¹ Kurhi rhwaderhaga kuli Ibrahimu,shakuluza wirhu w'omubiri,bici abwine? ² Akaba Ibrahimu omu bijiro byage arhezagya obushinganyanya,agwerhe igwarhiro ly'okucikunga;ci kwone arhali embere za Nnamahanga. ³ Kurhi amandiko gadesire? "Abrahamu ayemire Nnamahanga n'okwo kwarhuma aba mushinganyanya." ⁴ Eci omuntu ahemberwa omukolo gwage,erhali ngalo;ci kuba kulyulwa. ⁵ Ci erhi akaba arhajiziri cici ayemere kwone ocesa abanya_byaha, obwo erhi bwemere bwage burhuma. ⁶ Kwo Daudi adesire mpu ali munyiragi omuntu Nnamahanga ashoboza obushinganyanya buzira okulola ebijiro byage,erhi. ⁷ "Iragi lyabo babaliragwe ibitumulo byabo n'aba ebyaha byabo bifunisirwe. ⁸ Iragi lyolya muntu Nnahano arhatumuza caha." ⁹ Ewe keryo Iragi kiliri lya bakembwirwe bone,kandi erhi n'abarhakembulagwa? Bulya rhudesire nti obwemere bw'Abrahamu bwarhumire aba mushinganyanya? ¹⁰ Aligi omu bworhere buci erhi alolwa ntyo? K'amango alyamakembulwa erhi amango arhali cikembulwa,ci embere akembulwe. ¹¹ Anacihabwa obwo enzigo y'okukembulwa mpu ebe cimanyiso c'obushinganyanya bw'obwemere ali agwerhe embere akembulwe bwamulerheraga.Na ntyo ahinduka ishe wa balya boshi bayemera barhanakembwirwi,mpu lyo nabo bahabwa obushinganyanya. ¹² Ahinduka n'ishe wabakembule arhali balya banegenera kwone okukembulwa kwabo,ci balya bakulikira omukaba gw'obwemere larha Ibrahimu ali agwerhe embere akembulwe. ¹³ Ntyo arhali marhegeko garhumaga Ibrahimu haguma n'iburha lyage alaganyibwa oku ayishiyima omu igulu;bushinganyanya burhenga omu bwemere bwarhumaga. ¹⁴ Bulya akaba akashambala kali ka beneamarhegeko,nta kamole ka bwemere kacigwerhe n'eciragane ciri ca busha. ¹⁵ Bulyala irhegeko lilerha obukunizi;ci aha irhegeko lirhali, nta kulivuna. ¹⁶ Eco co cirhuma akashambala kalerwa n'obwemere mpu lyo kaba ngalo na ntyo endagano ekwanane iburha lyoshi,arhali eri cikubagira amarhegeko lyone,ci n'elicikubagira obwemere bw'Ibrahimu,larha wirhu rhweshi, ¹⁷ nkoku biyandisirwe mpu," nakujizire ishe wamashanja mwandu.oyola ye larha embere za Nnamahanga,ayemeraga oku ye galulira abafire obuzine anahamagale ebirhahali mpu bibeho. ¹⁸ Omukulangalira ebirhankahashikana okulangalirwa,Ibrahimu ayemera na ntyo ahinduka ishe wamashanja mwandu nkoku ali abwizirwe,erhi: "ntyo kwo iburha lyawe lyaba." ¹⁹ Bwemere bukomire asi zizemwo omu biri gwage gwali gukola guhozire (ali cingana myaka igana).N'omulaga gwa Sara gwalakala guhwire. ²⁰ Arharhindiraga erhi ayunva eci caragane ca Nnamahanga ci obwemere bwa muzibuhya,aha Nnamahanga irenge. ²¹ Bulya alimanyire buzira karhinda emurhima oku Nnamahanga agwerhe obuhashe bwokuyunjuza eciragane cage. ²² Kamurhabwinigi ecarhumaga okwo kumulerera obushinganyanya. ²³ Cikwone arhali yene wayandikirwe mpu ahindusire mushinganyanya. ²⁴ Ci nirhu rhweshi kukwanine obwemere burhubere,rhwe rhuyemera owafulaga Nnawirhu Yesu omu bafire. ²⁵ Oyo Yesu wahanagwa erhi byaha birhu birhuma,anafuka mpu lyo rhuyera.