¹ ۱۔ میں پولوس یسوع مسیح دا رسول تےساڈے بھرا تیموتھییس ولّوں خدا دی کلیسیاء جیہڑی کرنتھ وچ اے تے اچائیا دے خطّے دے سارے ایماندار، ² تہواڈے تے فضل ہوئے تے خُدا باپ تےخُداوند یسوع مسیح دا اطمینان تواڈے نال ہوے۔ ³ ۳۔ تے خُدا تے ساڈے خُداوند یسوع مسیح دے باپ دی تعریف ہووے، اوہ رحم کرن والا باپ تے آرام (تسلّی) دین والا خُدا اے۔ ⁴ خُدا سانوں سب دُکھاں وچ تسلی دیندا اے کہ اسی اوہناں نوں تسلّی دے سکیئے جیہڑےکسی تکلیف وچ نیں۔ اسی اوسے تسلّی نال دوجیاں نوں تسلّی دینے آں جیہڑی خُدا نےساہنوں تسلّی دین لئی استعمال کیتی۔ ⁵ جِینج مسیح دے دُکھ ساڈے لئی چوکھے نیں ایسے طرح تسلّی وی مسیح وچ چوکھی اے۔ ⁶ جے اسی دُکھ وچ آں تے اے تواڈے آرام تے نجات لئی اے۔ تے جے اسی آرام وچ آں تے اے وی تواڈے آرام لئی اے۔ تواڈا آرام اثردار طریقے نال اوہدوں کم کردا اے جدوں تُسی صبر دے نال اوس تکلیف وچ شریک اوہ جیہڑی تکلیف اسی جھلدےآں۔ ⁷ ساڈی آس تواہڈےبارے پکّی اے کیوں جے اسی مننے آں کے جینج تُسی تکلیفاں وچ سی شریک اوہ۔ ⁸ بھراؤ اسی نہیں چاہندے کے تُسی ساڈی مُصیبتاں توں ناواقِف رہوؤ، جیڑیاں ساڈے اُتے آسیہ وچ پئی سن۔ اسی اپنی طاقت توں ودھ کے کُچلے گئے کہ اپنی جند دی اُمید وی ناں رہی۔ ⁹ سچ مُچ ساڈے اُتے موت دی سزا داحُکم ہو گیا سی، اے ایس لئی سی کے اپنا بھروسہ اپنے آپ تے نئیں پر خُدا اُتے کرئے جیڑا مُردیاں نوں زِندا کردا اے۔ ¹⁰ اوہنے سانوں ایہو جئے جان لین والے خطریاں توں بچایا تے اوہ ساہنوں فیر بچاوے گا، اسی اپنی آس اوہدے اُتے بنی اے کے اوہ ساہنوں خلاصی دیندا رہوے گا۔ ¹¹ اوہ اینج کرے گا، جینج تُسی سی اپنی دُعاواں نال ساڈی مدد کردے اوہ۔ تے فیر بتھیرے ساڈے لئی شُکر گُزاری کرن گے، ایس لئی کہ بتھیریاں دی دُعاواں دے وسیلےساڈے تے بھاری فضل ہویا اے۔ ¹² اسی ایس تے فخر کرنے آں تے ساڈا ضمیر گواہ اے کہ اسی اپنے آپ نوں دُنیا وچ پاک تے خُدا وچ مُخلص رکھیا اے تے جسمانی عقل دے سِر تے نئیں پر خُدا دے فضل اُتے۔ ¹³ اسی توانوں کُجھ اینج دی چِیزاں نئیں لکھدے جو تُسی پڑھ تے سمجھ نا سکو۔ میں ایس چیز دی توقع کرناں واں ¹⁴ کیوں جے تُسی ساہنوں کُجھ تھوڑا بہت سمجھدے اوہ تے اسی اپنے خُداوند یسوع دے دِن نوں تواڈے لئی فخر دی وجہ ہو واں گے، ایسے طرح تُسی ساڈے فخر دی وجہ ہوؤ گے۔ ¹⁵ کیوں جے مینوں ایہدا یقین سی، میں پہلوں تواڈے کول آنا چاہندا ساں تاں جو تُسی دوؤں مُلاقاتاں توں فائدہ چُک سکو۔ ¹⁶ میں مخدونیہ جاندے ہوے تواڈے نال مُلاقات دا منصوبہ بنا رہیا ساں، تے فیر میں چاہندا ساں کے تواہنوں مخدونیہ توں واپِس آندے ہوے مِلاں تے فیر تُسی مینوں یہودیا لئی رُخصت کرو۔ ¹⁷ جدوں میں اینج سوچ دا ساں، کی میں چکدا ساں؟ کی میں انِہاں چیزاں دا منصوبہ انسانی معیار دے نال بنانا واں کہ اِکو ویلے میں ہاں ہاں تے ناں ناں کواں۔ ¹⁸ پر جینج خُدا وفادار اے اسی ہاں تے ناں، دوویں نئیں کیہندے۔ ¹⁹ پر خُدا دا پُتّر یسوع جِدی منادی سلونیس، تموتھئیس تے میں تواڈے درمیاں کیتا اوہ ہاں تے ناں نئیں پر اوہ ہمیشہ ہاں اے۔ ²⁰ کیونکہ خُدا دے سارے وعدے اوہدے وچ ہاں نئیں تے اوہدے وچ اسی خُدا دے جلال لئی ” آمین“ کہنے آں۔ ²¹ ہُن اوہ خُدا ای اے جیڑا ساہنوں تواڈے نال مسیح وچ ہون دا یقین دواندا اے، تے ساہنوں مسح کردا اے۔ ²² اوہنے ساڈے تے اپنی مُہر لائی اے تے جیہڑا آن والا اے اُہدی ضمانت لئی ساڈے دِلاں وچ روح دِتا۔ ²³ پر میں خُدا نوں اپنا گواہ بنا کے کہنا کہ میں کرنتھس توادے کول ایس لئی نئیں آیا تاں جو میں تواڈا لِحاظ کراں۔ ²⁴ اے ایس لئی نئیں کہ اسی تواڈےایمان نوں قابو کرنا چاہندے آں کہ اوہ کِنج دا ہوؤے، پر اسی تواڈی خُوشی لئی توادے نال کَم کررہے آں جیویں تُسی اپنے ایمان تے کھلوتے اوہ۔