¹ Maji komokng, balo ba'k imam bupulua ngan balo nyo mutuh, dan balo ahli Taurat, busama sumua Sanhedrin. Dan, balo nyo ngisiat Yesus, matn-Diapm obu, dan nyilu'k-Diapm kanu Pilatus. ² Lalu, Pilatus misia'k kanu-Diapm, ''Omatn Koh Mu'k Haja nyo Yahudi?'' Dan, Diapm nyawab, ''Mu'k di'k nyono'k-o.'' ³ Mosi'k so'k han, balo ba'k imam nuduh Yesus nonuh. ⁴ Dan, Pilatus misia'k kanu-Diapm, ''ngoniah mu'k kai nyawab? Honong, jeh obia tuduhan balo nyoi nya'k lawatn-Mu'k.'' ⁵ Akan tapi, Yesus kai agi'k nyawab sehingga Pilatus nyahuah. Yesus dan Barabas ⁶ Libo Onu Raya Paskah, Pilatus biasa mebas bagi balo nyo, nyo tahanan di'k balo nyo mito'k. ⁷ Dan, biatn nyo pu'k odatn barabas jeh ni nahatn busama balo pemberontak di'k kome'k no'k subuah pemberontakan. ⁸ Nyo obia moni'k dan mulai mito'k kanu Pilatus nya'k hija mah kebiasaan di'k diapm hija bagi balo nyo han. ⁹ Dan, Pilatus nyawab balo nyo ngan nyono'k, ''Omatnkoh mu'k lua ngado'k ku'k lopaskan nya'k mu'k Haja nyo Yahudi tia?' ¹⁰ Sobab, diapm tau'k bahwa balo ba'k imam jeh nyilu'k Yesus karna be'k owa. ¹¹ Akan tapi, balo bak imam malah ngado'k balo nyo obia agar mito'k Pilatus lopas Barabas. ¹² Lalu, Pilatus nyono'k agi'k kanu balo nyo, ''Jodi, oniah di'k harus ku'k hija ngan Nyo di'k mu'k nyono'k Haja nyo Yahudi tia?'' ¹³ Dan, balo nyo makas-makas agi'k, ''Nyalibkan Diapm!'' ¹⁴ Kumudian, Pilatus nyono' kanu balo nyo,'' Ngoniah? Punosat oniah di'k jeh Diapm hija?'' Namun, balo nyo makas-makas makin daeh agi'k, ''Nyalibkan Diapm!'' ¹⁵ Karna lua muaskan oti nyo obia, Pilatus lopas Barabas nya'k balo nyo, dan mosi'k so'k nyambu'k Yesus, diapm nyilu'k nya'k su nyalip. Yesus Ningolo'k dan Ninyiksa ¹⁶ Dan, balo prajurit matn Yesus tamo'k kanu istana, yaitu homing pungadel, dan balo nyo pau sumua pasukan bupulua. ¹⁷ Lalu, balo nyo ngado'k Yesus nginya'k bojuh(jubah) ungu, dan mosi'k so'k jomiat subuah mahkota buhojo'k, balo nyo ninginya'k kanu Yesus. ¹⁸ Kemudian, balo nyo mulai nyono'k salam kanu-Diapm, ''Salam, Haja nyo Yahudi!'' ¹⁹ Dan, balo nyo napar ba'k-Diapm nya'k tonia'k dan hucuh-Diapm, lalu tuno'k nyembah-Diapm. ²⁰ Mosi'k so'k balo nyo ngolo'k Yesus, balo nyo nguliah jubah ungu so'k Yesus , dan nginya'k bujuh-Diapm todiap. Lalu, balo nyo matn Yesus kuluar nya'k nyalibkan-Diapm. Penyaliban Yesus ²¹ Dan, balo nyo maksa nyo di'k sedakng lalu, Simon nyo Kirene, di'k sedakng moni'k so'k opik, pa'k so'k Aleksander dan Rufus, nya'k matn salib-Diapm. ²² Lalu, balo nyo matn Yesus kanu ahokng bunama Golgota, di'k pu'k arti ''Ahokng Tengkorak''. ²³ Balo nyo nyilu'k-Diapm anggur bucampur mur, tapi Diapm kai nimonu. ²⁴ Kemudian, balo nyo nyalibkan Diapm dan nimagi-magi bojuh-Diapm kanu sumua nyo, samel ningundi nya'k miliah osiah di;k buliah. ²⁵ Dan, saat han jam tohuah libo balo nyo nyalibkan-Diapm. ²⁶ Dan, ninulis tentakng tuduhan