¹ Paulo, mulaghisibhwa ghweke Kilisto kumapenzi gheke ilabhumba, kubha katangwanga kwajili jeke kabhemba Kilisto Jeesu. ² Nehema jibhe kumwenyu ne amani jiyumile kwa kabhumba tata ghatu ne bhwana Jeesu Kilisto. ³ Kabhumba ne tata ghwa bhwana yawe tu Jeesu Kilisto ahebhwe sija. Ninyene ghakatufuhaga kukila bhalaka sha kumwango, kumahaliyalugha ghulu mukati nawa kilisto. ⁴ Kbhula ja kubhumba bhwelelo kabhumba ghakatusaghelango iwebhatuamini ku Kilistu. Ghakatusaghulunga zwe nakubha tukubhele kubha bhulu nebhotetuli kuleumiwa kwakwaje. ⁵ KUbhupendo kabhumbumba ghake tugaghunga kumwanzo kukulaghisibhwa kobhe bhana bheje kunsila jeke Jeesu kilisto. Jakelangateti bhukobha ghakapenda sibhwanga kuilatilya bhwali kutamani. ⁶ Matokeo gaje nikubha kabhumba kabhumba ekutukuswa kuneehemaja bhutukufu bhwaje sesisyo ghakatuhanga bhule kunisila jumutehwa ghwaje. ⁷ Bhukubha mumtehwa ghwaje, tuline bhukombozi kuhitila malaso ghaje, musamaha ghwa sambi. Tulinalyo leli kusabhobhauja bhatungi bhana nehema jaje. ⁸ Ghakelanga nehema jeje kibhanyingi kwaajili jetu kukekima ja bhumanye. ⁹ Kabhumba ghakelenga bhumanyike kumwetu bhulya mbhwene jijisike kumupangp, kutokana ne hanujidhililishwe kumipango jeke Kilisto. ¹⁰ Bhakati mwide bhwakwila kikamilifu kumipango ghanje kabumba aloka jibhika hamwi kila sintu silifamwighulu nesya hansi mukati mwake Kilisto. ¹¹ Ku Kilisto tukabhele twasaghulwa nokukusudia kabhula jakipindi. Jeji jikebhele nikutokana ne mpango ghwa alikwila jintu jyonse kwikusudio lya mapendekezo ghaje. ¹² Kabhumba ghakenga tetyo mukubha tukobhole kubhana mo kusifa ja bhutufu bhwaje tukabhele bha kwansa kubhano bhugasili mukati mwa Kilisto. ¹³ Jikabhele kunsila jeke Kilisto kubha mwahulikanga eghambo lya bhwene, injili ja bhusabhule bhwenyu kunsila jeke Kilisto. Akabhele kumwaje kumwi kubha mwaamini no kubhikwambuli no mwegho mulaya ghakahidi wanga. ¹⁴ Mwegho gho zamani ja bhuhyanyi bhwetu mpakabhumililikilo bhulokapatikana jeji jikabhele ni kusifa ja bhutufu bhwaje. ¹⁵ Kusabhabhujeji tangu bhwakati bhohonanke ulikanga kuhusu imani jenyu mukati mwa bhwange Jeesu no kuhusu bhunyomwebhwenyu kubhalya bhonse ambapo bhatengilwe kwaajili jaje. ¹⁶ Silekile mushukuru kubhumba kwejili jenyu no kubhatenda ho ndikupela. ¹⁷ Ndikusegha kubha kabhumba bhwana bhwetu Jeesu Kilisto, tata ghwa bhutukufu, alakubhaha mwegho bhwa hekima, bhughale bhwabhujahamu bhweje. ¹⁸ Ndikuomba kubha menso ghenyu ghamumwegho ghabhikwe silangasi kulimwe kumanya ni bhuhe bhujasili bhwakwitwa kwenyu ndikuomba kubhu mumanye bhunsi bhwabhwa bhutukufu bhwa bhuhyanyi bhwanje niongoni bhalya bhakatengwanga kwaji jakila mwaje. ¹⁹ Ndikuomba kubha umanye bhukukulu bhusumbe bhwa mamaghaghaje mukati mumwetu bhotulikuamini bhobhu bhukulu ni kutokana no bhukola milimo kumanagha ghaje. ²⁰ Ghagha ni managha ghakakola milimo mukati mwa Kilisto wakati kabhumba hogha mushulange kufuma mubhafu no kamwikashaje kumabhoko ghaje meene mahali ja mwighulu. ²¹ Ghakamwikashanga Kilisto mulughamba kule no bhutawala,nyamulaka, managha, enzi, ne kile simalyo lilikutendwa ghamwikaslyonga Jeesu tekubhwakati bhobhwene ila nokubhakati bhwisile kumwi. ²² Kabhumba gakafitisha fintu fyonse heyo ne maghulu gheke KIlisto. Ghamwila nyene mutwe mulighamba kusumba fintu fyonse mwipelelo. ²³ Nipelelo kubha ghomntumbaghwaje no bhutengeke bhwaje bhobhukobhumba jintu fyonse munsila shyaje.