¹ Hulikisye leli ghambo lyokutenda kati maombolezo kulughulu jenyu, nyumba ja Israeli. ² Bikira ghwa Israeli ghaghwa; teghabhuke kabhili; ghatoloka kunsii jaje kutuhu muntu wakumubhusya. ³ Bhofyabho teti bhofili Yahwe bhwakotenda: ''Lugho lufumile kunse jama elfu ghalosibha ighana, no bhakajanga hanse ighana bhalosibha ikumi bha nsabho jya nyumba jya Israeli.'' ⁴ Bhukobha teti bhofili Yahwe bhwakutenda kunyumba jya Israeli: ''Hensele no mlojikala! ⁵ Musimuhensi Betheli; wala kujingila Gilgali; musiji lwendo kuja Bersheba. Bhukobha Gilgali bhalakuja kubhusha bhene no Betheli tejilakubha sintu. ⁶ Muhese Yahwe mulojikale, au aloghaka kobhe mlilo kunyumba jya Yusufu. Bhuloteketesya, tekwabhe na mntu nansi ghumwi kughutipya ku Betheli. ⁷ Bhalya bhantu bhakohindula haki kubha ighambo ilili no kujighwisya haki hansi!'' ⁸ Kabhumba ghakajibhumba Pledezi no Orioni; ghahindula bhufuka kubha mulabho; kujila fula kubha giza no bhufuku no bhufuku kujita mansi gha tanganyika; nyene akoghaghone halughulu jya bhusya bhwa bhwelelo. Yahwe ghwe sina lyaje! ⁹ Nyene akojisa no bhubhihye bhwa ghafla halughulu jya bhalya bhali fisogha ili kubha bhubhihye bhwise halughulu jya bhusinge. ¹⁰ Bhakumughaja kila bhalya akobhaja ngula kwilango lya lugho nagho bhakomughaja nkana ghoghose akobhala bhwene. ¹¹ Kusabhabhu mukumulendagha hansi mupina no kutwala luhande lwa ngano kufuma kumwaje nansikubha mujubheke nyumva sya mabhwe ghabhasilwe, temwajikale kunyumba sesyo mabhala ghabhele mkunyomwe mabhala gha mizabibu, tukubha temwantwe malwa ghwaje. ¹² Bhukobha manyile bhomuli no bhubhi nkana no bhubhi bhwenyu bhobhusumbile - umwe mukubhabhonela balina haki, twale ruswa nekubhahindula mubhahensile kumusigho ghwalugho. ¹³ Kansi kila muntu alina masala alohumbula nakele kwikuka kobhe lelyo bhobhwabha ni kunka lya bhubhi. ¹⁴ Hense masogha temabhi, hakubha mupate kwikala. Tetyo Yahwe, Kabhumba ghwa majeshi, alobha na mwe, kobhe bhomukotenda ni nyenee. ¹⁵ Ghaje bhubhi, haghalike bhwene hausi gho ghwa lugho. Hasima Yahwe na Kabhumba ghwamajeshi, aloghabhika mahatwa ghake Yusufu. ¹⁶ Kansi tetili bhatili Yahwe bhwaketenda, Kabhumba ghana majeshi, Bhwana, ''Kulobhane mabhombalesyo na bhali bhaghune nekylile ne kubhombolesya. ¹⁷ Mumabhala ghonse gha mizabibu, kulobhane sililo bhonamba na hita hakati hali, ''Ghatenda Yahwe. ¹⁸ Syaulo jyenyu umwemulikutamani ifukulya Yahwe! Ni nasi bhomulikutamani? Silo kabha sikolo te langasi, ¹⁹ Kobhe kunka muntu lyekukilima nsimba ghusangana na duhu, ama ghajingila munyumba ghabhika kubhoko kwaje, kubha nde ne kutetwa na soka. ²⁰ Ifuku lya Yahwe silokabha sikolo telangasi? Bhuzuni te kunyomwa? ²¹ ''Koghaja ne kubhehula, sikulukulu jyenyu, koghaja matuko ghenyu ghe dini. ²² Ninga mulikutumisya sadaka jya kuhwa sadaka jya bhufu, syakasipokele, ninga ku sikunga, kusadaka sya hamwi sya manywele gha bhunone. ²³ Fumisye mumatwi sya nyimbo syenyu; sya hulikisye silongo sya nubisyenyu. ²⁴ Badala jyaje leke bhwene bhujele kobhe mansi, ne bhwene kobhe mukondo ghukujesya fuku syose. ²⁵ Mwandetela zabibu ne sadaka sya kuhwakwikukalya myaka makumi ane? ²⁶ Mulomubhusya sikuthi kobhe mwami ghwenyu, ne Kiuni, tangwa syenyu sya Kabhumba- jejyo jyomwakela kujili jyenyu mwenyene. ²⁷ Kasi ndomisamya lhande lwa bhubhililwa ma Daskasi, ''Ghatenda Yahwe, kabhumba ghwa majeshi.