¹ Slehengw faangw dlor mibeeeri tsar nee wak /aymu Aako ninahardah ner dako aaruusumoo Hagai oo kah. ² Axwees nee uruusumoo oo aya Yuda, Serubabeli garma Shaaltieli nee geraharuusumoo ur saliingw Yehosadeki, nee mukda aa meet kibeer. ³ A ma'a oo a meet tla/angw hunge oo xrifoo do da oo gera ngwa ari? aso a gaaroke dir ilahunge? ⁴ Hindi muna gawdaaseek Serubabeli gaari an oka axwenta Aako, nee muna gaadu uruusuumoo saliingw Yoshua garma Yehosadaki an gar Aako desak kungai oo aya gaari an gar Aako naa oo nee gadiyee asma a dinkwa nee kuung gaari a axweesanta Aako alestemu. ⁵ Idooda al'axweesata ar alqadoree toda naa tlehha an nee kuunga qomar niwa tiir wa baraa aya Misri nee qeeruee ina sihhiit tla/angw i ale ma da' iyutara. ⁶ Asma Aako Mungu slaqwarusumo gar kahi a tih afiqomar ninawo dawri nee a yamu i dingitiis tlawi nee yamuu kahaar. ⁷ Nee umoo xororo an dingiis nee umoo xoororo moro tlaxor ur ngu huwiya nee daowi kure hatsii xrifoo! Aako aleslemu i kahi. ⁸ Mislay nee Pesaro a tee ti a kahir Aako Mungu aleslemusumo. ⁹ Xrifoo do'owi ku ur walo' dir arifooda oo geraawo Aako Mungu aleslemusumoo nee wayda ngu haniis diirihe- Ti ngina oo Ani oo Aako Mungu aleslemusumo. ¹⁰ Qoomar delor miberi tsar nee tsiyahh slehhengw gwalel kurko tsar oo wawiti'imar dario /ayimu Aako Mungu ina hardah dir amusumo ta bay Hagai oo kah. ¹¹ Aako Mungu u geraharusumo ur oo saliingw hahasak gawaa dandoo haraeyaro nee kubet. ¹² Abari hee fu'unee taa hariis dir Aako nga gagar ner paslita iqwariros avar iqwari moro /ayima nqwa kwa titi /aqa duutsu laqaa gar wahaa laqa di/i laqa fa/ar hatla nee moro aso moro/aymasil ii gar hho.Tlehhiti? geraharusumoo sliingw ina oo a sla'ay. ¹³ Aluwo Hagai inaa oo Hee abar tuaa ngina kwatiit nee ire slasla/aruwi nee morowi ngure kwatimiit slemeero ina slasla/amuwiii? ¹⁴ Gawaa idoosihe Hagai ire oo iwa kah, dinkwa nee mukwi nee dinkwa nee muku aya oo geerae dirii ti Aako ngin kah kee sleme umo gaa ina fak ner dako's asma tada tina duux ka hhohhoeeka nee kan slasla/aar. ¹⁵ Gawaa' idorihe al dakweek imir delro bili ay dloda aluwa hi'iit dir tla/ano kwar qasika gawaa tla/ano hatla baraa' doo Aako. ¹⁶ Idori a idola? Umoohee miwa cay baraa' xoosludoo qoomeemeso balangw oo waii miberii tsar laqaati qoomee dair oo har waii mibaangwa kilos. Nee oo naa xay morowahaangw ngwa i hheek waii harqomee miberii koan laqati harqomee daw aa mibeerii tsar. ¹⁷ Kuunga tunduna slehhieemiis ner gadiyer dabahung ner ququmo nee tluwee tlawe nee kuunga naa amaor'ee ki/ii'iika idor Aako ngina oo. ¹⁸ Deelori ar bili aldakwee nee alkome imir deelo miberii tsar nee tsiyaha ar slehheengw gwaleel imir doo Aakoo Mungu' kuwa ihhaaf. Tis aldakwaa! ¹⁹ Aso! Dahasingw i koomiti baraa kuntiro? Sabibu xa'ano /antsi komamanga nee xwano Seituni /aamu ngwa laqwalika imir deeloriir bili ani kuunga tundun tsuuq! ²⁰ Aluwo /aymuu Aako nire hardah waii tsare ay dir aaruusmo Hagai deelor mibeeri tsar nee tsiyahh ar baraa' slehhengw ar kah. ²¹ Axweese nee uruusmoo aya Yuda Serubabeli kubeto dawri i diingitiis nee yaamu. ²² Gawaa' idorihe kitangw waawutumo un slafis nee /uruu waawitiimar dandoo yaamu ngure hhitiim gardum nee mukda farsuu tsa/a/am ngure daahh, farsuin nee mukda farsuu tsa/a/aam ugure daahh. Gawaa' idorihe umoo hee paangar hhiyawo's ngu /ay. ²³ Deelosiye idori an idosi Aako Mungu aleesleemusmo ngina oo Ani kuunga ur tlaw garmaa Shaltieli, idor as gadiyusmoee idori an idor Aako aa oo'. Ani kuung un ya/aaw idor saxmo dugmoee asuma ani kuung una tsawaar! Aako Mungu aleesleemusmo ngina oo'.