¹ Kau barap,kio sibar tahadap kau daapm sikit kenaong kau,nang kio memang sibar tahadap kau. ² Sebab,kau moso cemburu tahadap kio,kau duoah menenang kan kio nyuklah persembahan kio sbagai perawan nge suci ka Kristus. ³ Namun,kau gook,neang_neang sama bo woar nge ngkae kalicikane nipiu Hawa,bonyuk gieak pikir kio akan dasot nti ketulusan nang kemurnian ngabdi daapm Kristus. ⁴ Sebab kuo sibar saat yuoakng takng nang yebar tentakng Yesus nge laekng,nge babeda bo nge kimai cetea,waktu kio nemeak roh nge babeda,nge pieetn kook kio temeak,atau injil laekng nge pieetn kook kio temeak. ⁵ Unoak kau,kio daaklah ireakng nti bono rasul nge owoar biasa nyuk. ⁶ Walaupun kau dak pinae daapm hal bakita,tapi dak bonyuk daapm hal joau nge tahauk kau,pade ingkae ba micapm cira,kimai duoah nunyuk e kakio daapm bono hal. ⁷ Atau,pekah kau nglakukan dosa saat merendahkan diri kau suoakng bieer kio dipat datingikkan pade kau meteakan injil Allah kakio dengan cumoa_cumoa?. ⁸ Kau ngrampok jemaat laekng nang nemeak puoah nti sideak ka nglayatn kio. ⁹ Nang saat kau basama kio nang melarat,kau dak membebani sikiukng pun pade bono madaik nge takng nti Akedonia minaoh kebutuhan kau.Nang daapm bono hal,kau nyiga diri kau kadak nyadai beban bagi kio nang kau akan tiraos nglakukan,ne. ¹⁰ Ngeduoah bope,kabunoar Kristus da daapm kau,kebanggqan kau tiuk dak akan dahalang dawilayahAkhaya. ¹¹ Pade pe?pekah pade kau dak ngiseah kio? Allah nge tahauk. ¹² Akan tetapi,kau akan tiroos muoah nope nge haroos kau woah bieer kau dipat ncegah kasumpotan nti sideak nge ngin nang kasumpotan tiuk da dipat sama bo kimai daapm hal nge sideak banggakan. ¹³ Sebab,yuoakng bo nyuk adalah rasul palsu,pekejea nge curang,nge nyimar nyadai rasul Kristus. ¹⁴ Hal tiuk dak muoah tampanyat pade Iblispun nyimar nyadai bo malaekat turokng. ¹⁵ Pade nyuk,daklah tampanyat bilea bono palayatne gieak nyimar bo bono palayatn nge bunor,nge kasodoah e bayiea nyuk akan satimpal nang pabuoat e suoakng. ¹⁶ Sakai agik,kau midah neang da sikiukng pun nge ingap kau tiuk naong. kalaupun bo nyuk,bateyeaklah kau bo yuoakng nge naong bieer kau gieak dipat sikit bangga. ¹⁷ Nope nge kau sobut daapm hal keyaketn nan akan kebanggaan tiuk,kau dak nyobut bo kamaok Tuhatn,melaekng kan daapm naong. ¹⁸ Binyak yuoakng babangga sacira dagikng jidai kau gieak akan bangga. ¹⁹ Seb,kau bonyuk bijaksana nyuuh kau nang sunong tai kuo ba sideak bar tahadap yuokng naong! ²⁰ Kio basibar,bilea da yuoakng nge mempehamba kan kio,nootn kio,maap kanuntukng nti kio ningikkan die,atau nimpar muhu kio. ²¹ Nang sor mau kau haros ngomong bahwa kimai talalu omoh ka hal tiuk,tapi nopegieak nge yuoakng laekng bonai ka berbangga,kau ngomong bo yuoakng naong kau gieak bonai. ²² Peh baayea yuoakng Ibrani?Kau gieak. Pekah baayea yuoakng Irael?Kau gieak. Pekah baayea katuutn Abraham?Kau gieak. ²³ Pekah baayea nglayan Kristus?Kau obih agik,kau ngomong bo yuoakng gilea.Jerih piyah kau obih binyak,obih gaak daapm panjira,kunoak dapuk dak dipat da tiukng,nang obih puoas da daapm bahaya maot. ²⁴ Nti yuoakng yahudi,sabinyak ameek kai kau duoah nemeek umpot puuh kireakng sitik cambuka. ²⁵ Tigea kai kau dapuk ingkae wii,sakai kau datikeapm ingkae bitau,tigea kai kau da dakipal kara,samaapm nang sarai kau daseret gomoakng da aout. ²⁶ Binyak kai daapm pajaatn kau,kau tarancam bahaya nti singi,nti bono parampok,pihak yuoakng Yahudi,nang yuoakng kuoatn Yahudi.Kaudaancapm bahaya nti kota,nti padakng blantara,da,aot,nang bahaya gieak nti bono madaik palsu. ²⁷ Kau duoah bajerih piyah nang bakejea burot,toop ta jiga,nihan kapar,nang haos,puoas dak da pamakan,daapm coop,dak ba mpakae. ²⁸ Nang salaekng hal tiuk,da gieak masalah sarai_rai nge nadai tingaukng jawab kau kamelihara atas samuhu jemaat. ²⁹ Sipe nge kupok,tapi kau dak kupok,sipe nge jitauk,tapi kau daksuoah. ³⁰ Bilea kau haros babangga,kau akan babangga atas hal nge nunyukan kaomoh kau. ³¹ Allah nang Bapa Tuhatn Yesus,nge haros da puji salama_lamae,tahauk bahwa kau dak ngamuoak. ³² Da Daaskus,gubernur da booh eja Aretas ngawas kota. Daaskus ka ningap kau. ³³ Tapi kau datuutnkan daapm sigik kenyakng nti sitik jendela da tembok,bieer kau taopos nti jaie.