¹ Rhwono,rhwe rhugwerhe emisi kukwanine rhulembere obuzamba bwe gonyo,na rhunaleke oku kalongereza ebirhusimisize. ² Ngasi muguma muli rhwe alonze okusimisa ababo omu kujira aminja,n'omu kuhana olwiganyo lwinja. ³ Bulya Kristu naye arhalongerezagya ebi musimisize yene,ci nkoku biyandisirwe: "Ebijaci by'abakujaciraga bya npirimirekwo." ⁴ N'ebya yandikagwa mira byoshi,rhwe byayandikiragwa ,mpu bibe nyigirizo zirhu lyo rhuba n'obulangalire omu kubona kurhi Nnamahanga akagirhandula n'okurhuliriza olubaga lwage omu Mandiko Matakatifu. ⁵ Mashi Nnamahanga cisiki c'okulembera amalibuko n'eco burhulirize,amuhe okuyunvanya mwene nanene oku lwiganyo lwa Yesu Kristu. ⁶ Lyo mweshi haguma n'omurhima muguma n'izu liguma muha Nnamahanga n'Ishe wa Nnawirhu Yesu irenge. ⁷ Co cirhumire mukayankirirana mwene nanene, nkakulya Kristu amuyankiriraga, oku irenge lya Nnamahanga. ⁸ Ka mubwine bwinja Kristu acijizire murhumisi wabakembule,mpu lya yunjuza amalaganyo Nnamahanga alaganyaga bashukuluza babo. ⁹ Nabo abapagani bakuza Nnamahanga erhi bwonjo bwage burhuma,nkakulya amandiko gadesire: "Okwo kokwarhumire nakukuza omu nbaga,nayimbire irege l'izino lyawe." ¹⁰ Kushubiri yandikwa: "Mushagaluke,mwe nbaga,mucishinge haguma n'olubaga lwage." ¹¹ Kandi kuyandisirwe: "Mukomere Nnahano,ninyu mwe nbaga zoshi;omukarhi kamashanja goshi mumukomere akagasha." ¹² Nakandi,Isaya adesire, "Mwene Yese ayisha ayishirhegeka amashanja goshi,ye wanaba bulangalire bwigulu lyoshi. ¹³ Nnamahanga w'okulangalirwa amuhe amasime n'omurhula omu bwemere bwinyu lyo muyunjula bulangalire, oku buzibu bwa Muka Mutakatifu. ¹⁴ Nani niene amanyire bwinja bene wirhu, oku mwoyo muyunjwire nkengero nyinja.Oku muyunjwire ngasi bumanye.N'oku muhashire okuhanulana mwene nanene. ¹⁵ Ci kurharhumiri nta muyandikira na haguma haguma ntamufeferhekizi nti nmukengeze,nnashimbe izu ly'enshokano Nnamahanga anshobozize. ¹⁶ Y'okuba muhamiriza wa Yesu Kristu omu bapagani, na mudahwa w'emyanzi y'akalembe ya Nnamahanga.Nti lyo enterekero y'abapagani ehinduka ntakatifu muli Muka Mwimana,enasimise Nnamahanga. ¹⁷ Ntyola nani nancikuga muli Yesu Kristu nkalola omukolo nkolera Nnamahanga. ¹⁸ Bulya ntako nakahalizize okuderha ebi Yesu Kristu arhanjirisagya mpu lyo abapagani bayunva,omu nderho n'omu bijiro, ¹⁹ oku buhashe bwebimanyiso n'ebisomerine,n'okubuhashe bwa Muka Mutakatifu.Mira nalumizize emyanzi yakalembe ya Kristu kurhenga e Yerusalemu kuhika e Liriko. ²⁰ Cikwone nalonza okumyisa emyanzi ya kalembe aha izino lya Kristu lirhasagimanyibwa,nti ntagiyubakira oku ciriba cahumbagwa n'owundi. ²¹ Nti lyo nnashimba kulya kuyandisirwe: "Balya barhasagibirwa omwanzi gwawe,babone,nabalya barhasagiyunva bayunve." ²² Okwola kwo kwakazagimpaza kanji_ kanji okuja emwinyu. ²³ Ci lero bunola nta mukolo ncigwerhe mwo bino bihugo,nakulya kuba kurhega myaka minji erhi kucifinja ncifinja okuja emwinyu. ²⁴ Hano nja e Hispania,omu kugera ncifijire okumubona,na nti mwe mwayishinpisa omu njira yokujayo hano nba namayusimukumbuluka. ²⁵ Ci bunola nkola narhagi nja e Yerusalemu ngendi kolerayo abatakatifu. ²⁶ Bulya byasimisize e Makedonia n'Akaya okusholorera abatakatifu b'e Yerusalemu bali omu bulangalire. ²⁷ Neci,bali omu mihigo yokujira ntyo,na,erhibanakurhegesirwe,linali ideni ryabo.Bulyala akaba abapagani bashagire oku minja gabo g'omurhima,nabo bakwanine babarhabale n'aminja g'omubiri. ²⁸ Hoshiaho,hanoba namamalira ogwo mukolo ogo,na hano nba namafunbarha eyo nshololo,lyonaja e Hispania engere emwinyu nayisha ndwire obwimana bw'obwanga bwa Kristu. ³⁰ Nmuhunyire mashi bene wirhu,Nnawirhu Yesu Kristu,n'okubuzigire bwa Muka,nti nmudwire omu kusengerera emwa Nnamahanga. ³¹ Nti lyo nfuma aba barhayemiri be Yudeya,lyo etulo naheka e Yerusalemu eyankirirwa bwinja n'abatakatifu. ³² Na ntyo nyishe emwinyu n'enshagali,na Nnamahanga akalonza ntamukire hitya emwinyu. ³³ Nnamahanga w'omurhula abe haguma ninyu mweshi.Amen.