¹ Hemia stat blong gud nius blong Jisas Kraes,hemi son blong God. Olsem we profit Asaea hemi ratem, ² "Yufala iluk, bae mi sendem wan bae ikam fastaem long yufala,wan we bae hemi preparem rod. ³ Igat wan voes istap singaot long drae ples,'mekem rere rod masta,mekem rod ya bae istret gud."' ⁴ Jon ikam,baptaesem ol man long drae ples mo istap prij long saed blong tanem tingting mo blong forgivim ol sins. ⁵ Nao ful kantri blong Judia mo evriwan long Jerusalem oli kam long hem.. Hemi baptised olgeta long Jordan riva,mo oli konfesem sin blong olgeta. ⁶ Jon hemi werem wan cot we oli mekem long hair blong camel mo wan strap we oli mekem long skin blong wan animal iko raon long bel blong hem,mo hemi stap kakai bebet mo wael honey blong sugar bee. ⁷ Hemi talem aot se,wan we bae ikam afta long mi we hemi mo paoaful long mi,strap blong ol sandals mi no naf blong ko daon mo karemaot rop blong hem. ⁸ Mi baptaesem yu wetem wota,be hemi baptaesem yu wetem Holi Spirit." ⁹ I hapen long sam long ol dei we Jisas ikambak long Nasaret long wan ples long Galili,nao Jon hemi baptaesem Jisas long Jodan reva. ¹⁰ Nao taem Jisas ikamaot long wota,hemi luk heven iopen nao Spirit ikam daon long hem olsem wan sotleg. ¹¹ Nao wan voes ikamaot ikamaot long heven,"yu stret Son blong mi.Mi glad tumas long yu". ¹² Nao long semtaem Holi Spirit hemi lidim Jisas iko long drae ples. ¹³ Hemi stap long drae ples kasem foti dei,hemi stap mo setan ikam traem hem.Hemi stap wetem ol wael animol,mo ol enjel oli kam lukaot gud long hem. ¹⁴ Nao afta we oli arrestem Jon,Jisas hemi kam bak long galili mo hemi stap talemaot gud nius blong God. ¹⁵ Hemi talem se,'taem blong hem istret nao,mo God bae hemi kam king blong ol man long wol nao.Yufala imas tanem tingting blong yufala long ol sin blong yufala mo bilif long Gud nius ya'. ¹⁶ Taem hemi stap wokbaot long saed blong bigfala lagun ya Galili,Hemi luk saemon mo Andru we brata blong Saemon tufala sakem net long solwota,from tufala ol man blong pulum fish. ¹⁷ Nao Jisas italem long olgeta se,''yufala ikam,folem mi,mo bae mi mekem yufala ol man blong pulum man.'' ¹⁸ Nao hariap nomo oli leko net mo folem Hem. ¹⁹ Jisas hemi wokbaot iko smol moa,hemi luk Jemes boe blong Zebedi mo Jon brata blong hem;oli stap long bot oli stap somap net. ²⁰ Hemi singaotem olgeta nao oli leko papa blong olgeta zebedi long bot wetm ol narafala wok man,nao oli folem hem. ²¹ Nao oli kam tru long kapaneam,long sabat,jisas hemi ko insaed long ol ol haos prea hemi stap tijim ol man. ²² Ol man oli sapraes tumas taem oli harem tok blong hem,from tok blong hem igat paoa ino olsem ol tija blong loa. ²³ ino long taem wan man we istap insaed long haos prea ya hemi gat wan rabis spirit istap long hem ikrae strong se, ²⁴ ''Bae mifala imekem wanem wetem yu ,Jisas man Nasaret?yu kam blong spolem mifala?Mi save yu wanem kaen man.You stret Holi man blong God!'' ²⁵ Nao Jisas hemi tok strong long rabis spirit ya ise,yu stap kwaet mo yu kamaot long hem!'' ²⁶ Nao rabis spirit ya hemi mekem man ia ifoldaon nao ikamaot long hem ikrae strong iaot. ²⁷ Evri man oli sapraes mo oli stap askem long olgeta wanwan se,''wanem samting ya?wan niufala tijing bakgegen wetem wan paoa!hemi tok nomo long ol rabis spirit afta oli lesin long hem!'' ²⁸ Nius blong hem iko raon long evri ples kasem end blong Galili. ²⁹ Afta we oli kamaot long haos blong prea,oli kam long haos blong Saemon mo Andru,mo Jemes mo Jon. ³⁰ Nao mami blong woman blong saemon hemi sik mo ikasem wan fiva,mo oli talem long Jisas. ³¹ Nao hemi kam,iholem han blong hem,nao Jisas ileftemap hem,nao fiva iaot long hem,nao hemi stap kivim kakae long olgeta. ³² Long aftanun taem san istap ko daon,ol man oli stap karem ol man wetem ol diffren kaen sik mo olgeta we oli gat ol rabis spirit oli stap long olgeta oli karem olgeta ikam long hem. ³³ Evri man long taon ya oli stap tugeta long foret blong doa ya. ³⁴ Hemi hilim fulap we oli gat ol difren kaen sik oli kam gud bakegen mo ironemaot fulap wetem ol rabis spirit,hemi no kivim janis long ol rabis spirit ya blong toktok from oli save Hem. ³⁵ Hemi kirap long eli moning,taem hemi stap haf tudak yet;hemi aot iko long wan ples we inogat man istap long hem nao hemi stap prea. ³⁶ Saemon wetem olgeta we oli stap folem hem oli stap lukaotem Hem. ³⁷ Oli faenem hem nao oli talem long hem se,''evriman oli stap lukaotem yu.'' ³⁸ Nao Jisas italem se,''bae yumi ko same ples long wan nara taon,blong mi save prij long ol ples ya tu.From samting ya mi kam long ples ya.'' ³⁹ Hemi wokbaot iko long olgeta ples long Galili,hemi prij long ol haos blong prea mo ronemaot ol rabis spirit. ⁴⁰ Igat wan man we igat wan nogud sik long skin ikam long Hem.Hemi stap askem hem;hemi nildaon mo italem long hem se,''sapos ioraet,yu save mekem mi kam klin bakegen.'' ⁴¹ Nao Jisas hemi sori long hem,Hemi pusum han blong Hem nao itajem hem,nao italem long hem se,''bae mi mekem.Bae yu kam klin.'' ⁴² Hariap nomo be sik blong skin ya iaot long hem,nao hemi kam klin gud bakegen. ⁴³ Jisas hemi kivim wan woning long hem mo isendem aot hem. ⁴⁴ Jisas italem long hem se,''yu no mas talemaot eni samting long eni man,be yu ko,yu soem yu long ol hae pris,mo yu soemaot we yu klin olsem we Mosis hemi talem,olsem wan testimoni long evri man. ⁴⁵ Be hemi ko aot nao hemi stat blong spredem nius iko olbaot,imekem se Jisas hemi nomo save wokbaot long ol taon nao hemi stap long wan ples we inogat man istap longf hem. Be yet ol man oli stap kam long Hem ol man blong evri ples.