1
Esi talo bilip magei Esus eia Kristus subitala mogoama le Deo, esei masaga e Tamala age masaga lou e latula oama lela.
2
Tigele mage tatou rovia tatou masaga e lulatule e Deo; mage tatou masaga Deo tatou ge togo lalo talia.
3
Yale latiamulila te Deo; ale tatou sautola lalo. Lamoli lalo a koramuli balo ge igo bugu emutou.
4
Mage esou tomi subitala oilo le Deo esou ge tuga sae oata lamia bugugu lamagasa. Timage lavagari lamagasa tatou taotia stalo, oilo la bilip.
5
Esi talo tilimuli balo lamia lamagasa? Amoli a bilip mege Esus a latule Deo.
6
Eia moli a subitala lalalu lakasoso; Esus Kristus. Eia subitala moli balo lalalu, asubitala tomi lalalu lakasoso.
7
Timage esou tautolu mariri tomi;
8
La Spirit, lalalu, tomi lakasoso. Esou tautolu maritomi.
9
Mage tatou abi lamaririla tela talo, lamaririla oama le Deo a uru sele. Lagelemulila te Deo timagei, asubitala lavula le laTula.
10
Esei talo bilip oilo le LaTule Deo la gelemulila talia a oilo lou lela. Esei talo bilip balo mage e Deo visubitala eia a bugu, lavula eia bilip balo mege e Deo bati elaTula somai.
11
Timage tatou mariri vikapopo; Deo abiti lamulila kora, lamulila yale a oilo le laTula.
12
Esi talo taola e Esus oilo lela a taola lamulila. Latalo taola balo e Latule Deo a taola balo lamulila.
13
E yau kikesi solala semu lamamia tomi lavula emege rovia mege eme taola lamulila - solla semu eme bilip oilo lisale laTule Deo Tigele tatou taola.
14
lavagarila mamuga lela eia, mage etatou ge sage lava oama la masagala talia, age lolo etatou.
15
Lamoli, e tatou rovia mage eia lolo etatou - lava e tatou sage eia - tatou rovia mage tatou taola lava etatou sage eia.
16
Mage eatasa ilo e tabarala igo lapekato yale a visubi tala balo lapileo, a ge prei, Deo ge abi lamulila sela. E yau veia soama seso igo lapekato a visubitala balo lapileo. Lamoli lapekato a visubitala lapileo; Eyau vei mage mala prei olala.
17
Esou igigo lamia bugugu a lapekato, lamoli lapekato isa olala a visubitala balo lapileo.
18
Tatou rovia mage esi esou pigoa mogama le Deo a taola balo la pekato. Lamoli esi ale esou pigoa mogama le Deo ilo mulia, e satan koramuli balo ge igo bugua u.
19
Tatou rovia mage e tatou mogama le Deo, e tatou rovia mage la mutula tomi otalo magasa esou oilo la vagarila te satan.
20
Lamoli e tatou rovia mage e latula Deo a gomai abi lagabutala kora statou timage tatou ge rovia eia a sele, Yale, tatou oilo lela a sele, oilo lelatula Esus Kiristus. Yai eia e Deo laseselela tela mulila sele.
21
Lulatugu, pou malau le deo lavigogolola.