¹ Dari Paulus, yakng menyadi rasul bukant kareno mensioa atau ngelalu mensioa, melaint ngelalu Kristus Yesus dant Allah Bapa yakng nguas ioa dari antaroa urakng mati. ² Dari semuoa empaloa seiman yang beroto beroyoh dengant aku, untok jemaat-jemaat di Galatia. ³ Anugroh dan damai sejahtro untok kitoa semuoa dari Allah Bapa kitoa dan Tuhan Yesus Kristus, ⁴ yakng udoh morik dirik ah bagi doso-doso kitoa untok nyelamat kitoa dari dari zaman yakng jahat bituk sesuai dengant kengonak Allah dan bapa kitoa. ⁵ untok ioalah kemulioa untok selamo-lamoa ah, Amin. ⁶ Aku herant, komi penyepat yok ikau nudi ioa, yakng nimpai ikau ngelalu anugroh Kristus, dant bebalik kepadoa injil yakng lain. ⁷ Padahal, budas injil yakng lain. Tapi, adoa berapai urakng yakng udoh ngacau ikau dant onak menyoloh injil Kristus. ⁸ Bahkant, kalau kami atau sikuk malaikat dari surgo modoh kepadoa ikau injil yakng belawant dengan apai yakng udoh kami podoh kepadoa ikau, tekutuk lah ikau! ⁹ Uboa yakng udoh kami podoh seopant ah dan bituk aku podoh lagi, jikoa adoa urakng yakng modoh kepadoa kau injil yakng belawant dengan apai yakng udoh ikau terimok, ugek am ioa tekutuk. ¹⁰ Apai kah bituk ikau lagik ngogok pahamp dari mensioa atau pahamp Allah! Atau, apaikah aku lagi nyenang mensioa ? Sekiroa ah aku lagik onak ncuboa nyenang mensioa, aku bukant am hamba Kristus. ¹¹ Mpalo-menyadik, aku onak ikint panai bahwoa injil yakng udoh ku berito bukant lah injil puloh mensioa. ¹² Aku abont nerimok ah dari mensioa, atau aku belajar ah dari mensioa, tapi aku nerimok ah ngelalu pemodoh dari Kristus Yesus. ¹³ Sobab ikau udoh ningoa tentakng caroa idup aku yakng lamoh dari agamoa Yahudi, aku nyikso jemaat Allah dengant kejamp dant berusahoa untok ngancur ah. ¹⁴ Aku amat anal dalamp agamoa Yahudi, jauh lobih maju di banding dengan urakng-urakng sebayoa di antaroa bangsoaku. Aku amat rajin dalamp miliharoa adat istiadat inik umuhku. ¹⁵ Tapi, ketikoa Allah, yakng udoh misoh aku dari dalamp kandung umok ku dant udoh nimpai aku ngelalu anugroh ah, bekogonak ¹⁶ modoh anak ah dalamp aku supayoa aku dapat modoh ioa di antaroa urakng-urakng bukant Yahudi, aku abon langsong mintok nasihat dari sapai punt. ¹⁷ Aku gamp abon angkat ke kotoa yerusalem untok bedapat dengan sidok yakng udoh menjadi rasul seopant aku, yakng adoa aku angkat ke wilayoh Arab dant pulang lagik ke kotoa Damaskus. ¹⁸ Tigoa tahunt yakng akant datang, aku angkat ke kotoa Yerusalem untok bekonal dengan Kefas dan diamp dengan ah selamoa limok bolash ari. ¹⁹ Akant tapi, aku abon mantau sikuk punt dari rasul-rasul lain, kecuali Yakobus, empaloa Tuhant. ²⁰ Aku ngeyakent ikau di depan Allah bahwoa apai yakng aku tulih kepadoa ikau tuk bukant dustoa. ²¹ Seabih yok, aku angkat ke wilayoh Siria dan kilikia. ²² Aku opant di konal secaroa pribadi lagoa jemaat-jemaat dalamp Kristus yakng adoa di wilayoh Yudea. ²³ Sidok hanyo rapat ningoa, "ioa, yakng sari nyiksoa kitoa, bituk modoh iman yakng sari ioa udoh cuboa rusak." ²⁴ sidok memulio Allah karenoa aku.