¹ Lalu, Yesus mulai nyono'k kanu balo nyo wah balo purumpamaan. ''Odiah nyo di'k buusaha kubotn angur. Diapm mangun pigo ngado'k kulilikng, dan nguciah subuah huba nya'k ngapiat angur, dan mangun subuah menara pungawas. Kumudian, diapm nyewakan kanu kuli-kuli kobutn dan obu kanu negri nyo. ² Libo musipm panen, diapm ngirim nyo pulayatn kanu para kuli kobutn han nya'k himo'k so'k balo nyo hasil kobutn angurnya. ³ Akan tapi, balo nyo dokiap pulayatn han, dan nimokua, lalu ngado'k obu ngan tongan hampa. ⁴ Karna han, diapm ngirim agi'k pulayatn laikng kanu balo nyo, dan balo nyo mokua ba'k a, dan ni ngado'k ngan cara di'k mongin. ⁵ Lalu, diapm ngiripm pulayatn laikng dan balonyo kome'k e. Hal tia jodi kanu obia di'k laikng, subagian ni mokua, dan subagian nikome'k. ⁶ Pumilik kobutn han agi'k pu'k nyi'k agi'k, yaitu na'k di'k ningaseh. Kumisikng, diapm ngiripm na'k a hankanu balo nyo dan nyono'k, 'Balo nyo akan ngormati na'k ku'k.' ⁷ Akan tapi, para kuli kubotn han nyono'k nyi'k ngan di'k laikng, 'Tia adalah puwaris'i. Boh, yah kome'k diapm dan warisan akan jodi pu'k yah.' ⁸ Lalu, balo nyo dokiap, dan kome'k e, lalu ni nyampa'k kanu kuluar kobutn angur. ⁹ Oniah di'k akan ni hijakan di'k pu'kkubotn angur han? Diapm akan moni'k dan kome'k balo kuli han dan nyilu'k kubotn angur dipam kanu di'k laikng. ¹⁰ Guatn suahkoh mu'k maca ayat KItab Suci tia: 'Botuh di'k ni motatn oleh tukakng, jeh jodi botuh punyuru. ¹¹ Tialah nimuat Punopo'k, dan nimuat tia ajaib no'k motih yah'?'' ¹² Kumudian, balo nyo buusaha nya'k dokiap a, tapi balo nyo gola'k kanu nyo obia karna balo nyo tau'k bahwa Yesus nyono'k purumpamaan han nya'k balo nyo. Lalu, balo nyo togatn Yesus dan obu. Tentakng Mayar Pajak ¹³ Kemudian, balo nyo ngado'k moni'k kanu Yesus balo nyo Farisi dan balo nyo Herodian nya'k nyebak Diapm ngan pukataan-Diapm todiap. ¹⁴ Balo nyo moni'k dan nyono'k kanu Yesus, ''Guru, mi'k tau'k bahwa Mu'k odu'k dan kai puduli ngan owa nyo laikng. Sobab, Mu'k kaihonong punampilan nyo tapi ngajarkan johatn Bai Punopo'k di'k susuai ngan di'k odu'k. omatn koh mayar pajak kanu kaisar atau kai?'' ¹⁵ Haruskoh mi'k mayar atau haruskoh mi'k kai mayar? Akan tapi Yesus, jeh tau'k oti balo nyo, Diapm nyono'k kanu balo nyo,''Ngoniah mu'k cobai Ku'k? Matn kanu-Ku'k 1 Dinar dan aduknglah Ku'k honongngi.'' ¹⁶ Lalu, balo nyo matn, dan Yesus nyono'k kanu balo nyo, ''Gamar dan tulisan osiah tia?'' Balo nyo nyawab-Diapm, ''Gamar dan tulisan kaisar.'' ¹⁷ Kumudian, Yesus nyono'k kanu balo nyo, ''Jilu'klah kanu kaisar hal-hal di'k jodi pu'k kaisar dan kanu Bai Punopo'k hal-hal di'k jodi pu'k Bai Punopo'k.'' Dan, balo nyo heran kanu Yesus. Pumisia'k Nyo Saduki nya'k Nyebak Yesus ¹⁸ Lalu, balo nyo Saduki , di'k nyono'k bahwa kadiah kubangkitan, moni'k kanu Yesus dan misia'k kanu-Diapm, kuatn balo nyo, ¹⁹ ''Guru, Musa nulis kanu yah bahwa la'k nyo, di'k pu'k posi'k di'k dahi, kobe'k dan togatn sau'u, tapi kai togatn na'k, posi'k di'k dahi han harus pungantetn janda han dan moki kutuhutn nya'k posik'i. ²⁰ Biatn ju'k nyo buposi'k. posi'k di'k tiatn ngosau, dan la'k diapm kobe'k, diapm kai togatn kutuhutn. ²¹ Lalu, posi'k di'k kudua'k pungantetn ngan dayua han, dan kobe'k dan kobe'k tanpa togatn kutuhutn. mahan gi'k i ngan posi'k di'k kutohuah. ²² Dan, kadiah so'k ju'k buposi'k han di'k togatn na'k. Mosi'k so'k sumua, dayua han ngaje'k kobe'k. ²³ libo onu kubuangkitan, libo balo nyo bangkit, jodi sau osiah koh dayua han? Sobab , ju'k buposi'k han jeh jodikan sau.'' ²⁴ Yesus nyawab balo nyo, '' Kaikoh tialah alasan mu'k jodi monyapm, karna mu'k kai ngerti Kitab Suci ataupun kuasa Bai Punopok? ²⁵ Sobab, libo balo nyo bangkit so'k antara nyo kobe'k, balo nyo kadiah di'k ngawtn ataupun ningawetn, tapi balo nyo jodi mah para malaikat no'k Surga. ²⁶ Tentakng balo nyo kobe'k di'kni bangkit, kadiah koh mu'k maca wah kitab Musa, libo ahokng di'k aliat, makiah cara Bai Punopo'k nyono'k kanungi, 'Ku'k adalah Bai Punopo'k Abraham , dan Bai Punopo'k Ishak, dan Bai Punopo'k Yakub'? ²⁷ Diapm kai Bai Punopo'k nyo kobe'k, tapi Bai Punopo'k nyo di'k midiap . Mu'k omatn-omatn sesat!'' puhitah di'k palikng pontekng ²⁸ Kemudian, biatn so'kahli Taurat moni'k dan ngopikng balo balonyo budebat. Libo diapm honokng bahwa Yesus jeh nyawab balo nyo ngan bai'k, maka diapm misia'k kanu Yesus, ''Pihitah kiah di'k palikng pontekng so'k sumua? ²⁹ Yesus nyawab, ''Ukupm di'k palikng utama adalah: 'Kapikng, hai balo nyo Israel ! Punopo'k Bai Punopo'k yah adalah hanya nyi'k Punuopo'k. ³⁰ Dan, Kasihilah Punonopo'k Bai Punopo'k mu'k ngan sugenap otimu'k, dan ngan sugenap jiwa mu'k, dan ngan sugenap piker mu'k dan sugenap kukuatatn mu'k.' ³¹ Dan, di'k kudua adalah:'Kasihilah susama mu'k mah wua'a mu'k mai'h .'kadiah ukupm di'k lobiah daeh so'k tia.'' ³² Lalu, Ahli Taurat han nyono'k kanu Yesus, ''Mu'k omatn, Guru. Mu'k omatn ngan nyono'k bahwa Diapm han nyi'k, dan kadiah di'k laikng selaikng Diapm. ³³ Dan, ngasihi-Diapm ngan sugenap pungertian, dan ngan sugenap pungertian, dan ngan sugenap kukuatatn, serta ngasihi susama sepertiwua todiap, memang lobiah pontekng so'k sumua kurban ninicual dan pusembahan .'' ³⁴ Kumudian, libo Yesus honong bahwa nyo han nyawab ngan bijak, Diapm nyono'k kanu'ngi, ''Mu'k kai oju'k so'k kerajaan Bai Punopo'k.'' Sesudah han, kadiah agi'k nyo di'k buhani misia'k kanu Yesus. Kristud adalah Punopo'k ³⁵ Dan, samel ngajar no'k Bait Bai Punopo'k, Yesus nyono'k, ''Makiahmah'a tau'k balo ahli Taurat nyono'k bahwa Kristus adalah na'k Daud? ³⁶ Daud todiap nyono'k no'k wah Roh Kudus, 'Punopo'k nyono'k kanu Tuanku'k: Guhu'klah no'k supiak touh-Ku'k, sapai Ku'k ngono'k balo musuh-Mu'k no'k sigatn kojo'k-Mu'k.' ³⁷ Daud todiap nyono'k Kristus subagai 'Punopo'k'. Jodi, makiahmah'a mungkin Kristus adalah na'k'a?'' Dan, nyo obia ngopikng ngan sonang. Sikap kanu Balo Ahli Taurat ³⁸ Wah pungajaratn-Diapm, Yesus nyono'k, ''bujagalah kanu balo Ahli Taurat,di'k anal bujalatn nya'k jubah omuh dan anal himo'k salapm punghormatan no'k wah ahokng umum, ³⁹ dan, pu'k ahokng guhu'k terhormat no'k sinagoge-sinagoge dan balo ahokng kuhormatan wah pujamuan-pujamuan. ⁴⁰ Balo nyo di'k noku homing-homing balo janda dan subagai dalih budoa di'k omuh. Balo nyo akan himo'k ukum di'k lobiah obat.'' Pusembahan Sujati ⁴¹ Kemudian, Yesus guhu'k buhadap ngan kotak pusembahan dan ngamat balo nyo di'k nyilu'k duet kanu wah kota'k pusembahan han. Obia nyo kaya di'k nylu'k wah jumlah daeh. ⁴² Kemudian, nyo janda musiketn moni'k dan nyilu'k du kipekng duet logam, di'k sunilai ngan 1 sen . ⁴³ Lalu, Yesus pau balo murid-Diapm dan nyono'k kanu balo nyo, ''Ku'k nyono'k di'k omatn kanu Mu'k, Janda musiketn tia jeh nyilu'k lobiah obia kanu wah kota'k pusembahan han so'k sumua nyo laikng. ⁴⁴ sobab, balo nyo sumua nyilu'k so'k kulimpahan balo nyo, tapi janda musiketn han, nyilu'k so'k kumusiketn'a, nyilu'k sumua di'k diapm pu'k yaitu sumua nafkah'a.''