¹ Samanga tuen kon muriten maken ntamba ambat.long timbun asi bok dakamumutang lena tau Helenis mandi ira Ibrani aslien. ulena kon baluna ira bea ibare bok ikaan na ansak asoen. ² kon Rasul manajo muridta long loloak mandi ira; "bea maam mandikam pasua kareja nam malambak ang Dongo Kunyanyik ule' na manawak manawak bok ikaan. ³ na tuen kon insama iken itajo lenam ala mailek tau tujuh teen {yang) totong maam dana dapano'i Sampeayu dana hikmat { patauang }, ira na isuro' en mangare ja bo' en tu' u. ⁴ na ikam long pande totong-totong maopatang dana mandalanang Dongo Kunyanyik. ⁵ Bo' da ansanang ira tu manyuro' sasau nyawa tau ambat. long ira maile' pa Stephanus ten panok Sampeayu dana iman Dan Filipus, ⁶ Prokorus, Nikanor, Timon, Parmenas dana Nikanor tau Proselit dai Antiokhia. Ira tuju en tu u iawa mandi kon Rasul en. long iopatang dana pabalangang tangan di bo ulu na ira tuju en. ⁷ Dongo Kunyanyik maken dao' tadongo, maken bom uluanan (umat) sang (makin) ambat. labi dai tu jien kon Imam maolak mandi iman tu en. ⁸ Long, Stephanus panok' kamayangan (anugerah) dana pangule' Kunyanyik. Amin mamola bo' panyuru dana beok-beok ajaib pa tau ambaten. ⁹ long jien tau dai Sinagoge (langko doa) ten dansan tau Libertin, tau Kirene dan tau Alexandria dai kilikia dan Asia kadeng long si padu dana i Stephanus. ¹⁰ Kapimo' ira bea mangule' manaloang kapandean na i Stephanus loloa' ulek na dasarung Sampeayu. ¹¹ ira munying-munying maajo'-ajo' tau laen loloak maken: "ikam mandalinga tauen ni i maobo'-obo' pa Musa dan Kunyanyik." ¹² Ira manyuro' tau ambat dan tau baka, kon Ahli-Ahli Taurat mandatangi long maningkam i Stephanus long mawa paddia mandi Sanhedrin. ¹³ mawa saksi-saksi pamujuk ten loloa' : "tauen ni i bea barenti maobo'-obo-n langko doa en ni i dan Hukum Taurat. ¹⁴ amin bom mandalinga ia tu u mansanang : "Yesus dai Nasreth kae' marurunang pada en ni i dan manyule' adat istiadat ten dabare Musa pa diki'". ¹⁵ ira manyali' lindo' na Stephanus, tau ten duduk pa Sanhedrin manginta loindo' naa tungan lindo' Malaikat.