¹ پر تو جو صحیح تعلیم اے ایمانداری نال دَس۔ ² وڈی عمر والے بندیاں نوں دھیما، عزتدار، احساس پسند، ایمان چے پکا، پہار کرن والاتے اپنی گل چے پکا رہنا سکھا۔ ³ ایسے طرح وڈی عمر دیاں عورتاں نوں و سکھا کہ اوٴ عزت دار طریقے نال رہن، نہ الزام لون والیاں تے نہ شراب (مے) دی عادی ہون۔ پر اچھائ سکھن والیاں ہون۔ ⁴ ایسے طرح او نوجوان عورتاں دی تربیت کرن گیاں کہ اوٗ اپنے بندیاں (شوہر) تے بچیاں (نیانیاں) نوں پیار کرن۔ ⁵ سمجھدار سچیاں سُگھڑ تے اپنے اپنے شوہراں دیاں تابعدار ہوں تاکہ خُدا دے کلام دی بے عزتی نہ ہو وے، ⁶ ایسے طرحجواناں نوں وہ چنگی سوچ دی ہمت دے۔ ⁷ ساریاں راہواں وچ اپنےآپ نوں چنگایاں کماں دا نمونہ بنا کے پیش کر، اپنی (تیری) تعلیم دے ذریعے عظمت تے راستبازی دکھا، ⁸ تے اک درست پیغام جیہڑا ملامت توں بالاتر ہو وے تاکہ ہر کوئ جیہڑا تیری مُخالفت کرن والا اے شرمندہ ہو۔ کیوں جو اُنا کول داہدے خلاف کرن لئ کوئ گل نہ ہو وے۔ ⁹ غلاماں نوں وی سکھا کہ اپنے مالکان نال بحث نہ کرن سگوں ہر گل چے تابعداری کرن تاں جو او خُوش ہو، ¹⁰ اوہناں دی چوری نہ کرن پر اپنا چنگا ایمان وکھا سکھن تاں جو ہر گل توں خُدا جیہڑا ساڈا بچاون والا اےٗ اوہدی تعلیم دی عزت ہوےٗ۔ ¹¹ خُدا دا فضل سارے لوکاں دی نجات لئ ظاہر ہویا اے ایہ سانوں سکھاندا اے کہ دُنیا نوں تے دُنیاوی چیزیاں (شیواں) نوں رد کریے۔ ¹² تے اِس زمانے چے پرہیزگاری، راستبازی خُدا پرستی دی زندگی گزاریے، ¹³ جدوں کہ اسی اپنے قادر خُدا (عظیم خُدا) تے اپنے نجات دہندہ یسوع مسیح دے جلال دے ظاہر ہون دی مبارک اُمید دے پاون دی اوڈیک رکھدے ہوے آن۔ ¹⁴ یسوع نے اپنے آپ نوں ساڈے واسطے دے دینا پیا سانوں ساری بے شرع زندگی توں چھڈا کے تے اپنے لئ پاک کرے تے اوٗ خاص لوک بنسے جیہڑے چنگے کم کرن لئ بلکل تیار نے۔ ¹⁵ ایسیاں گلاں لوکاں نوں سکھا، اوہنا دا حوصلہ ودا کہ اِنا تے عمل کرن، اختیار دے نال اُہناں دی درستگی کر تے کوئ تیری حقارت نہ کرنے پائے۔