¹ Samanga Petrus dana Yohanes loloa' mandi tau ambaten, dalamba'i lena ira Imam ulu panjaga Bait Allah dan tau Saduki. ² Sambil ebok karena ira maajar tau ambat mansanang lalam Yesus jien kebangkitan dai tau mateen. ³ ira maningkam Petrus dana Yohanes datamaang madi lalam Panjaraen sampai mainak karena aso dah malam. ⁴ Amin mandalinga loloa'na Para Rasul ambat ira yang pacaya'en ambatta buraneen jien lima ribu. ⁵ Mimbar asoen para Pemimpim kon Tau Baka dana ahli Taurat sikapulung pa Yerusalem. ⁶ Sama-sama dana Imam besar Hanas dana Kayafas, Yohanes, Aleksander dan samua keluarga na keluarga na Imam Besar. ⁷ Ira manudukang Petrus dana Yohanes pa tanga'-tanga'na, ira matoanang dana ansan dan kuasa inye ken mamola bookinien ? ⁸ Petrus da panoi Sampe ayu loloa' mandi ira para pemimpin bangsa dan kon tau baka. ⁹ Amin nakam mamola book maam ndi tauen ni, Sasoeni iken kaek mampakarakan ndikam kaungka caranya tauen ni bisa sambuh ? ¹⁰ Maamlah ngatoang ken samua lena ansan na Yesus Kristus tau Nazaraet, yang i salib kon nen lenin, yang amin dabangkitkan lena Sampulo de tau mateen, mamma parasa na tau neni yang kadeng padapan nen. ¹¹ Batu yang beaen ken kae' tukang mamola langko, dari panduru." maz 118:22 ¹² Dan abo' ansan laen ijuaunga suanen ibareang ndi tilinoen yang manyuro" ndi ki" salamat. ¹³ Waktu ira manginta Petrus dana Yohanes barani dan mangatauang bahwa ira dua tu, tau biasa yang bea sakolah tinggi, ira heran dan mangilala, ira duaen tu kalak dana Yesus. ¹⁴ Amina ira manyalik tau yang isambuh "angen tuu kadeng pa biringa Petrus dana Yohanes ira bea bisa manyengka asi. ¹⁵ Amina ira tuu manyuro' Petrus dana Yohanes manantang Sahedrin, ira silola'an sama ira, ¹⁶ I aiang leta' ira ni duanen ? jien beo' maam da awa ira ndi kon tau pa Yerusalem, bea ki' ngule' manyengka indi irra. ¹⁷ Supaya dongoen nii bea dakatauang tau ambat , ikik ancam ira supaya bea loloa' ndi kon tau en lalam ansan na tuu. ¹⁸ Amin tuen ira manajo Petrus dan Yohanes long manyuro' ndi duaen bea loloa' mansanang aipun lalam ansan na Yesus. ²¹ Long, samanga ira ma ngacam lulu' pa Petrus dana Yohanes kon Rasulen tuu da pasua lamba' amina ira bea mandua ang dalam maukum pa ira duaen ule' na tau ambat mamudi Kunanyi lena bo' amina dari. ²² Maken na yang tau amin sambuhen tuu, mamin baumur lebih dai empat pulo' taun. ²³ Mamin dalapasang, Petrus dan Yohanes lamba ndi ira kon kawanna dan barerean mansanang buai yang da ansanen lena imam kepala dan kon taubaka mandhi ira. ²⁴ waktunatuen kawan-kawanna mandalinga, mangangkalong ndi Sampulo dan ate mam long loloa, " oo SAMPULO, Iko yang manu suannen, Tana' Laut dan suanga, ²⁵ yang loloa malaloi SAMPIAYU, dai babana ulunnu, DAUD, ira apu andu apu anenam : Buai kon Bangsa laenen marimba-rimba, dan kon tau manyanyalik boang. ²⁶ Kon Raja-Raja, dan panguasa sikapulung, malawan SAMPULO dan malawan Padia yang diurapi.' Mzm. 2:1-2 ²⁷ sebab, Ira pa kotaenni mamin sikapulung untuk malawan pa Yesus, UlunNu SAMPIAYU, yang Iko Urapi, mam'tu HERODES dan PILATUS, danna Bangsa laenen dan kon tau Israel, kae mamola kon bo' yang ²⁸ lena rencana dan tanganNu mamin ipolaen Linu. ²⁹ Sokiteen, Sampulo, Saiklan ancaman-ancamanna ira dan ibarekam ulun-ulunNu untuk barani mansanang Firman-Nu. ³⁰ WaktuNu maurol Tangan-Nu mamolei beo dan keajaiban-keajaiban yang darien lena Ulun-Nu Sampiayu, "Yesus". ³¹ Mamin mamapatang, kakarlah padana ira sikapulungen dan ira samuana dapanoi Sampiayu, dengan barani ira mansanang lulu Firman Allah/SAMPULO. ³² Dana rombongan na ira yang pacaya' en sera ate dan sumangat. bea sera pun loloa' bo' na ira ampuna na kakaleen, tapi samua bo' ampuna na ira samasama. ³³ Kon Rasulen mambae kasaksian na ira lam kuasa ra tetang Sampulo Yesus yang dupan lagi en dan anugrah ra mandi ira sakala. ³⁴ Bea sera pun ira yang kakurangan nen, ule' na ira ma me et langko uma , kon bo' na ira, raga na iawa, ³⁵ pa kaki na kon Rasul en ala itawa' tawa kena bo' da pakaien lena ira. ³⁶ Ki tu u bom Yusuf dai Lewi, kanturun Siprus yg da tajo lena kon Rasul, Barnabas , retina anak kasinyawa. ³⁷ et uma na dan pa balang duit ragana tu na pa kaki na kon Rasul