1
Igutuu dandoo Ninawi kitabu igutuu Nahumu hee aya melkoshi.
2
Aako Mungu a Mungu tlomu koom nee ii muhay bu'uun Aako Mungu nee haats munenero Aako Mungu i muhay dir tlakuseeros nee buhhta ngi loa alkon dando tlakuseerose.
3
Aako ii /uuru kon wa lo nee muneeros ka islahheeka Iya/aamutaka tlakuseros ngiwa ganaamu ii harafari Aako Mungu uruduunos ngi tlahhiit ar baraa fura'ar bambeo nee gemba nee tsafo an tlarangw baraa' ya'aawo's.
4
Tlawi ngi i gahhat ngire kahaas yau slemeero ngin kahaas Bashani nee karmeliro in moiya /ayor Lebanoni ire mo.
5
Dir geraawos tlaomi bar/aseeyi ngin eer nee ge/aawe ire hhasuusumit yaamu in hu'iiya geraawose yaamu nee mukda baraawos wa hoota in hu'uma hhe'esiya.
6
A ma'aa hee sihhitiiror geerawos ngi qiitl as munenerose? A ma'aa hee muneneros toqa dihh ngi aleslaw i laa/aro? Buhhtaawos kinaaku'uus idor asla nee tal/u ngina Parahhamiis ngire haraasaweemis.
7
Aako Mungu ku hhoo a baqaamo deelor slahha'amuko nee inos kwoda slemeero ngwaigowii ngi tun.
8
Hhee talakuuseros ngin hhaamiis alhheesayo nar wee/eeri na wa/aya ner /uruu oo daymutimiisa ngina slakaat ay baraa /oona.
9
Muu garta aldakumiti dandoo Aako Munguhe aumos? inos alahhe'eesay ngwa qaas mui waii tsar wa ki/iika.
10
Asuma tan xwaraaxwariit idor laqaya tare himbooluumit baraa wahangwin kilo's kire hhitima hhe'ees ner asla idor kintori hhasla wa alero.
11
Hee wak nina baraa tla/a ngwa hung wa ti'iit Ninawi kwoda ar tlakw nga amhhe'ees dando Aakoo Mungu hee tlakwema nga algawuduy.
12
Idori an idor Aako ioiin. Tam i ala /uruu bu'ut konaa nee tam farar bu'uut kona'a tam idosiye kirinir/iis mukin i male daruutiaaka. Ala kuung Yuda tam a ala slehhe'eemamisi slamti u malee slehhe'eesaka.
13
Alkuari tsegamooda ar amor kuung an muqslada tar tseg an tlaqa.
14
Aako axweeni ngaa oo dandowoge Ninawi xwaylar umoowok ngu gaagar i kahh. Slaqasi'iihung kwoda ta dakute in ilaa/ nee slaqasi'iida oo muqsla in hengees baraa' maray mugi'iihungw wa ale bauthung i fool as waqa'aamahung.
15
Qaytsiit gawaa sagii tlomii ya'aa hee ya/awot hho koom oo waydoo alki/iit, sikukuhung tlehhak Yuda nee amohhe'eesak asma uakusumooda nu maleehara tlayka kwa hengeesahhe'ees.