¹ Ngalemuona munchumi nyaimkanie kufui na mazabaunyi, na kaamba, shikave mido ya nguzo Ritevi Romsingi usinjike shidose shibarandu shibarandu uye ya mido yavose, nainyi Ngapemuangha koupanga omwisho wavo. Kuode nama naomupo wavo apedimapo idicha, kuode nama naomu wavopo apedich. ² Nakojeapekula ko sheoli, nakuode koko kokwa upeveiria. Nakoja vapedoja ue idambka Ruwea, ipo ngapeavaurigha wanda. ³ Navakakurika uye ya karimeli, ngapevashigha Roipo naevaivia, navakakurika ipo shilindinyi sha mringenyi ukuslslie Ngalava, Lambwe ngapemduma njoka, na vapeimadwa. ⁴ Nakoja vapendambuka ipo kipungonyi, vapeadwa navanyamavi wavo bel yavo, Ngapeduma ipanga ipo na upevaangha.Ngapelambwa na meso vakwauye yavo kovavichwa na chikouchapo." ⁵ Mundumi makiungaojeshi nchoapediya orika na, vasijia, vose valakeri ipo vapesononeka; shoose shipeteshka chakundu dahu, ipetitia kavi chakundu dahu ya Misiri. ⁶ Icho nyicho echeshishumba numbaake ruweu, naesivooka kubayake uye ya orikenyi icho nyauri mringa ukusalalie, naivabuswa usonyi ourikinyi, yawe nchoo Irina Jake. ⁷ Inywe chakundu uandu vakusi vakwa, vana vaisraeli? kudi kudo yawe eleamba ngelevadosiria Israeli ifuma nchii ya Misiri, waja valasinuwa ifuma krete, na vashami ifuma kiri? ⁸ Lambwa meso vamundumi yawe vakeri uye ya mudue aode sambii, nangapeunyamara ifuma ipo usonyi ourikenyi, kulavekeri nganyamarapo nama numba ya Yakobo -kudi kudo yawe aamba. ⁹ Lambwa, ngapeamuru, nangapeiba numba ya Israeli anduamu koo nama kuode nachembepo ya nagano ipo ungonyi, kudo nama kuode nachembepo ya inghoo ipegwa ipo wandenyi. ¹⁰ Veja vecheongwa; maifu upekumbiwapo ana ikojana naise; ¹¹ RoRyeri Ryo ngapeteshwa hema ya Daudi ivekeri imegwa, napunga maramba vake. Ngapeteshwa magofu vake, na ishumba kavi chakundu komfuri okala, ¹² Vatawale shija shilebaki sha Edoma, na mataifa voose amu ivo valedikiruwa Jakwa-kudi kudo yawe eleamba-auta iva. ¹³ Lambwa, siku sipecha-kudi kudo yawe eleamba komfuri modema apemuida movuna, na esesivada zabihu apemningia icho echevajaa mbeu. Mafumbu vasemberuwa gwari ulodie, na mafumbu yoose ipebubujika nayo. ¹⁴ Ngapevaurigha ifuma kipungonyi vandu akwa Israeli.Vapeshumba magofu ya miri na Idanya ipo, vapedoja bustanini za mizabibu na inwari, na vapeuta bustani neijaa mandunda yavo. ¹⁵ Ngapedoja mapaka ipo nchinyi yavo, na vapeghulwa kavi ifuma ipo orikenyi ko ngalevaningia," aamba yawe makilunga wapo.