe vilebhe vya bhabhoite sadaka kwa sanamo? ¹¹ Kwa hijho kwa sababo jha ufahamo ghwake ghwa ukwele pananejha asile jha sanamo kaka au dada jhwakejhabhile dhaifo, ambajhe pia Kristo ajhomwike kwa ajhile jhake, aangamizwa. ¹² Nae anapoenga dhambe dhide jha kaka na dada bhake na kuzijheruhi dhamire jhao jhajhibhile dhaifo, mutenda dhambe dhide jha Kristo. ¹³ Kwa hijho, ikibhiegha chakula kisababisha kumkwaza kaka au dada, nilyejhe nyama kamwe, ile nisababishelajhe kaka au dada jhwango kughwegha.