¹ Ariyarok ayaa a hats tserudurwo! Slemeero a ana hats lamto nee daqaari'iimar fisoro qwatluse i barawos daqislem. ² Alkwaa'aari afor qawi'ii i ar ii qaseek nee afor gurudema ti tiuuta farso /ats nee gaarduu slaqwara tsaxw tsaxwelin. ³ Oo faras ngwa tsa/ane i slaqwiiya pangaduu in mirii/iiya Lawluu in miriirii/eelina tuwi a uffee ufer uren ar slaqoo alhhe'eesay slaqoo i kaahh slaqwaruuse in huhuuiya gawaa' slaqoosiya. ⁴ Gar idori istiit as tlehhimii ilatlerir slimusooda hhohhoo toda a itsahhhaan da/ariiyo toda xooro nga weeris ner sli'iimaro's nee muu ar uruwar da/ariwo's. ⁵ Qaytsiit an a dimbay nee kiing /aymuwi oo Aako aleslemusmo i kaahi kashidarok an watlees ngire kwaahh gawaa' getse/awok /akwetsowak ngure laqaamu dir xoorduu nee kilqirok dir wawtumo. ⁶ In slasla/arema tlakw i kwaahh ire gari talakw wa lo tleehh ire hee ta xuxuun nee umoo heewo tleehh. ⁷ Aluwo umoo hee i qo i qatsiita in ilagow ire ooi Ninawi a hhiturut hee ngi sa wa/a/aa a maa a dila dir hee ngi kur kwa/aas nguwaslaw? ⁸ Hhe'ee Ninawi kiing tin ak bariloe Noamonir toda ta tleehh dandoo yaa Naili toda ta harweer nee ma'aay nee baqamooros a ma'aay tlawi nee baqamor ur an tlawta kila. ⁹ Yamu isiopia nee Misri an /uruwos nee alhhe'eesewos. ¹⁰ Aluwo Naomoni kanar taly inatler baraa' lawa/iiima Na/awos kwoda ninakw kina geqay kire qasmiis kire ka'eemoo tlehhiit umoo dirqoo ure baraa' tla/angw aykoo, tlakuseeros tsawadoo kana tlehh dir mukos kwoda ta ilaiwawa/i nee uruuseeros sleme kinatsegiit ar muqsla. ¹¹ Kuung sleme a oonit tire iiad tiwa lu/ nee dir goowaay kare leelehh astlakuserok. ¹² Baqamorok slemeero a idor atsir a hamaat daqi alero siwar barka diyiis in tliri'iit awa afko heeda ngi /aayi. ¹³ Qaytsiit muu baraa tla/angwhunge a /ameena tsufii'ii ayaawak ka gweraa hhe'ees as tlakuserok as/a gitlhheri sleme nga /ay ngire hhitiin. ¹⁴ Ma'aay hheke as slumtok tleehha baqamooro gawdeeseek tlatlaw baraa hhape ba/ii /utuu/eek tleehhee as matafaali. ¹⁵ Asla in fak dirqae panga ni hhamiis iri idor inging ir /ayayin umoo garo t=faki kuunga kila ti amohhe'eese tunuwa yariir idor ingigitawa ale ar i tlew nee tunuwa yarir idor ingigita uren ar'a kuwa/. ¹⁶ Mu'k halanuuumar tlehhiit uga yarees idor tsatse/oo gawaa dawri ba/a hhe'ee i idor karkariita wa day yamu ngin /ayiya aluwo ire /akumiitiya amor saw. ¹⁷ Wawiitohung ku yariir idor ingi ee uruser asakari a idor sigango daqa kwoda ti burumbur gawaa yawa qoomar tsaqwaro aluwo tse/ama birna gwa/aat nin tlaya amor sawa arta xu'uka. ¹⁸ Qawtumoo Ashuru de'eemseerok a gu aruserak a tlumbarhhamiti yaamu tawa hungu/usi mukwok a diya ya /ati gawaa' tlomi tan=m hee wak i kaahh oo ngi harakixii's. ¹⁹ Gar ingahhayeewok hungu/uusaro ngu aleslaw i kaahh ingahhi'iiwok ki uren oo kangok ngwa axaasiye tsai'ii kin tahh ner qwalaa/ dandoo wok a maa oo tlakwemawok o daqi sleeme.