¹ Perumpaan Domba yang Lanyap non tau yang mengumpulkan pajak Dan tau yang berdosa datang mandi Yesus untuk mandalinga ai yang Yesus loloa' ² tapi kon tau Farisi Dana ahli Taurat majari," Ia inyen bakawan Dana tau yang bea maam bahkan ira tuu kaan sama sama Ira." ³ Mamin tuen Yesus loloa' perumpaan tuen mandi ira, loloa' Na, ⁴ "ine diantara ken tuu kalau jien 100 engko' Domba, dan lanyap saingko' pasti itantang yang 99 eng ko' tuen tuu pa kabun nen ? pasti ia mancari yang tantang tuen tuu sampai idua ang ? ⁵ dan magendong na pa baba' na dana ate yang asa sau karna yang lanyap dena' dah iduang. ⁶ Waktu ira dah datang pa Langko en, is pasti mansanang mandi kon kawan kawan na dan kon tetangga na," asa sau iki' sakala karna Domba ku' yang lanyap amin na I dua ang.' ⁷ I yak loloa mandi ken maken tuu na pa Saruga en jien Asa sau kalau jien yang sera tau yang berdosa dan Batobat dari pada 99 tau yang bea kae' Sadat dan batobat. Perumpaan Duit Perak yang Lanyap ⁸ atau Buine pai yang jien sapulo' keping duit Perak. jika lanyap Sera bea itakap ole' na, pasti iala na palita dan manyapunlangko na, dan mancari yang lanyap tuu sampai idua ang? ⁹ Dan, bila dah idua ang duit tuu ia pasti manajo kon kawan kawan na dan kon tetangga na dan loloa' mandi ira," asa sau Kik sakala dana ku' karna I yak dah mandua ang duit ku' yang lanyap.' ¹⁰ I yak loloa' mandi ken maken tuen lah pa Saruga en asa sau kon Malaikat Sampulo mandalinga jien yang Sera talino yang batobat." Perumpaan Dua Anak Burane Anak yang mudien matantang langko na dan Ama na ¹¹ mamin tuen Yesus pun long loloa' jien Sera tau anak ka dua burane dua dua na. ¹² Anak yang mundi en long loloa,' Ama, bare mandi ku, ai yang jadi warisan Ku.' long ama na pun mamare kon Harta na mandi ira dua anak ka tuen. ¹³ Bea malaun amin ibagi kon Harta bagian na anak burane yang mudien long lamba' manamue mandi Banua laen yang dao' ia pun idup poya poya pa banu tau sasuka ate na. ¹⁴ bea melaun ia tu idup poya poya long awis kon duit na, pa banue tauen tuu jien musibah marapar, ia pun dah abo persediaan na. ¹⁵ Ia tuu long tangkat dan kareja pa kampungen tau, ia da suro' mandi uma en mamare kaan kon bawi. ¹⁶ ia dah marapar sakali kae' kaan bua' Karob yang dikaan ole' bawi tapi abo' tau yang mamare' mandi ia tuu. Anak na yang kaminan mole' mandi ama na ¹⁷ Ketika anak yang kaminan tuen sadar, long loloa,' ambat tau yang kareja pa ama' ku' kon bo'ok ambat, tapi iyak injiang kae' mate marapar. ¹⁸ Iyak harus sading dan mole' mandi ama' ku'. iyak loloa' mandi ia : Ama' iyak dah berdosa mandi Sarugaen dan sala' mandi Ama'. ¹⁹ Iyak bea na pantas da aku' anak nu, biarlah iyak bakuli sama seperti yang laen nen.' ²⁰ Ia pun lansung kadeng dan lamba' mandi ama na. tapi ama na dari dao manyalik anak ka tuu langsung ate na kamasekan nan, ama na langsung marari mandakap dan mayium dia. ²¹ long anak ka loloa' mandi ama na,' Ama, iyak dah berdosa mandi saruga dan mandi nuu. iyak bea pantas disebut anak nu.' ²² Tapi, Ama na loloa' mandi kon ulun,' mariar! awalah mandi nii Jubah yang paling maam pakaikan mandi ia, pakaikan boom cincin pa jari tangan na dan sandal pa kaki na. ²³ awa lah mandi nii anak Sapi yang paling malamak dan manyageok biar ikik kaan dan asa sau, ²⁴ karna anak ku' dah mate, tapi dupan lagi, ia yang dah amin lanyap, tapi sekarang i dah iduang!" ira pun asa sau sakala anak yang toa en majari mandi ama na. ²⁵ Samangen tuu, anak ka yang toa en sedang pa umaen, waktu ia kaek datang pa langkoen, ia mandalinga musik dana tari - tarian. ²⁶ Ia, manajo ulun na dan batanya buai yang terjadi. ²⁷ ulun na loloa ari nu dah molek na, dan manyageok sapi yang malamak ken, karna ari nu dah mole dengan salamat.' ²⁸ Tapi, anak yang toa en bea kaek tama' mandi langkoen ama na pun karuar pa soksoi dia. ²⁹ tapi, ia loloa' mandi ama na,' bertaon taon iyak kareja pa langkoen bea yak kala' manyageok serapun inatang supaya yak pesta dan asa sau dan kon kawan kawan ku' ³⁰ Tapi, ari ku baru mole' pada hal ia tuu dah mawissang kon harta dana buine yang peet kalena, ama langsung manyageok sapi yang malamak ken. ³¹ Long ama' na manyauti dia, anak kui' ingko salama nii bea kala' dao dari ku' sabanarnya buai yang palankeon kon harta bonu boom. ³² saso nien ikik berpesta dan asa sau karna ari nu' dah mate dupan lagi, dah malaun manamoe kira malingo tapi mole' lagi mandi langkoen."