kanu Yesus, ''Haja Nyo Yahudi.'' ²⁷ Lalu, balo nyo nyalibkan du kunan nyo punoku busama ngan-Diapm, nyo no'k supia'k touh-Diapm dan nyo nyo no'k supia'k kamiat-Diapm. ²⁸ Jodi, nigenaplah Kitab Suci di'k nyono'k, ''Dan, Diapm nihitokng no'k antara balo nyo durhaka.'' ²⁹ Kemudian, balo nyo di'k lalu ngolo'k Yesus samel ningeleng ba'k balo nyo dan nyono'k, ''Hai! Mu'k di'k akan huhuah Bait Bai Punopo'k dan nimoki agi'k wah tohuah onu, ³⁰ selamtkanlah wua-Mu'k todiap dan mono'klah so'k salib!'' ³¹ Mahan gi'k i balo ba'k imam, busama ngan ahli Taurat, ngolo'k Yesus ngan nyono'k nyi'k ngan di'k laikng, ''Diapm nyelamatkan nyo laikng, tapi Diapm kai dopit nyelamatkan wua-Diapm todiap! ³² Adunglah Mesias, Sang Haja Israel, tia mono'k so'k salib supaya yah dopit honong dan pucaya'k.'' Balo nyo di'k ninyalibkan busama ngan Yesus ngaje'k nyono'k Diapm. Pukobe'k Yesus ³³ Libo saat jam kuinim, jodi piti'k no'k sumua poyo'k han sapai kanu jam kusimilatn. ³⁴ Libo jam ku-9, Yesus nyono'k ngan caho daeh, di'k pu'k arti ''Bai Punopo'k-Ku'k, Bai Punopo'k-Ku'k, ngoniah Mu'k togatkan Ku'k?'' ³⁵ Dan, mosi'k so'k ngopikng diapm, obia nyo tokit no'k soma'k-Diapm nyono'k, ''Honong! Diapm pau Elia.'' ³⁶ Lalu, nyo sukoduh, dan ngisi'k sabuat nya'k anggur mosipm, dan ningono'k no'k subuah tonia'k, dan ninyilu'k kanu Yesus nya'k siniap, samel nyono'k, ''Adunglah yah honong apakah Elia akan moni'k nya'k tono'k Diapm.'' ³⁷ Kemudian, Yesus nyono'k ngan caho daeh dan kobe'k. ³⁸ Saat han, Tirai Bait Bai Punopo'k kujat jodi du, so'k somu kanu sigatn. Dan, ba'k pasukan, di'k tokit ngadap Yesus, honong makiah Yesus ngembus pungasia kumisikng-Diapm, diapm nyono'k, ''Omatn nyo tia adalah Na'k Bai Punopo'k!'' ⁴⁰ No'k nyih biatn balo dayua di'k honong so'k oju'k, no'k antara balo nyo adalah Maria Magdalena, dan Maria ma'k Yakobus Muda dan Yoses, ngan Salome. ⁴¹ Libo Yesus biatn no'k ahokng Galilea, balo nyo ngaje'k Diapm dan nilayatn Diapm. Dan, no'k nyih biatn dayua di'k laikng di'k moni'k busama Yesus kanu Yerusalem. Pungubur Yesus ⁴² Libo onu jeh ngohipm, karna onu han adalah Onu Punyiap, yaitu onu sebelum onu Sabat, ⁴³ Yusuf nyo Arimatea moni'k, nyo anggota Majelis Daeh di'k nihormat, di'k diapm tungu'k-tungu'k pumoni'k kerajaan Bai Punopo'k, ngado'k bahani dan obu kanu Pilatus dan mito'k wua Yesus. ⁴⁴ Pilatus pojiat ngopikng bahwa Yesus jeh kobe'k. Diapm pau kupala'k pasukan dan misia'k kangu,ngi, omatn koh Yesus jeh kobe'k. ⁴⁵ Libo Pilatus tau'k so'k ba'k pasukan, diapm nyilu'k mayat han kanu Yusuf. ⁴⁶ Dan, Yusuf mihih kaing linen dan tono'k mayat Yesus, setelah nimoluat-Diapm wah kaing lenan han, diapm membaringkan-Diapm no'k wah kubur di'k ni nguciah no'k dohi'k botuh. Dan, diapm ngulikng subuah botuh kanu mitn tamo'k kubur. ⁴⁷ Maria Magdalena dan Maria ma'k Yoses honokng ahokng mayat Yesus niguhikng.