¹ Setiap uwaongk yaongk pecayok bahwo Yesus adolah Kristus, lahe dayi Allah; dant setiao uwaongk yaongk mengasihi Iyo yaongk melahekan, mengasihi gam iyo yaongk lahe dayi padoNya. ² Itukglah tandonya, bahwo kito mengasihi anak-anak Allah, yaitu apibilo kito mengasihi Allah serto melakukan peyintoh-peyintohNya. ³ *Sebab itukglah kasih kepado Allah, yaitu, bahwo kito menuoti peyintoh-peyintohNya. Peyintoh-peyintohNya iyok abon boat. ⁴ Sebab semuo yaongk lahe dayi Allah, mengalohkan dunio. Dant itukglah kemonangan yaongk mengalohkan dunio: iman kito. ⁵ Sapaikah yaongk mengalohkan dunio, selaent dayi pado iyo yaongk pecayok, bahwo Yesus adolah Anak Allah? ⁶ Itukglah Iyo yaongk udoh datangk dengan ayai dant daoh, yaitu Yesus Kristus, bukant gono dengan ayai, tetapi dengan ayai dant daoh. Dant Rohlah yaongk moikg kesaksian, keyeno Roh adolah kebonaran. ⁷ Sebab ado tigo yaongk moikg kesaksian [di dalamp syugo: Bapa, Firman dant Roh Kudus; dant ketigonya adolah sutik. ⁸ Dant ado tigo yaongk moikg kesaksian dibumi] : Roh dant ayai dant daoh dant ketigonya adolah sutik ⁹ Kito meneyimok kesaksian mensio, tetapi kesaksiam Allah lebeh kiat. Sebab demikianlah kesaksian yaongk diboikkan Allah tentang AnakNya. ¹⁰ Baongksapai pecayok kepado Anak Allah, iyo ado kesaksian iyok di dalamp deyik iyo; baongksapai abon pecayok kepado Allah. iyo muloh deyik iyo menjadi pendusto, keyeno iyo abon pecayok akan kesaksian yaongk diboikkan Allah tentang AnakNya. ¹¹ * Dant ituklah kesaksian iyok: Allah udoh mengaruniokan idup kekal kepado kito dant idup iyok ado di dalam AnakNya ¹² Baongksapai ado Anak, iyo ado idup; baongksapai abon ado Anak, iyo bonsik ado idup. ¹³ Semuonya iyok kutulihkan kepado ikau, supayo ikaubyaongk pecayok kepado namo Anak Allah, panai, bahwo ikau ado idup yaongk kokal. ¹⁴ Dant ituklah kebeyanian pecayok kito kepadoNya, yaitu bahwo Iyo mengabolkan doo kito, jikalau kito memintok sesuatu kepadoNya menuot kehendakNya ¹⁵ Dant jikalau kito panai, bahwo Iyo mengabolkan apai gono yaongk kito mintok, mako kito jugo panai, bahwo kito udoh bulih segalo sesuatu yaongk udoh kito minto kepadoNya. ¹⁶ Kalau ado seuwaongk mantau empalo iyo muloh doso, yaitu doso yaongk abon mendatangkan maot, hendaklah iyo bedoo kepado Allah dant Iyo akan moikg idup kepado iyo, yaitu sidok, yaongk bebuat doso yaongk abon mendatangkan maot. Ado doso yaongk mendatangkan maot: tentang iyok abon kupodoh, bahwo iyo haus bedoo. ¹⁷ Semuo kejahatan adolah doso, tetapi ado doso yaongk abon mendatangkan maot. ¹⁸ Kito panai, bahwo setiap uwaongk yaongk lahe dayi Allah, abont bebuat doso; tetapi Iyo yaongk lahe dayi Allah melindunginya, dant si jahat abont panai menjamahnya. ¹⁹ Kito panai, bahwo kito beyasal dayi Allah dant seluuh dunio beyado di baboh kuaso si jahat. ²⁰ Akan tetapi kito panai, bahwo Anak Allah udoh datangk dant udoh mengaruniokan pengertian kepado kito, supayo kito mengonal yaongk konok; dant kito ado di dalamp yaongk Konok, di dalamp AnakNya Yesus Kristus. Iyo adolah Allah yaongk amat dant idup yaongk kokal. ²¹ Anak-anakku, waspadolan teyadap behalo.